1 PETRU 3:20 - Jinghpaw Hanson Version Bible

²⁰ dai ni gaw, moi shawng na Noa lakhtak e, Karai Kasang a matsan dum ai myit ala nga timung, masha law ma ai n rai, marai matsat sha, hka hta na sai la jahkrum ai sanghpaw li hpe shachyaw da nga ai shaloi e, n madat mara re ai ni hpe nan, rai nga ma ai.

Jinghpaw Common Language Bible 2009

²⁰ Dai wenyi ni gaw shawng de Noa sanghpaw li shachyaw ai nhtoi ni hta Karai Kasang gaw myit galu kaba hte ala nga yang shi hpe n madat n mara ai ni a wenyi ni rai ma ai. Dai sanghpaw li hta masha n law la ai-yawng rai yang she marai matsat sha hka hta na hkye la ai hkrum ma ai.

1 PETRU 3:20 ပူးပေါင်းရင်းမြစ်များ

NINGPAWT NINGHPANG 6:13

Shaloi Karai Kasang Noa hpe tsun wu ai gaw, “Dinghta hkum shan yawng mayawng a chyahtum gaw nye a man e pru ra ai; kaning rai nme law, dai ni a majaw dinghta ga gaw kashun kashe re ai hte hpring chyat nga ai: dai rai nna, yu u, ga hte nawng, ngai shanhte hpe jahten kau na mawe ai.

NINGPAWT NINGHPANG 6:3

Yehowa chyawm gaw, “shinggyim masha ni, lam dam ai gaw, hkum shan sha rai nga ma ai majaw, nye a Wenyi shanhte hpe tut tut a daru nga na n rai: dai rai nna shi a asak gaw latsa e hkun ning sha rai na rai nga ai.”

NINGPAWT NINGHPANG 6:5

Shinggyim masha ni a n hkru n hkra ai lam ga ntsa e kaba la ai hte, shi a kraw lawang na myit maw mamaw gaw tut tut n shawp nga ai hpe Yehowa mu wu ai.

NINGPAWT NINGHPANG 6:8

Noa chyawm gaw Yehowa a man e myi man pa nga ai.

NINGPAWT NINGHPANG 7:13

Dai nhtoi hta e Noa hte shi a shadang sha Shem, Ham, Yahpet hte mung, Noa a madu jan hte shi a kanam masum hte mung sanghpaw li hta shang ma ai:

NINGPAWT NINGHPANG 8:1

Shaloi Karai Kasang gaw Noa hte shi hte rau sanghpaw li hta rawng ai ashu ashan mahkra hte yamnga yawng hpe dum wu ai: dai majaw Karai Kasang gaw ga ntsa e nbung shabung dat wu ai rai nna, hka hpungtun ni sim mat ma ai;

NINGPAWT NINGHPANG 8:18

Dai rai nna Noa hte shi a shadang sha ni mung, shi a madu jan hte kanam ni mung, pru wa ma ai:

ESAIA 30:18

Rai timung, nanhte hpe chyeju myit madun na matu, Yehowa ala nga ai; nanhte hpe matsan dum na matu shi galu kaba nga ai: kaning rai nme law, Yehowa gaw tara ding ai Karai Kasang rai nga ai; shi hpe ala nga ai ni yawng, a lu ma ai.

MAHTE 7:14

Asak hkrung ai de hkrang ai chyinghka chyawm gaw, gyip nga ai hte de a lam gyeng nga ai rai nna, dai hpe mu tam ai ni n law ma ai.

LUKA 12:32

Sagu hpung kaji e, hkum hkrit et; dai mungdan nanhte hpe jaw na, nanhte a Kawa myit sharawng nga ai.

KASA 2:41

Ga dai hta la ai ni gaw baptisma hkam la shajang nna, dai shani e masha hkying masum dang jat bang wa ma ai.

ROMA 9:22

Dai zawn Karai Kasang gaw, shi a pawt sindawng madun nna, shi a atsam hpe chye wa shangun mayu let, hten mat na matu hkyen da ai pawt ging ai di ni hpe galu kaba sumnung ai myit madun nna shakut sharang nga nga ai hte;

EHPESU 5:26

Dai Hpung hpe hka hte mungga e hka shin kau ai hte jasan jaseng kau nhtawm, dai hpe shachyoi shapra nna, agang chyalang hte kapum kapam re ai hpa mung n lawm ai sha,

HEBRE 11:7

Kamsham ai hte Noa gaw garai n mu yu ai arai ni a lam shadum jahprang ai hkam la lu ai rai nna, shi a nta masha ni hpe hkye hkrang la na matu hkrit hkungga ai myit hte sanghpaw li shachyaw wu ai: shing rai kamsham ai hte shi mungkan ga hpe jeyang nna, makam masham hte seng ai dinghpring ai a sali wunli hkam la ai wa, rai wa ai.

1 PETRU 1:22

Dai dingman ai ga hpe madat mara nga let, nanhte kahpu kanau ni hpe gaja wa teng teng, tsawra lu ai du hkra, nanhte a myit masin hpe san seng kau lu myit dai majaw, nanhte a myit ting hte shada da tsawra nga mu;

1 PETRU 1:9

myit masin hpe hkye hkrang la lu ai, ngu ai, kamsham ai a akyu hpe hkam la lu manu ai.

1 PETRU 2:25

Kaning rai nme law, nanhte nlang sagu zawn lam dam mat myit timung, ya gaw, dai Sagu rem wa hte nanhte a myit masin a Hpung up wa hpang de, nhtang wa manit dai.

1 PETRU 3:19

dai wenyi hte nan pru wa yang, dai htawng hta e rawng nga ai tsu ni hpe shi wa hkaw dan mu ai;

1 PETRU 4:19

Dai rai nna, Karai Kasang a myit da ai hku hte maren nni nkri hkrum ai ni gaw, kaja ai amu bungli galaw nga let, sadi sahka nga ai Hpan wa Ningsang a lata e, tinang a myit masin hpe ap bang ya mu ga.

2 PETRU 2:5

moi moi na mungkan ga hpe mung lahpawt lama n di ai sha, dinghpring ai tara hkaw dan ai sara Noa hte masha sanit hpe makawp maga la nhtawm, tara n hkungga ai ni a mungkan ga a ntsa e sha-u sha-ing dat wu ai hte;

2 PETRU 3:15

Anhte a tsawra ai hpunau Pawlu mung, shi lu la ai nyan a hpaji majaw, nanhte hpe ka dat nna, shi a shagun dat ai laika ni yawng hte hta e ka dat nu ai hte maren, dai Madu a galu kaba ai chyeju myit gaw hkye hkrang la ai lam rai nga ai, ngu nna myit tau la nga mu.