1 PETRU 3:18 - Jinghpaw Hanson Version Bible

¹⁸ Kaning rai nme law, Hkristu mung yubak a majaw kalang sha mi si hkam nu ai; Karai Kasang hpang de anhte hpe woi wa lu hkra, dinghpring ai wa gaw, n ding n hpring ai ni a matu mara si hkam ai hte, dai hkum tsawp nan si mat timung, dai wenyi hta ahkrung nga ai:

Jinghpaw Common Language Bible 2009

¹⁸ Hpa majaw nga yang, Hkristu gaw anhte a yubak mara ni a majaw kalang mi hte yawng a matu ngut hkra si hkam sai. Shi gaw kaja ai masha langai mi rai nga da nna yubak lu ai ni a malai si hkam nu ai. Shing rai galaw ai lam gaw nanhte hpe Karai Kasang hpang de woi wa na matu rai nga ai. Shi gaw hkum shan hku nna sat kau ai hkrum timung, wenyi hta Karai Kasang jahkrung la sai.

1 PETRU 3:18 ပူးပေါင်းရင်းမြစ်များ

Daniela 9:26

Dai nhtoi bat kru shi lahkawng lai ai hpang, namman chya hkam ai wa gaw sat kau ai hkrum nna, shi hte seng ai gaw n nga na ra ai: dai hpang e du na ra ai hkawhkam masha ni gaw, mare hte chyoi pra ai shara hpe jahten sharun kau nna, de a jahtum ai gaw hka hpungtun rai na ra ai: dai san da ai aten htum hkra hpyen majan hkrai rai nga nna, marawng marang tai mat na ra ai.

ZEHKARIA 9:9

Ziun shayi sha e, nachying kabu gara nga u; Yerusalem shayi sha e, garu jahtau u: yu u, na a hkawhkam wa nang hpang de du ra ai; shi gaw dinghpring nga nna, hkye hkrang la ai lam shapraw nu ai: shi gaw sumnung ai myit rawng nna, lawze a ntsa e, rai sa, lawze kanu a kasha ntsa e, jawn nga ai.

BU HKAWM 7:15

wan nat hkungga matu usu uram langai mi, sagu la langai mi, ladu hkrum ai sagu la kasha langai mi:

MAHTE 27:19

Ya, dai tara tingnyang hta e shi naw dung nga yang, shi a madu jan shi kaw shangun nna, Dai dinghpring ai wa hpe hpa mung hkum di u; dai ni pyi, yup mang hta e shi a majaw, ngai nni nkri law law wa hkrum nngai, ngu nna htet dat wu ai.

MAHTE 27:24

Pilat mahtang gaw, hpa hku mung n dang lu ai hte kabrawng kabrang byin wa ai hpe mu mu yang, ntsin la nna, shawa masha ni a man e lata hpe kashin let, Ndai wa a asai hta na ngai lawt nga n ga: nanhte nan myit yu nga mu, ngu wu ai.

YAWHAN 16:10

dinghpring lu ai lam dawdan da na gaw, ngai gaw nye Wa hpang de wa mat nna, htawm hpang de nanhte ngai hpe n mu lu na majaw, rai na rai nga ai;

KASA 22:14

Bai shi gaw, ‘Anhte a ji wa ni a Karai Kasang gaw, nang hpe shi a myit mang ai lam shachye u ga, nga nna mung, Dingman ai Madu hpe mu lu na hte shi a n-gup na mungga na la lu u ga, nga nna mung, nang hpe san da nit dai.

KASA 3:14

Dai chyoi pra ai hte dinghpring ai wa hpe nanhte ndang kau nna, masha sat ai wa hpe mahtang hpyi la nhtawm,

ROMA 1:4

Dai kasha gaw masha labau hku gawn yang, Dawi a aru arat rai nga ai; si mat ai ni kaw na bai hkrung rawt wa ai a majaw, Karai Kasang a Kasha nan shi rai nga ai gaw, chyoi pra rawng ai Wenyi hte aja awa shadan dan nga ai; anhte a Madu Yesu Hkristu nan shi rai nga ai rai nna,

ROMA 4:25

dai Madu Yesu gaw, anhte a shut hpyit ai a matu ap kau ai hkrum nna, anhte dinghpring wa lu na matu, hkrung sharawt la ai hkrum nu ai.

ROMA 5:2

Yesu a gawp e mung, ya lu la sagaw ai chyeju hta e, anhte kamsham ai hte shang lu saga ai rai nna, Karai Kasang a hpung shingkang hpe myit mada nga let, kabu gumrawng nga ga ai.

ROMA 8:11

Dai hta kaga, si mat ai ni kaw na Yesu hpe hkrung sharawt la ai wa a Wenyi gaw, nanhte hta e rawng nga a yang gaw, si mat ai ni kaw na Hkristu Yesu hpe hkrung sharawt la ai wa gaw, nanhte hta e rawng nga ai shi a Wenyi a lata hte nanhte a si chye ai hkumhkrang ni hpe mung, jahkrung ya na marin dai.

ROMA 8:3

Jep ai tara nan shinggyim hkum shan majaw n-gun kya nna n shabyin lu ai gaw, hkum shan kaw hkan nang ai ni hta e n re ai sha, anhte Wenyi kaw hkan nang ai ni mahtang hta e, dai jep ai tara a ga matsun dik wa lu hkra,

2 KORINHTU 1:24

Ning nga tsun ai gaw, nanhte a kamsham ai hpe anhte madu nga ai n re ai sha, nanhte a kabu gara ai hta shingdep shingtau ai ni anhte rai nga ga ai; kaning rai nme law, kamsham ai hta nanhte grin grin tsap nga myit dai.

2 KORINHTU 13:4

kaning rai nme law, n-gun kya ai majaw wudang e jen da hkrum rai timung, Karai Kasang a n-gun atsam a gawp e shi ahkrung nga ai. Anhte mung Hkristu hte maren gawng kya nga ga timung, nanhte hta rawng ai Karai Kasang a n-gun atsam majaw, anhte shi hte rau ahkrung nga na ga ai.

2 KORINHTU 5:21

Shi hta e Karai Kasang a dinghpring ai ni anhte tai wa u ga, shi yubak n chye ai wa hpe, anhte a matu mara yubak shatai wu ai.

GALATI 1:4

Dai Madu gaw, anhte a Kawa Karai Kasang a myit ra ai hte maren, ya e rai nga ai n hkru ai mungkan ga na anhte hpe mawai la u ga, anhte a yubak a matu mara shi hkum hpe nan ap kau ya wu ai.

GALATI 3:13

Hpun hta e jen da hkrum ai wa kadai rai timung dagam dala hkrum ai wa rai nga ai, nga nna ka da nga ai hte maren, Hkristu gaw anhte a matu mara dagam dala hkrum ai wa tai wa ai majaw jep ai tara a dagam dala kaw na anhte hpe hkrang shaw la mi ai:

EHPESU 3:12

Anhte a Madu Hkristu Yesu hte seng ai makam masham a marang e, nden ja ai myit hte n hkrit n kang let shang wa ai lam, anhte lu ga ai.

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

HEBRE 10:10

Dai myit ra ai hku a gawp e, Yesu Hkristu a hkumhkrang hpe lang lata sha nawng ya ai a marang e, anhte gaw shachyoi shapra ai hkrum sagaw ai.

HEBRE 9:14

htani htana Wenyi hte Karai Kasang kaw, shi hkum dai hpe ra n rawng ai sha nawng ya ai Hkristu a asai gaw, ahkrung nga ai Karai Kasang hpe daw jau lu hkra, nanhte a myit masin hpe si ging ai arawn alai hta na, grau nna shachyoi shapra ya lu ai, n rai ni?

HEBRE 9:26

shing rai nawng ya ai rai yang gaw, ginding aga lat kaw nna law law lang si hkam hkam rai na nu ai; ya chyawm gaw, shi hkum dai nawng ya kau ai a marang e, yubak hpe yeng seng kau na matu, ndai prat a jahtum e, shi lang mi sha dan pru wu ai.

HEBRE 9:28

Hkristu mung, law law ni a yubak gun hpai kau na, lang mi sha nawng ya kau hkrum sai rai nna, hkye hkrang la ai hkrum lu hkra, shi hpe ala nga ai ni a matu, yubak gun lam hte n seng ai sha, lahkawng lang ngu na hta, dan pru na ra ai.

YAKU 5:6

Dai dinghpring ai wa hpe nanhte dawdan nna, sat kau manu ai; shi gaw nanhte hpe ban hkum nga ai n rai.

1 PETRU 3:19

dai wenyi hte nan pru wa yang, dai htawng hta e rawng nga ai tsu ni hpe shi wa hkaw dan mu ai;

1 PETRU 4:1

Shing rai, Hkristu gaw dai hkum shan hta nni nkri hkrum nu ai rai nna, dai hkum shan hta nni nkri hkrum ai wa gaw, yubak hte hka mat lu ai majaw,

1 PETRU 4:6

Kaning rai nme law, hkum tsawp lu ai shinggyim masha ni zawn, dawdan na hkrum ma timung, Karai Kasang a gawp e wenyi hta hkrung nga lu na matu mara, dai kabu gara ai shiga si mat ai ni hpe mung, hkaw dan da mu ai.

1 YAWHAN 1:9

Anhte a yubak hpe anhte madun nem ga yang gaw, anhte a yubak hpe raw dat kau na hte n ding n man ai nlang hte hta na, anhte hpe jasan jaseng mi ga, shi kangka nga ai hte dinghpring ai wa rai nga ai.