1 PETRU 3:14 - Jinghpaw Hanson Version Bible

¹⁴ Dai rai nna, dinghpring ai lam a majaw, nanhte nni nkri hkrum myit yang gaw, nanhte a lu nga myit dai; shanhte a jahkrit ai hpe mung, hkum hkrit nga myit; de a majaw sha pyi hkum ung ang nga myit;

Jinghpaw Common Language Bible 2009

¹⁴ Rai ti mung lama rai nna teng man ai lam hpe hkan sa galaw nga ninglen nanhte nni nkri hkrum myit yang gaw, kabu lu nga na rai myit dai. Kadai wa hpe mung hkum hkrit nga myit; myit mung hkum ru myit.

1 PETRU 3:14 ပူးပေါင်းရင်းမြစ်များ

GA SHAGAWP 3:25

Akajawng sha du ai hkrithpa hte, Tara n lang ai ni hkrum ai tsin-yam hpe hkum hkrit et:

ESAIA 51:12

Nanhte hpe shalan shabran ai wa gaw, kaga wa n rai, ngai nan rai nga nngai: si ang ai masha hpe mung, tsingdu zawn tai wa na shinggyim masha a kasha hpe mung, hkrit kamyin nna,

YEREMIA 1:8

Shanhte hpe hkum hkrit et; nang hpe mawai la na matu, ngai nang hte rau rai nga nngai,” nga ai.

YEREMIA 15:15

Yehowa e, nang chye nga ndai; ngai hpe dum let, kawan katsan yu nna, ngai e hkan shachyut ai ni hpe matai dawp u: shanhte hpe sharang let, ngai hpe hkum dawm la et; na a majaw ngai shatan nhkan hkrum ai hpe, dum u.

EZEKELA 3:9

Ngai na a lahtan hpe nhpai lung hta grau nna shaja ni ai: shanhte gumlau ai amyu rai nga timung, shanhte hpe hkum hkrit, shanhte n yawt ai myi man majaw hkum mak mat et,” nga ai.

MAHTE 10:28

Hkum tsawp hpe sha sat kau nna, myit masin hpe n sat kau lu ai ni hpe hkum hkrit mu: myit masin hte hpawn hkum tsawp hpe ngarai mung hta e jahten kau lu ai wa hpe grau nna hkrit nga mu.

MAHTE 10:31

Dai re ai majaw, hkum hkrit myit: u tsa law law hta nanhte grau nna hpu nga myit dai.

MAHTE 10:39

Tinang a asak hpe lahpawt ai wa gaw, asak sum na ra ai: nye a jaw e, tinang asak jasum ai wa chyawm gaw, asak mu la na ru ai.

MAHTE 16:25

Tinang a asak hpe hkye la mayu ai wa kadai mung, dai sum mat na lu ai; nye a jaw e tinang a asak sum ai wa chyawm gaw, dai hpe mu lu na ru ai.

MAHTE 19:29

Nye amying a matu mara, nta, kahpu kanau, kajan, kanu kawa, kashu kasha hte yi hkauna hte hpe kau da ai wa kadai rai timung, htam law law wa lu la nna, htani htana asak a sali wunli hkam la na ru ai.

MARKU 10:29

Yesu gaw, Nanhte hpe ngai teng teng tsun made ga, Nye a matu mara hte, dai kabu gara shiga a matu mara, nta, kahpu kanau, kajan, kanu kawa, kashu kasha hte yi hkauna hte hpe kau da ai wa kadai rai timung,

MARKU 8:35

Tinang asak hpe hkye la mayu ai wa kadai mung, asak sum na ra ai: nye a matu hte, dai kabu gara shiga majaw, asak sum ai wa chyawm gaw, dai hpe hkye la lu na wu ai.

YAWHAN 14:1

“Nanhte myit hkum ru myit: Karai Kasang hpe kam mu, ngai hpe mung kam mi.

YAWHAN 14:27

Ngwipyaw ai gaw ngai nanhte hta da ya masade ai; nye a ngwipyaw ai nanhte hpe ngai jaw made ai: mungkan ga na ni jaw ai zawn, ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

KASA 9:16

kaning rai nme law, nye mying majaw gade wa matsan tsin-yam hkrum na gaw, ngai shi hpe madun na we ai,” ngu wu ai.

2 KORINHTU 12:10

Dai rai nna Hkristu a jaw e hkam ai gawng kya ai, hkala nba ai, kyin dut ai, zingri zingrat ai hte nni nkri re ai hta ngai kabu nga nngai: kaning rai nme law, ngai gawng kya nga yang, n-gun atsam rawng nga nngai.

HPILIPI 1:29

kaning rai nme law, Hkristu hta e kamsham lu na chyeju sha n rai, shi a matu mara nni nkri hkrum na chyeju hpe mung, nanhte hkam la manit dai;

YAKU 1:12

Agung alau hkrum yang shakut sharang ai wa gaw, a nga lu ai: kaning rai nme law, dinglik yu ai hkrum ngut jang, Karai Kasang shi e tsawra ai ni hpe ndat da ai asak janmau gaw, shi lu la na ru ai.

YAKU 5:11

Yu mu, shakut sharang lu ai ni hpe, anhte a ngu gaw ai: Yoba a myit galu ai lam nanhte na yu manit dai; dai Madu a asak htum wa ai lam mung, nanhte mu chye manit dai: dai Madu gaw nachying myit yu machyi nga ai hte matsan yu dum nga ai law.

1 PETRU 3:6

Sara gaw Abraham hpe madat mara wu ai majaw, shi hpe Madu ngu wu ai hte maren, tinang a madu wa ni a hkang ai hku hpe hkan nga ma ai: kaja ai amu galaw nna, hpa hkrit shara hta mung, n hkrit n kang nga myit yang gaw, nanhte mung Sara a shayi sha ni rai nga myit dai.