1 PETRU 3:11 - Jinghpaw Hanson Version Bible

¹¹ N hkru ai hpe koi kau nhtawm, kaja ai galaw nga u ga, Ngwipyaw ai hpe tam nna, hkan sa nga u ga.

Jinghpaw Common Language Bible 2009

¹¹ Shi gaw n hkru n kaja ai kaw na kayin mat wa nna mai kaja ai amu galaw let; shi a myit masin yawng hte dai ngwi pyaw sim sa ai lam a matu shakut shaja lu na rai nga ai.

1 PETRU 3:11 ပူးပေါင်းရင်းမြစ်များ

YOBA 1:1

Uza mung hta e, Yoba mying ai wa langai mi nga ai; dai wa gaw dinghpring ai hte kangka ai wa rai nga nna, Karai Kasang hpe hkrit kamyin let, yubak mara hpe koi kau wu ai.

YOBA 2:3

Bai Yehowa gaw, “nye a shangun ma Yoba hpe nang matsing da nu ni? Ga ntsa e shi hte bung ai wa n nga ai; shi gaw dinghpring ai hte kangka ai wa rai nga nna, Karai Kasang hpe hkrit kamyin let, yubak mara hpe koi kau ai wa rai nga ai: mara n nga ai, shi hpe jahten na nga, nang ngai hpe shadut timung, shi gaw shi a dinghpring ai myit hta naw agrin nga ai,” ngu nna Satan hpe tsun wu ai.

YOBA 28:28

Shinggyim masha hpe chyawm gaw, yu u, Madu hpe hkrit hkungga na, hpaji byeng-ya rai nga ai; yubak mara koi kau na, chye chyang ai lam rai nga ai, ngu nna hkang da nu ai,” nga ai.

SHAKAWN KUNGDAWN 125:4

Yehowa e, mai kaja ai ni hte, Myit malang ai ni hpe, mai kaja ai myit madun u.

SHAKAWN KUNGDAWN 34:14

N hkru ai hpe koi kau nna, kaja ai galaw u, Ngwipyaw ai hpe tam nna, hkan sa nga u.

SHAKAWN KUNGDAWN 37:27

N shawp ai hpe koi kau u, kaja ai amu galaw nna, Prat dingsa e anga nga u.

GA SHAGAWP 16:17

Myit malang ai ni a nmaw lam gaw, yubak hpe koi kau ai lam rai nga ai; Tinang a lam hpe chye sin ai wa gaw, tinang myit masin hpe sin nga ai.

GA SHAGAWP 16:6

Chyeju hte kangka ai gaw, yubak mara hpe htingrai lu nga ai; Yehowa hpe hkrit kamyin ai myit hte, yubak hpe koi kau lu nga ai.

GA SHAGAWP 3:7

Ngai hpaji rawng nngai, hkum myit et; Yehowa hpe hkrit hkungga nna, yubak hpe koi kau u.

MAHTE 5:45

shing rai yang gaw, sumsing lamu hta nga ai nanhte a Kawa a kashu kasha ni gaw, nanhte tai na marin dai; kaning rai nme law, n kaja ai ni hte kaja ai ni a ntsa e, shi a jan hpe shi pru shangun nga ai rai nna, dinghpring ai ni hte n ding n hpring ai ni a ntsa e, marang jahtu ya mu ai.

MAHTE 5:9

Shangwi shapyaw chye ai ni gaw, a lu ma ai; kaning rai nme law, shanhte hpe, Karai Kasang a kasha ni, ngu nna shamying na maru ai.

MAHTE 6:13

Agung alau nga ai de, anhte hpe n sa shangun ai sha, N kaja ai lam hta na, shaw la mi law.

MARKU 14:7

Matsan mayan ni nanhte hte rau tut tut nga nga ma ai hte, nanhte ra ai hte maren shanhte hpe galoi mung chyeju galaw lu timung, ngai gaw nanhte hte rau tut tut nga lu na n rai.

LUKA 1:79

Anhte a lagaw hpe ngwi ai lam de woi wa na matu mung, Dai Madu a lam lajang na, shi a shawng e nang sa wa na rai nga ndai,” nga ai.

LUKA 6:35

Dai rai nna nanhte gaw, nanhte a hpyen ni hpe tsawra mu; shanhte hpe kaja ai hku galaw mu; myit hpa mung n ru ai sha hkoi shap ya mu; shing rai jang, nanhte a shabrai kaba wa na hte, Tsaw htum ai wa a kasha ni mung nanhte tai na marin dai: kaning rai nme law, shi gaw chyeju malap kau ai ni hte, n hkru n hkra re ai ni hpe malawm magawm di mu ai.

LUKA 6:9

Shaloi Yesu gaw, “Ngai nanhte hpe san yu made ga, Laban nhtoi hta e kaja ai amu galaw na, n kaja ai amu galaw na; masha asak hkye la na, shing n rai jahten na, gara mahtang mai galaw na a kun?” ngu nna shanhte hpe tsun mu ai.

YAWHAN 17:15

Ndai ni hpe mungkan ga na htawt la na, ngai hpyi nngai n rai, n shawp n kap ai hta na shanhte hpe makawp maga na she, ngai hpyi nngai.

ROMA 12:18

Nanhte rai lu myit dai daram, masha nlang hte hte myit hkrum nna hkau chyap nga mu.

ROMA 14:17

Kaning rai nme law, Karai Kasang a mungdan gaw, sha sha, lu lu rai na hku n re ai sha, Chyoi pra ai Wenyi e, dinghpring ai, ngwipyaw ai hte kabu gara ai, rai nga ai.

ROMA 14:19

Dai re ai majaw, ngwipyaw ai lam hte, shada da sharin hkang na lam hpe, anhte hkan shachyut nga ga.

ROMA 5:1

Shing rai, kamsham ai hte dinghpring wa lu ga ai majaw, anhte a Madu Yesu Hkristu a marang e, anhte Karai Kasang hte mahku mara rai ga ai:

ROMA 7:19

Galaw mayu ai mai kaja ai hpe ngai n galaw ai wa, n galaw mayu ai n hkru n hkra dai hpe ngai galaw nga nngai.

ROMA 7:21

Dai re ai majaw, mai kaja galaw mayu ai ngai hkum lala, n hkru n hkra hte ginrun nga ai, ngu ai tara hpe ngai mu hkrup nngai.

ROMA 8:6

Hkum shan myit gaw si mat ai lam rai nga ai; Wenyi a myit chyawm gaw, hkrung ai lam hte ngwipyaw ai lam rai nga ai.

GALATI 5:22

Wenyi a asi chyawm gaw tsawra ai, kabu gara ai, ngwipyaw ai, myit galu kaba ai, matsan dum ai, mai kaja ai, kangka ai,

GALATI 6:10

Dai re ai majaw, aten ladaw naw pra nga yang, anhte masha nlang hte hpe mai kaja ai amu galaw nga ga, rai timung, makam masham a dinghku na ni hpe, grau nna galaw nga ga.

KOLOSE 3:15

Nanhte a myit masin hta e mung, Hkristu a ngwipyaw ai lam a up nga u ga: shing rai hkumhkrang langai sha hte nanhte hpe shaga la manit dai; dai hta n-ga chyeju adum nga mu.

1 TIMOHTI 6:18

shanhte mai kaja ai galaw nga na, mai kaja ai bungli hta sut su let, karan kachyan jaw ai hte, jaw jahproi ai myit rawng nga nna,

HEBRE 12:14

Masha yawng mayawng hte ngwipyaw lu hkra mung, chyoi pra ai hpe dep lu hkra mung, hkan tam nga mu; chyoi pra ai n rawng yang gaw, kadai mung dai Madu hpe mu lu na n rai.

HEBRE 13:16

Mai kaja ai amu galaw na hte gam jaw gam ya ai lam, hkum malap kau myit; shing re ai hkungga hpe, Karai Kasang gaw sharawng awng nga ai.

YAKU 4:17

Dai re ai majaw, kaja ai amu chye galaw ninglen n galaw ai wa gaw, yubak mara kap nga ai.

1 PETRU 3:12

Kaning rai nme law, dai Madu a myi, dinghpring ai ni hpe a yu nga ai rai nna, Shanhte a hpyi ai ga hpe, shi a na madat nga ai. Dai Madu a myi man chyawm gaw, n hkru ai amu galaw ai ni hpe matsing nga ai.”

3 YAWHAN 1:11

Tsawra ai wa e, n kaja ai hku n rai, kaja reng ai hku hpe hkan sharau nga u; kaja ai amu galaw ai wa gaw, Karai Kasang hte seng nga ai: n kaja ai amu galaw ai wa chyawm gaw, Karai Kasang hpe n mu chye ai.

TARA AGYI 11:14

Bai, Yephta gaw Amon kashu kasha ni a hkawhkam hpang de kasa shangun dat nna,