1 PETRU 2:9 - Jinghpaw Hanson Version Bible

⁹ Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

Jinghpaw Common Language Bible 2009

⁹ Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

1 PETRU 2:9 ပူးပေါင်းရင်းမြစ်များ

SHAKAWN KUNGDAWN 106:5

Yehowa e, na a amyu hpe karum ai chyeju hte ngai hpe dum ya nna, Na a hkye hkrang la ai lam ngai hpe madun dan ya e.

SHAKAWN KUNGDAWN 118:27

Yehowa gaw Karai Wa rai nga ai rai nna, anhte hpe jahtoi ya nga ai. Hkungri a nrung hta e, poi hkungga hpe, sumri hte gyit da mu.

SHAKAWN KUNGDAWN 135:4

Yehowa gaw Yaku hpe lata la nna, Israela shi a sali wunli rai nga ai.

SHAKAWN KUNGDAWN 22:30

Shanhte a kashu kasha ni shi hpe daw jau na mara ai: Htawm prat du hkra, dai Madu a lam shanhte shana ya na maru ai.

SHAKAWN KUNGDAWN 33:12

Karai Kasang ngu ai, Yehowa hpe nawku ai amyu hte, Sali wunli matu shi lata la ai abaw gaw, a nga ai.

SHAKAWN KUNGDAWN 73:15

Rai timung, “Kaman sha rai nga ai,” ngu nna ngai tsun taw gaw, Ndai prat na, na a kashu kasha ni hpe, Ngai shut kau ai wa rai na nngai.

ESAIA 26:2

Dinghpring ai hte kangka re ai amyu shang lu u ga, mare chyinghka ni hpe hpaw malang da mu.

ESAIA 41:8

Rai timung, lamu ga jahtum de na ngai lata la ai hte, de a njut maga de na ngai shaga la ai, nye a jinghku wa Abraham a aru arat ngu ai, nye a mayam Israela e, ngai lata la ai Yaku e,

ESAIA 42:16

Myi hten ai ni hpe, shanhte n chye ai lam hku ngai lakawn wa nna, shanhte n lai yu ai lam hta woi wa na nngai: shanhte a man na nsin hpe ngai nhtoi shatai nna, magaw ai lam hpe shading na we ai. Dai chyeju ngai galaw nna, shanhte hpe kau da na n rai.

ESAIA 44:1

Ya chyawm gaw nye a shangun ma Yaku e, ngai lata la ai Israela e, madat mara nga u:

ESAIA 61:6

Nanhte chyawm gaw, ‘Yehowa a hkinjawng ni,’ nga nna mung, ‘Anhte a Karai Kasang a ali ama ni,’ nga nna mung, mying na marin dai: nanhte gaw maigan amyu ni a sutgan sha lu nna, shanhte a arawng sadang hta gumrawng nga na myit dai.

ESAIA 62:12

Shing rai amyu baw ni gaw shanhte hpe, Chyoi pra ai amyu, Yehowa a lata hte Hkye hkrang la hkrum ai amyu, ngu nna shamying na maru ai: nang hpe mung, Mare dingsa n rai, Shanu nga mai ai mare, nga nna shamying na mara ai.

ESAIA 66:21

“Bai shanhte hta na, hkinjawng hte Lewi masha ni a aya hta ngai san da na nngai,” nga nna Yehowa tsun ai.

ESAIA 9:2

Nang gaw mung masha ni hpe shalaw nna, shanhte a kabu gara ai hpe jat ya mu ai: shanhte gaw nmut ta e kabu gara ai hte, lanep karan ai ni kabu jahtau ai zawn, na a man e kabu gara nga ma ai.

MALAHKI 3:17

Dai hta n-ga, Dai amu hpe ngai shabyin ai shani hta, shanhte gaw nye a masha ni hte nye a sutgan tai na mara ai; kawa a amu gun hpai ai kasha hpe kawa lahpawt ai zawn, ngai shanhte hpe lahpawt na nngai.

MAHTE 4:16

Nhtoi kaba mu lu ma ai rai nna, Si ai mung hte de a shingnip kata hta dung nga ai ni kaw, Nhtoi dawng pru wa sai,” nga nna myihtoi Esaia tsun ai ga dik wa u ga majaw byin nga ai.

MAHTE 5:16

Dai rai nna, masha ni gaw nanhte a kaja ai bungli mu lu nna, sumsing lamu e nga ai nanhte a Kawa hpe shagrau sha-a lu mu ga, shanhte a man e nanhte a nhtoi hpe htoi tu shangun da mu law.

LUKA 1:79

Anhte a lagaw hpe ngwi ai lam de woi wa na matu mung, Dai Madu a lam lajang na, shi a shawng e nang sa wa na rai nga ndai,” nga ai.

YAWHAN 17:19

Shanhte hkum nan, tengman ai lam hta chyoi pra nga mu ga, ngu nna ngai gaw shanhte a matu mara, nye hkum dai shachyoi shapra tawn se ai.

KASA 20:28

Karai Kasang gaw shi a sai hte mari la ai Hpung hpe yu lahku na matu, Chyoi pra ai Wenyi nanhte hpe Hpung up ni shatai manit dai majaw, nanhte gaw, tinang hkum dai hte, sagu hpung ting hpe, sadi sahka hte yu nga mu law.

KASA 26:18

shanhte a myi jahpaw na matu, ngai nang hpe shanhte hpang de shangun dat de ai rai nna, na a amyu a lata na mung, maigan masha ni a lata na mung, hkye hkrang la na de ai,’ nga nna ngai hpe tsun nngai.

KASA 26:28

Shaloi Agripa gaw Pawlu hpe, “Ga hkaw loi sha hte nang ngai hpe Hkristu a sape ganoi shatai lu da nngai,” ngu wu ai.

ROMA 9:24

shaga la ai anhte hta e, shi a grau ai hpung shingkang hpe chye shangun mayu ai rai nga a yang gaw, hpa tsun shara nga a ta?

1 KORINHTU 3:17

Marai langai ngai Karai Kasang a nawku htingnu hpe sharun shabya nga yang gaw, Karai Kasang dai wa hpe sharun shabya kau na ru ai; kaning rai nme law, Karai Kasang a nawku htingnu gaw chyoi pra nga ai; nanhte mung dai zawn rai nga myit dai.

EHPESU 1:14

Wenyi chyawm gaw, Karai Kasang a hpung shingkang shakawn kungdawn na lam a matu, shi mari da sai ni gaw htingrai htingrat ai chyeju lu la hkra, anhte a sali wunli a masat dingsat rai nga ai.

EHPESU 1:6

shi a shawang myit sharawng awng nga ai hte maren, Yesu Hkristu a jaw e, kasha yin la na chyeju hkam la lu u ga, shi anhte hpe shawng nnan e san da ma ni ai.

EHPESU 3:21

dai Hpung hta e mung, Hkristu Yesu hta e mung, htani htana prat dingsa na shu mashi shu masha du hkra, hpung shingkang anga nga u ga law. Amen.

TARA JAHPRANG 10:15

Yehowa gaw na nji nwa hpe chyu sha tsawra wu ai rai nna dai ni rai nga ai hte maren shanhte a amyu matu ngu ai nang hpe nan masha amyu danghta hta na lata la nit dai.

TARA JAHPRANG 14:2

Kaning rai nme law, nang gaw na a Karai Kasang Yehowa a matu chyoi pra ai amyu rai nga ndai; Yehowa madu ging ai amyu shatai na nga, ga ntsa ting na masha amyu ni hta na, shi nang hpe lata la nit dai.

TARA JAHPRANG 18:2

Dai rai nna shanhte gaw hpunau ni zawn sali ga madu lu ai n rai: shanhte hpe tsun da ai hte maren Yehowa gaw shanhte a sali wunli rai nga ai.

TARA JAHPRANG 4:20

Nanhte hta, dai ni rai nga ai hte maren, Yehowa a matu Sali wunli amyu tai myit ga nga, Egutu mung a hpri wan mang na shi nanhte hpe gare la manit dai.

TARA JAHPRANG 7:6

Kaning rai nme law, nang gaw na a Karai Kasang Yehowa a matu chyoi pra ai amyu rai nga ndai: na a Karai Kasang Yehowa madu ging ai amyu shatai na nga, ga ntsa ting na masha amyu ni hta na, shi nang hpe lata la nit dai.

HPILIPI 3:14

hpang maga na arai hte hpe malap kau nna, man ang ai arai ni hpe chyan la let, Hkristu Yesu hta e Karai Kasang a grau htum ai shaga la ai lam ngu ai kumhpa hpe lu la na, bandung shadaw du hkra ngai gat shachyut nngai.

KOLOSE 1:13

Dai Kawa gaw, nsin a ahkang aya kaw na anhte hpe mawai la nna, shi a tsawra ai Kasha a mungdan hta jashawn mi ai:

2 TIMOHTI 1:9

Karai Kasang gaw anhte a arawn alai majaw n rai, shi hkum nan myit hpang da ai hte chyeju a majaw sha, anhte hpe hkye hkrang la nna, chyoi pra ai shaga la ai ga hte shaga da ma ni ai:

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

1 PETRU 1:2

Puntu, Galati, Kapadoki, Asi hte Behtuni mung hkan e bra mat ai ni hte rau, lata la ai shingbyi nga ai ni hpe, ga shana dat nngai: chyeju hte ngwipyaw ai gaw nanhte hta law htam wa malit ga law.

1 PETRU 2:5

Nanhte mung ahkrung nga ai nlung hte zawn, wenyi hte seng ai nta hpe de nga manit dai rai nna, Yesu Hkristu a marang e, sharawng awng wa nna, wenyi hte seng ai hkungga Karai Kasang hpe jaw lu na matu, chyoi pra ai hkinjawng amyu tai wa manit dai.

1 PETRU 4:11

Yesu Hkristu a marang e, lam shagu hta e, Karai Kasang gaw shagrau shatsaw ai hkrum wa u ga, marai langai ngai ga tsun nga a yang gaw, Karai Kasang a mungga hte maren tsun nga u ga; langai ngai galaw daw nga a yang gaw, Karai Kasang jaw da ai n-gun lagaw hte maren, galaw daw nga u ga. Yesu Hkristu nan, hpung shingkang hte n-gawn tawa hpung shingkang, htani htana prat dingsa e anga nga ai law. Amen.

SHINGRAN 1:6

shi a Kawa Karai Kasang a matu anhte hpe mungdan amyu hte hkinjawng amyu shatai ai wa kaw, hpung shingkang hte daru magam ahkang gaw, htani htana e anga nga u ga law. Amen.

SHINGRAN 20:6

Shawng na ngu ai bai hkrung rawt wa ai lam hta shang lawm lu ai wa gaw, a lu ai wa, chyoi pra ai wa, rai nga ai: lahkawng lang na si ai lam gaw, shanhte a ntsa e ahkang n lu nga ai: shanhte gaw Karai Kasang a hkinjawng ni, Hkristu a hkinjawng ni, rai na mara ai rai nna, dai shaning hkying mi tup Hkristu hte rau up nga lu na mara ai.

SHINGRAN 5:10

anhte a Karai Kasang a matu mara shanhte hpe hkawhkam mungdan hte hkinjawng amyu shatai nu ai hte, shanhte gaw ga ntsa e up nga ma ai majaw, nang gaw dai laika hpe la nna, de a dazik ni hpe gaw kau na, ging dan nga ndai law, nga nna mahkawn mangoi ga ningnan hte mahkawn mangoi nga ma ai.

1 SAMUELA 12:22

Yehowa gaw shi a ningsang mying hpe tau nna, shi a masha ni hpe n kau na wu ai: kaning rai nme law, nanhte hpe shi a amyu shatai da na matu, Yehowa ra da wu ai.