1 PETRU 2:6 - Jinghpaw Hanson Version Bible

⁶ Kaning rai nme law, “Yu mu, lata la ai hte hpu la ai jut na nlung gaw, Ziun hta e ngai gaw da se ai rai nna, Dai hpe kamsham ai wa gaw, kaya kahpa n hkrum na ra ai,” nga nna laika hta rawng nga ai.

Jinghpaw Common Language Bible 2009

⁶ Hpa majaw nga yang, dai Chyum Laika hta mung, “Ngai gaw hpu ging ai nlung langai mi hpe lata la nna, dai hpe Ziun bum e njut jahtum na nlung hku ngai jahkrat da se ai, rai nna shi hta kam sham ai ni kadai mung kaya kahpa hte myit daw myit hten hkrum na n rai,” nga ai.

1 PETRU 2:6 ပူးပေါင်းရင်းမြစ်များ

NINGPAWT NINGHPANG 49:24

Rai timung, Yaku hta daru magam rawng ai wa a lata hte, Sagu rem wa ngu ai Israela a nlung hta nna mung, Nang hpe karum nga ai, na nwa a Karai Kasang hte,

SHAKAWN KUNGDAWN 40:14

Nye a sumri sumdam hpe dan na tam ai ni, Kaya kahpa jawm hkrum nna, myi man sum mu ga: Ngai hpe tsin-yam tsindam jahkrum mayu ai ni, kanut mat wa nna, arawng sum mat mu ga.

SHAKAWN KUNGDAWN 89:19

Kalang mi hta shingran hte nang tsun nna, Kamsham ai ni hpe tsun ndai gaw: “Share wa langai mi hpe ngai shadaw se ai, Dai amyu hta na shabrang wa hpe shagrau da se ai:

ESAIA 28:16

yu mu, Madu Yehowa gaw, Ziun bum ntsa e kangka re ai, hpu la ai hte ngang ai njut nlung hpe, ngai npawt gaw da nna, kamsham ai wa gaw hprawng ra ai n rai.

ESAIA 41:11

Yu u, nang hpe pawt sindawng ai ni yawng, kaya kahpa hte myi man sum na mara ai; nang hpe hpyen ai ni, lam n la ai htum mat na mara ai.

ESAIA 42:1

Ngai shadaw ai nye a shangun ma, ngai lata la ai nye tsawra ai wa hpe, yu mu: nye a Wenyi shi a ntsa e ngai bang da ya nngai; shi gaw amyu baw ni hpe tara dara na ra ai.

ESAIA 46:13

ngai gaw nye a dinghpring ai hpe shani la nna, dai gaw tsan nga ai n rai; nye a hkye hkrang la ai lam ganung nga ai n rai; ngai gaw Ziun bum hta hkye hkrang la ai lam, Israela hta e, nye a arawng sadang hpe, tawn da na we ai.

ESAIA 50:7

Madu Yehowa gaw ngai hpe karum na ra ai; dai re ai majaw, ngai mak mat ai n rai; nye a myi man mung nhpai lung zawn ngai shatai nna, ngai kaya kahpa n hkrum na, ngai chye nngai.

ESAIA 54:4

Hkum tsang et, nang gaw kaya kahpa hkrum na n rai; myi man hkum sum et, hkrit kaya hkrum na n rai: kaning rai nme law, ram prat e hkrum ai kaya kahpa hpe, nang malap kau nna, gaida nna hkrum ai shatan nhkan hpe, htawm hpang de dum na n rai.

Daniela 10:21

Rai timung, tengman ai laika hta tawk ka ai ga ngai nang hpe naw madun na nngai: ndai du lahkawng hpe gasat na nga, nanhte a du Mihkaela hta kaga, ngai hpe shingdep shingtau ai wa n nga ai.”

ZEHKARIA 10:4

Shi kaw na, njut nlung, hpri maina, hpyen ndan hte, ahkang aya lu ai ni yawng, pru na mara ai.

MAHTE 12:18

Nye Wenyi shi a ntsa e ngai bang da ya nna, Shi masha amyu ni hpe dawdan ai lam tsun dan na mu ai.

MARKU 12:10

Dai hta n-ga, Wahpang gaw ai ni, lata kau ai nlung gaw, Ningjut jahtum na nlung tai wa sai:

LUKA 20:17

Shaloi shi gaw shanhte hpe mada yu let, “Dai rai yang gaw, ‘Wahpang gaw ai ni lata kau ai nlung gaw, Ningjut jahtum na nlung tai wa sai,' nga nna ka da ai ga gaw, hpa nga ai rai ta?

LUKA 23:35

Mung masha ni gaw mada yu let tsap nga ma ai. Du aya lu ai ni mung shi hpe asawng asang nga nna, “Masha kaga hpe shi hkye la ga ai; ndai wa gaw Karai Kasang a Hkristu ngu ai, Karai Kasang lata la ai wa rai yang gaw, shi hkum dai shi hkye la u ga,” nga ma ai.

YAWHAN 7:38

Ngai hpe kamsham ai wa gaw, Chyum laika hta tsun ai hte maren, dai wa a kraw lawang hta na asak hkrung ai ntsin a hka nu lwi pru nga na ra ai,” ngu nna jahtau tsun wu ai.

KASA 1:16

“Hpunau ni e, Yesu hpe rim la ai ni e woi shawng ai wa Yuda hpe lakap nna, moi Dawi a n-gup hta Chyoi pra ai Wenyi tsun da ai laika gaw dik wa lu na rai sai.

ROMA 10:11

Dai Chyum Laika mung, Shi hpe kamsham ai ni yawng mayawng hte gaw kaya kahpa n hkrum na ra ai, nga ai.

EHPESU 1:4

anhte gaw tsawra ai myit hte, shi a man e chyoi pra ai ni hte mara n rawng ai ni tai wa u ga, ginding aga garai n lat yang nna, shi anhte hpe Hkristu hta e lata la ma ni ai.

EHPESU 2:20

kasa ni hte myihtoi ni, gaw da ai wahpang npawt hta nanhte de kahtap myit dai; Hkristu Yesu nan dai hta e grau htum ai njut nlung rai nga ai;

2 TIMOHTI 3:16

Karai Kasang a masha wa gaw hkum tsup rai wa nna, mai kaja ai magam bungli shagu a matu mara, arai chyip makup lang lu u ga,

1 PETRU 2:4

Dai Madu hpang de nanhte sit sa wa nna, shi gaw ahkrung nga ai nlung rai nga ai: masha ni dai hpe sai kau mu timung, Karai Kasang a man e lata la ai hte hpu la ai nlung shi rai nga ai.

1 PETRU 2:8

“Ahtu kataw shara hte myit kataw shangun na lunghkrung mung tai wa sai.” N madat n mara nga ma ai majaw, dai mungga hta shanhte kataw wa masai: shing rai hkrum mu ga mung, shanhte hpe san da ngut sai rai.

2 PETRU 1:20

Dai hta kaga, laika hta rawng ai gara myihtoi ga rai timung, tinang a myit jasat ai hte maren, ga lachyum shapraw lu ai n rai, shawng chye la mu.

2 PETRU 3:16

Dai laika ni hta e chye yak ai lam langai ngai rawng nga ai rai nna, n sharin yu ai ni hte myit n gring ai ni gaw, dai Chyum laika ni kaga hpe zawn, tinang dai a jahten shabya na matu shanut kau mu ai.