1 PETRU 2:20 - Jinghpaw Hanson Version Bible

²⁰ Nanhte yubak galaw ninglen, htwi ai bye ai hkrum sha nna, machyi sharang nga myit yang gaw, hpa arawng lu la myit ta? Kaja ai amu galaw ninglen, nni nkri hkrum sha ai hte machyi sharang nga myit yang gaw, dai gaw Karai Kasang a man e akyu rai nga ai.

Jinghpaw Common Language Bible 2009

²⁰ Nanhte gaw tinang galaw shut ai mara a majaw hkam la ging ai arai hpe hkam la ai rai yang, hpa baw shakawn shara mi nga na rai ta? rai ti mung teng man ai hpe galaw nga ninglen nni nkri hkrum sha ai hte machyi sharang nga myit yang gaw, Karai Kasang nanhte hpe de a matu shaman chyeju jaw na ra ai.

1 PETRU 2:20 ပူးပေါင်းရင်းမြစ်များ

MAHTE 26:67

Shaloi shanhte gaw shi a myi man hpe mayen mahtaw bun ai hte shi hpe htwi mu ai:

MAHTE 5:47

Nanhte a nhpu nnau ni hpe sha hkrum shaga myit yang gaw, hpa grau shara nga na myit ta? tara maigan ni mung, dai hte maren galaw ma ai, n rai ni?

MARKU 14:65

Dai hta kaga nkau mi gaw, shi hpe mayen mahtaw bun ai hte, shi a myi man hpe magap kau ya nhtawm, shi hpe htwi nna, “Myihtoi ga tsun u,” ngu nna shi hpe tsun wu ai: ali ama ni mung lata hte shi hpe bye kahpret mu ai.

LUKA 6:32

Nanhte e tsawra ai ni hpe sha tsawra myit yang gaw, nanhte a matu hpa akyu nga a ta? yubak kap ai ni mung tinang e tsawra ai ni hpe gaw tsawra ma ai.

1 KORINHTU 4:11

Ya ten du hkra anhte kawsi hpang gara, singgu krin, adup adep hkrum nna, nga shara garen nga ai hte,

GALATI 4:18

Ngai nanhte hte rau nga nga yang sha, kaja ai lam hpe myit tsang mai na n rai; galoi rai timung kaja ai lam hpe myit tsang nga na, mai kaja nga ai.

EHPESU 5:10

Kaning rai nme law, nhtoi a asi gaw mai kaja ai, dinghpring ai hte tengman ai hkrai hkrai rai nga ai.

HPILIPI 4:18

Ya e ngai hpa mung hkum ai hta n-ga, jan hkra lu nga nngai: manam pyaw ai bat hte Karai Kasang a matu htuk htap nna sharawng awng ram ai hkungga ngu ai, nanhte shagun dat ai, Epahprodi a lata na ngai lu la ai kumhpa majaw, ngai hpring chyat nga nngai.

1 PETRU 2:19

Kaning rai nme law, marai langai ngai Karai Kasang hpe nawku nu ai majaw, mara n rawng timung, nni nkri hkrum nna, yawn hkyen hkrum let shakut sharang nga a yang gaw, dai hta akyu lawm nga lu ai.

1 PETRU 3:14

Dai rai nna, dinghpring ai lam a majaw, nanhte nni nkri hkrum myit yang gaw, nanhte a lu nga myit dai; shanhte a jahkrit ai hpe mung, hkum hkrit nga myit; de a majaw sha pyi hkum ung ang nga myit;

1 PETRU 3:17

Dai rai nna, Karai Kasang dai hku hkraw nga a yang gaw, n kaja ai amu galaw nna nni nkri hkrum nga ai hta, kaja ai amu galaw ninglen nni nkri hkrum ai gaw, grau nna kaja nga ai.