1 PETRU 2:17 - Jinghpaw Hanson Version Bible

¹⁷ Nlang hte hpe hkungga lara di mu; kahpu kanau ni hpe tsawra nga mu. Karai Kasang hpe hkrit kamyin nga mu; hkawhkam wa hpe hkungga lara di mu.

Jinghpaw Common Language Bible 2009

¹⁷ Masha shagu hpe hkungga lara di mu; nanhte a kam sham ai hpu nau ni hpe tsaw ra nga mu. Karai Kasang hpe hkrit kamyin nga mu; hkawseng wa hpe mung hkungga lara di mu.

1 PETRU 2:17 ပူးပေါင်းရင်းမြစ်များ

NINGPAWT NINGHPANG 20:11

Abraham gaw, “Ndai yang e Karai Kasang hkrit ai masha n nga ma ai rai nna, nye madu jan a majaw ngai hpe sat kau na ma ai, ngu nna ngai myit ai majaw sha rai nga ai.

NINGPAWT NINGHPANG 22:12

“lamu kasa gaw, Na a lata dai ma e hkum hkra et, hpa mung hkum di et; na a shadang sha shingtai hpe ngai e jaw na nang n shim da ndai majaw nang Karai Kasang hpe hkrit hkungga ndai gaw, ya ngai chye sade ai,” ngu wu ai.

NINGPAWT NINGHPANG 42:18

Masum ya du ai shani hta Yawsep gaw shanhte hpe shaga nna, Ngai mung Karai Kasang hpe hkrit ai wa rai nga nngai; dai rai nna nanhte hkrung nga lu na gaw, ning rai mu:

1 HKAWHKAM LABAU 29:20

Shaloi Dawi gaw, shawa hpawng ting hpe, “Nanhte a Karai Kasang Yehowa hpe ya shakawn kungdawn mu,” ngu mu yang, shawa hpawng ting gaw, shanhte a kaji kawa ni a Karai Kasang Yehowa hpe shakawn kungdawn nna, gum dagup let, Yehowa hpe mung, hkawhkam wa hpe mung, nawku mu ai.

SHAKAWN KUNGDAWN 111:10

Yehowa hpe hkrit hkungga ai myit gaw, Hpaji byeng-ya a npawt rai nga ai; Dai hpe hkan nang ai ni nlang hte gaw, myit su ai lam kaja chye lu ma ai: Shi hpe shakawn kungdawn ai lam, htani htana e agrin nga ai.

PRU MAT 20:12

Na a Karai Kasang Yehowa nang hpe jaw ai ga hta na a asak galu lit ga, na nnu yan nwa hpe hkungga lara di u.

GA SHAGAWP 1:7

Yehowa hpe hkrit hkungga ai myit gaw chye chyang ai a npawt rai nga ai; myit n gring ai ni chyawm gaw hpaji byeng-ya hte sharin achyin ai ga hpe gang kau ma ai.

GA SHAGAWP 23:17

Yubak galaw ai ni hpe hkum manawn et; Yehowa hpe shani ting hkrit kamyin nga u:

GA SHAGAWP 24:21

Ngai sha e, Yehowa hte hkawhkam wa hpe, hkrit kamyin nga u; Myit gale galau re ai ni hte hkum kanawn et:

HPAJI NINGLI 8:2

Karai Kasang man e dagam ai ga hpe tau yu nna, hkawhkam a hkang da ai ga hpe hkan u.

JAW JAU 19:32

Baw hpraw sai wa a man e nang rawt tsap lu na rai ndai; dingla wa a myi man hpe hkungga lu na rai ndai; na a Karai Kasang hpe hkrit hkungga nga lu na rai ndai; ngai gaw Yehowa rai nga nngai.

ZEHKARIA 11:14

Dai hpang, Yuda hte Israela kahpu kanau myit dut kau na matu, Matut manoi ngu ai dawhkrawng kaga hpe, ngai atawk kau nngai.

MAHTE 22:21

“Kehta a sumla hte masat rai nga ai,” ngu mu ai. Shaloi shi gaw, Dai rai yang gaw, “Kehta hte seng ai hpe gaw, Kehta hpe ya mu; Karai Kasang hte seng ai hpe mung, Karai Kasang hpe ya mu,” ngu nna shanhte hpe tsun mu ai.

YAWHAN 13:35

Shing rai nanhte shada tsawra ai myit rawng nga myit yang gaw, nanhte nye a sape ni rai nga myit dai gaw, masha yawng mayawng chye lu na mara ai,” ngu mu ai.

ROMA 12:10

Hpunau hpe tsawra ai hta, shinggyim nau na myit shada da rawng nga mu; hkungga lara ai hta shada da shagrau hkat mu;

ROMA 13:7

langai hte langai hte hpe mai ang ai hte maren jaw ya mu: hkansi mai hta ai wa hpe hkansi, kang mai hta ai wa hpe kang, bang mu; hkrit kamyin mai ai wa hpe hkrit kamyin nga mu, hkungga lara ram ai wa hpe, hkungga lara di mu.

2 KORINHTU 7:1

Tsawra ai ni e, ndai ga sadi yawng hte gaw lu la gaw ai majaw, hkumhkrang hte wenyi hpe awu asin di kau ai matsat shabat hta na tinang hkum hpe jasan jaseng kau nhtawm, Karai Kasang hpe hkrit hkungga let shachyoi shapra ai lam shatup nga ga.

EHPESU 5:21

Hkristu hpe hkrit kamyin ai hte nanhte shada da a npu e a taw nga mu.

HPILIPI 2:3

Ga law ga la ai, kaman lila grang ai hte hpa mung n galaw ai sha, myit nem nga let, langai hte langai tinang a hkum hta manang wa hpe shagrau sha-a nga mu.

1 TIMOHTI 6:1

Karai Kasang a mying nsang hte dai sharin shaga ai lam gaw shatan nhkan n hkrum u ga, kandang npu e nga ai mayam ni kadai rai timung, tinang a madu ni hpe lam shagu hta hkungga lara di mai ai myit nga nga mu ga.

HEBRE 13:1

Hpunau shada tsawra ai myit tutnawng rai nga myit ga.

1 PETRU 1:22

Dai dingman ai ga hpe madat mara nga let, nanhte kahpu kanau ni hpe gaja wa teng teng, tsawra lu ai du hkra, nanhte a myit masin hpe san seng kau lu myit dai majaw, nanhte a myit ting hte shada da tsawra nga mu;

1 PETRU 2:13

Dai madu a marang e, masha hta na san tawn da ai aya shagu a npu e, a taw nga mu;

1 PETRU 5:5

Dai hte maren, brang ram ni e, salang ni a npu e a taw nga mu. Dai hta n-ga, nanhte nlang shada da daw nga myit ga, myit gyip ngu ai hpajet hpe kyit nga mu: kaning rai nme law, “Karai Kasang gaw gumrawng ai ni hpe shadang da timung, myit gyip ai ni hpe chyeju jaw mu ai law.”

1 SAMUELA 15:30

Bai Shawlu gaw, “Ngai shut kau ni ai; rai timung, nye a amyu agyi salang ni hte Israela man e, ngai e hkungga lam naw madun dan ya nna, ngai na a Karai Kasang Yehowa hpe nawku lu hkra, ngai hte rau wa ga,” ngu nna hpyi wu ai.