1 PETRU 2:12 - Jinghpaw Hanson Version Bible

¹² tara maigan de na ni, nanhte hpe baw law nna n kaja ai hku shatu ma yang, nanhte a kaja ai amu mu la nna, dai dawdan ai nhtoi hta e Karai Kasang hpe shagrau lu mu ga, shanhte a man e nanhte a arawn alai tsup nga lu u ga law.

Jinghpaw Common Language Bible 2009

¹² Tara maigan de na ni nanhte hpe n hkru n kaja ai lam galaw ai ni re ngu nna shadu myit yang, nanhte a kaja ai amu mu lu nna dai Madu bai du sa ai Nhtoi hta Karai Kasang hpe shakawn shagrau mu ga, nanhte gaw shanhte a man e nanhte a arawn alai lam hta tsawm htap kup tsup nga myit ga law.

1 PETRU 2:12 ပူးပေါင်းရင်းမြစ်များ

SHAKAWN KUNGDAWN 37:14

Nni nkri hkrum ai ni hte matsan mayan ni hpe kataw mu ga, lam ding ding hkan ai ni hpe sat kau na nga, tara n lang ai ni nhtu shaw nna, ndan shachyen nga ma ai.

SHAKAWN KUNGDAWN 50:23

Shakawn kungdawn hkungga jaw ai wa gaw, Nye a arawng shapraw ai wa rai nga ai: Shi hkan sa ai lam yaw yu ai wa hpe, Karai Kasang a hkye hkrang la ai lam ngai madun na we ai.

ESAIA 10:3

Nanhte hpe kawan katsan yu ai shani hte, sumtsan mung de na nanhte a ntsa e du na ra ai hten byak ai hta, nanhte kaning rai na myit ta? karum ai lu la hkra, kadai hpang de hprawng na myit ta? nanhte a sutgan hpe kanang mahkawng da na myit ta?

Daniela 6:4

Shaloi munggyi kaba ni hte kaga munggyi ni gaw, mungdan up ai lam hta Daniela hpe mara shagun na tam ma timung, shi gaw kangka rai nga nna, shut ai hte myit magaw ai lam, shi hta n nga ai majaw, mara shagun shara hpa n mu ma ai.

MAHTE 10:25

Sape gaw shi a sara zawn, mayam gaw shi a madu zawn rai nga yang gaw, ram nga ai: shanhte gaw nta madu wa hpe Bezebula ngu mu yang gaw, shi a nta na ni hpe, shing grau ngu na mu ai, n rai hka!

MAHTE 5:11

Nye a lam majaw, masha ni gaw nanhte hpe asawng asang di nna zingri zingrat nga ma ai hte, masu ai hku hkan let mara amyu myu shagun da myit dai shaloi e, nanhte a lu myit dai:

MAHTE 5:16

Dai rai nna, masha ni gaw nanhte a kaja ai bungli mu lu nna, sumsing lamu e nga ai nanhte a Kawa hpe shagrau sha-a lu mu ga, shanhte a man e nanhte a nhtoi hpe htoi tu shangun da mu law.

MAHTE 9:8

Dai hpe mu ai shawa masha ni, hkrit kamyin nga ma ai rai nna, shinggyim masha ni hpe ning re ai ahkang jaw ai Karai Kasang hpe sharawng awng nga ma ai.

LUKA 1:68

“Dai Madu, Israela Karai Kasang gaw, a nga u ga law; Shi a amyu hpe kawan yu sa nna, hkrang la ai lam waw ya nu ai.

LUKA 19:44

nang hpe mung, na a kashu kasha ni hpe mung, ga hte azat kayau kau ai nhtoi gaw, nang kaw pru na ra ai rai nna, nang hta nlung langai mi a ntsa e nlung langai mi pyi n ngam mara lu ai rai na ra ai,” ngu wu ai.

LUKA 6:22

Masha ni gaw nanhte hpe n dawng n yawt ai hte, dai Masha Kasha a majaw shadaw jahka di kau nna, asawng asang di ai hte nanhte a mying hpe n hpru n mai ai arai hpe zawn shaden kau ai hkrum myit yang, nanhte a lu myit dai.

YAWHAN 13:31

Dai wa pru mat wa ai hpang Yesu gaw, “Masha Kasha gaw, ya hpung shingkang dan hkung nga ai rai nna, Karai Kasang mung Masha Kasha a hkum hta hpung shingkang dan hkung nga ai.

KASA 15:14

Karai Kasang gaw maigan amyu ni hta na, shi a amying ningsang a matu, masha amyu mi hpe shaw la na nga, kaning rai shawng nna shanhte kaw kawan katsan sa yu sai lam, Simun tsun dan ma ni ai.

KASA 24:13

Ya shanhte ngai e shagun ai mara lam ni hta, nang hpe sakse pyi n madun lu ma ai.

KASA 25:7

Shi du jang, Yerusalem na yu wa ai Yuda masha ni gaw Pawlu a grup yin e tsap nna, sakse n madun lu ai mara kaba law law wa shi a ntsa e shagun mu ai.

KASA 28:22

Rai timung, ndai hka bra Hpung gaw, shara shagu hkan e ndang kau hkrum ai lam rai nga ai hpe, anhte chye ga ai majaw, nang myit ai hku mung anhte na mayu ga ai,” ngu nna htan mu ai.

ROMA 12:17

N kaja ai a majaw, n kaja ai hku kadai hpe mung hkum tai mu, Masha yawng mayawng a man e htaphtuk ai ningli madun na, myit yu nga mu.

ROMA 13:13

Tangpyaw shalai ai hte chyaru nang ai, shawa num gaswi ai hte ngang kayut ai, ga law ga la ai hte manawn masham ai hpe n hkan tam ai sha, shani chyingtung na shingdi ai zawn anhte a hkawm nga ga.

ROMA 14:18

Dai hku hkan nna Hkristu a bungli gun hpai ai wa gaw, Karai Kasang a man e sharawng awng ai hkrum nna, masha a man e mung awlaw ai hkrum nga ai.

ROMA 15:9

Karai Kasang a tengman ai lam a matu mara, Hkristu gaw matu gadoi hkam ai ni a ali ama tai wa sai. Shing rai, “Dai re ai majaw maigan amyu ni hta ngai nang hpe shakawn na nngai, Na amying nsang hpe mahkawn mangoi na nngai,” nga nna ka da ai hte maren rai nga ai.

1 KORINHTU 14:25

shi a kraw lawang na makoi magap ai lam mung dan pru mat na lu ai; shaloi shi a myi man dagup let, shi Karai Kasang hpe nawku nna, Gaja wa Karai Kasang gaw nanhte hte rau anga nga ai, nga nna kajai dat na ra ai.

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

2 KORINHTU 13:7

Dai hta kaga, anhte dinglik hkam lu ai lam dan wa u ga n re ai sha, anhte dinglik n hkam lu ai ni zawn rai na ga ai rai timung, nanhte gaw kaja ai lailen galaw lu myit ga hte, n kaja ai lai len n galaw myit ga, ngu nna Karai Kasang hpe anhte ahpyi nga ga ai.

2 KORINHTU 8:21

kaning rai nme law, dai Madu a man e sha n rai, masha a man e mung htaphtuk ai ningli madun na, anhte myit yu nga ga ai.

EHPESU 2:3

Anhte nlang hte mung shanhte hte rau shawng e kanawn nga nna, anhte a hkum shan a marin marit ai lam hkan let, hkum shan hte kraw lawang na myit mang ai hku hkan galaw ga yang, shanhte gale hte maren pawt sindawng ging ai kashu kasha ni majing rai nga ga ai.

EHPESU 4:22

shawng na nanhte a arawn alai hte maren, marin marit nna hkalem hkalau ai hte hten mat wa ai gawng shing-yan dingsa hpe raw kau nhtawm;

HPILIPI 1:27

Dai hta n-ga, nanhte a arawn alai gaw Hkristu a kabu gara shiga a lam hte ging dan nga u ga: shing rai jang, ngai du nna nanhte hpe hkrum lu rai timung, naw tsan gang nga rai timung, Wenyi langai sha hte nanhte lahpran tsap nga nna, myit masin langai sha hte dai kabu gara shiga a makam masham a lam hkying hkat nga myit dai gaw, ngai nanhte a lam na lu na nngai:

HPILIPI 4:8

Dai hta kaga, hpunau ni e, hpa tengman ai lam rai timung, hpa htuk htap re ai lam rai timung, hpa dinghpring ai lam rai timung, hpa san seng ai lam rai timung, hpa sharawng awng ai lam rai timung, hpa sha-a ram ai lam rai timung, arawng re ai lam lama ma, shakawn kungdawn re ai lam lama rai nga yang gaw, dai lam hte hpe myit ada yu nga mu.

1 HTESALONI 4:12

nanhte hpe shawng e htet da ga ai hte maren, nanhte tinang hte ang ai amu gun hpai nna tinang a lata hte bungli galaw myit ga, anhte nanhte hpe naw shadut jahkat dat ga ai.

1 TIMOHTI 2:2

hkawhkam ni hte ahkang aya lu ai ni mahkra a matu mara mung, hpyi nem ai, akyu hpyi ai, hpyi htinglu ya ai hte shakawn kungdawn nga u ga, shaje mahkra a shawng e, ngai shadut jahkat dat nngai.

1 TIMOHTI 4:12

Na a brang ram prat e, nang hpe kadai mung n shatan u ga: tsun ai ga hte mung, arawn alai hte mung, tsawra ai hte mung, kamsham nna chyoi pra ai hte mung, kamsham ai ni a matu mara, kasi kamang tai nga u.

1 TIMOHTI 5:10

kaja ai bungli galaw yu ai rai nna gumhkawng nga ai jan; kashu kasha hpe lanu lahku yu ai; manam daw yu ai, chyoi pra ai ni a lagaw hpe kashin yu ai, nni nkri hkrum ai ni hpe galaw bau ai hte, kaja ai amu bungli shagu hta azin ayang hkan galaw yu ai rai a yang gaw, gaida jahpan laika hta shang u ga.

HEBRE 13:18

Anhte a matu mara akyu hpyi ya mi; kaning rai nme law, lam shagu hta arawn alai kaja hkan mayu ga ai majaw, anhte a myit dum chyalu san pra mali ai, ngu nna myit mu nga ga ai.

HEBRE 13:5

Gumhpraw marin ai lam hkum hkan myit; nanhte lu ai made hte myit dik nga mu: kaning rai nme law, Ngai nang hte teng teng n hka na nngai, gaja wa teng teng n kau da na nngai, nga nna shi nan tsun nga ai.

YAKU 3:13

Nanhte hta e, hpaji byeng-ya hte chye chyang ai wa, kadai rai nga a ta? Dai wa gaw shingdi chye ai hpaji byeng-ya hte, kaja ai arawn alai hkan let, tinang a magam bungli hpe madun ru ga.

1 PETRU 2:15

kaning rai nme law, kaja ai bungli shachyen let, myit n gring ai ni a n chye n chyang ai ga hpe nanhte jasim lu na gaw, Karai Kasang myit da ai hku rai nga ai.

1 PETRU 3:16

shing rai, nanhte myit nsam kaja rawng myit yang gaw, Hkristu hta lakap nna, nanhte hkan ai arawn alai a majaw, nanhte hpe ndang hkat nga ai hte aroi arip nga ai ni, kaya kahpa hkrum mat mu ga.

1 PETRU 4:11

Yesu Hkristu a marang e, lam shagu hta e, Karai Kasang gaw shagrau shatsaw ai hkrum wa u ga, marai langai ngai ga tsun nga a yang gaw, Karai Kasang a mungga hte maren tsun nga u ga; langai ngai galaw daw nga a yang gaw, Karai Kasang jaw da ai n-gun lagaw hte maren, galaw daw nga u ga. Yesu Hkristu nan, hpung shingkang hte n-gawn tawa hpung shingkang, htani htana prat dingsa e anga nga ai law. Amen.

2 PETRU 3:11

Shing rai, arai yawng mayawng krawp ayai mat ai hkrum na teng nga ai majaw, sumsing lamu ni hpe wan hkru kau ai hta krawp ayai mat nna, arai guji guyang hpe kahtet lai ai hte shabyawng kau na Karai Kasang a nhtoi hpe, nanhte ala nga nna myit marit nga myit dai gaw,

RUHTA 3:14

Ruhta mung, jahpawt du hkra shi a lagaw nhpang e yup nga nna, shada garai n mu hkat ai aten daram e rawt wu ai. La wa mahtang, “Ndai chyarang de num sa ai, kadai hpe hkum chye shangun yaw,” ngu wu ai.