1 PETRU 2:11 - Jinghpaw Hanson Version Bible

¹¹ Ngai tsawra ai ni e, myit masin hte gasat hkat nga ai hkum shan kayut la ai baw hpe koi kau myit ga, ga ntsa e shingbyi nga ai ni hte, bu hkawn manam zawn rai nga ai ni nanhte hpe, ngai nem da made ai:

Jinghpaw Common Language Bible 2009

¹¹ Ngai tsaw ra ai ni e, nanhte gaw ndai mungkan hta bu hkawm ai tsasam manam ni hte shingbyi nga ai ni zawn rai nga myit dai rai nna, myit masin hte gasat hkat nga ai hkum shan a kayut ai lam ni hpe galoi mung asum n jaw na matu ngai nanhte hpe hpyi nem dat made ai.

1 PETRU 2:11 ပူးပေါင်းရင်းမြစ်များ

NINGPAWT NINGHPANG 21:34

Shing rai Abraham gaw Hpiliste mung e na na wa nga nga ai.

NINGPAWT NINGHPANG 23:4

“Ya ngai gaw nanhte kaw e malet nhprang manam hte sa chyu nga ai wa sha rai nga nngai; nye a madu jan si mang hpe nye a man na lup kau lu na matu, ngai madu nga na lup ra nanhte kaw e san da jaw mi,” ngu wu ai.

NINGPAWT NINGHPANG 47:9

Yaku gaw Hpara-u hpe, Ngai malet nhprang manam rai nna, lai mat sai nhtoi shaning gaw latsa e sumshi ning rai sali ai: ngai hkrung nga ai nhtoi shaning gadun ai hte yak la li ai rai nna, nye a aji awa ni a malet nhprang manam rai yang na hkrung nga ai asak nhtoi hpe n dep ya lu mawe ai, nga nna tsun nhtawm,

1 HKAWHKAM LABAU 29:15

anhte gaw ji wa ni mahkra zawn, na a man e tsasam masha hte malet nhprang manam hkrai rai nga ga ai: anhte a ga ntsa e nga ai nhtoi hte gaw, shingnip hte bung nna myit mada shara n nga ai.

SHAKAWN KUNGDAWN 119:19

Ga ntsa e, manam sha ngai rai nga nngai, Na a htet da ai ga, nye a man e, hkum makoi da u.

SHAKAWN KUNGDAWN 119:54

Ngai manam rai nga ai nta hta e, Na a ga madat, nye a mahkawn ga tai nga ai.

SHAKAWN KUNGDAWN 39:12

Yehowa e, ngai akyu hpyi ai ga madat mara ya e, Ngai hpyi jahtau ai ga na la ya e; Nang kaw ngai manam rai nga nngai hte, Ngai ji wa ni zawn kaga buga masha rai nga nngai majaw, Nye a myi prwi hpe atsin sha hkum yu nga et.

JAW JAU 15:18

Shing re ai lasha hte numsha nga sha ma ai rai yang, shan lahkawng hka shin na rai mu ai: shana de du hkra mung n san n seng rai nga ai.

JAW JAU 25:23

Lamu ga hpe tutnawng madu nga na hku dut lu na n rai: kaning rai nme law, aga gaw nye a rai nga ai: nanhte gaw ngai kaw shingbyi nga ai manam sha rai myit dai.

LUKA 21:34

Rai timung, lu lai sha lai ai, chyaru nang ai, dinghta ga myit ru myit tsang ai hte nanhte a myit masin li nga nna, dai nhtoi gaw mahkam htim ai zawn, nanhte a ntsa e akajawng sha n du pru u ga, sadi nga mu:

KASA 15:20

Hpara sumla ni a n san n seng ai hte, ndaw liknga lam, du manat sat ai shan hte, asai re ai ni hpe koi gam na lam, shanhte hpe laika hte shana mai ai, ngu nna ngai myit da we ai.

KASA 15:29

dai hte hpe nanhte koi gam nga yang, mai kaja na rai malit dai. Hkam kaja nga myit ga law,” nga ai.

ROMA 12:1

Dai re ai majaw, hpunau ni e, nanhte a hkumhkrang hpe, hkrung nga ai, chyoi pra ai hte, Karai Kasang kaw sharawng awng ai hkungga matu nawng ya na, Karai Kasang a chyeju hte ngai nanhte hpe shadut shahkat dat made ai: dai gaw nanhte a myit masin a daw jau ai lam rai nga ai.

ROMA 7:23

rai timung, nye a daw shan ni hta e tara kaga gaw, nye myit mang hta rawng ai tara hte gasat hkat nga ai rai nna, nye daw shan ni hta e rawng ai yubak a tara hta e ngai hpe bawng dung shangun nngai, ngai mu ni ai.

ROMA 8:13

kaning rai nme law, hkum shan hte seng ai asak sha hkrung nga myit yang gaw, nanhte si na rai nga myit dai; rai timung, Wenyi hte hkumhkrang a arawn alai ni hpe nanhte sat kau myit yang gaw, nanhte hkrung nga na marin dai.

2 KORINHTU 5:20

Dai re ai majaw Karai Kasang gaw anhte a lata e shadum jahprang nga ai zawn, Hkristu a lam htinglet ya ai kasa ni anhte rai nga ga ai; Karai Kasang hte htinglu htinglai mu, ngu nna Hkristu a jaw e anhte hpyi nem ga ai.

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

2 KORINHTU 7:1

Tsawra ai ni e, ndai ga sadi yawng hte gaw lu la gaw ai majaw, hkumhkrang hte wenyi hpe awu asin di kau ai matsat shabat hta na tinang hkum hpe jasan jaseng kau nhtawm, Karai Kasang hpe hkrit hkungga let shachyoi shapra ai lam shatup nga ga.

GALATI 5:24

Hkristu Yesu hte seng ai ni chyawm gaw, tinang a hkum shan myit mung, myit kayut ai hte marin marit ai hte nawng, wudang hta jen da manu ai.

EHPESU 2:19

Dai re ai majaw, ya gaw nanhte tsasam hte malet nhprang manam n re ai sha, chyoi pra ai ni hte rau, mung masha hte Karai Kasang a nta na ni, nanhte rai nga myit dai:

EHPESU 4:1

Dai re ai majaw, nanhte hpe shaga la manit dai shaga la ai lam hta e, nanhte ging dan ai hte hkawm nga myit ga, dai Madu a jaw e bawng dung ai wa, ngai gaw, nanhte hpe shadut jahkat made ai.

2 TIMOHTI 2:22

Dai rai nna, brang ram a myit kayut ai lam koi gam u: san seng ai myit hte dai Madu hpe shaga gang ai ni hte rau, dinghpring ai, kamsham ai, tsawra ai hte ngwipyaw ai hpe, hkan shachyut nga u.

HEBRE 11:13

Ndai ni nlang hte gaw, ga ndat hte seng ai sali wunli n hkam la lu ai hte, tsan kaw na dai hpe tau mu nna shaga gintan let, ndai ga ntsa e tsasam hte malet, nhprang manam sha tai nga ai hpe yin la nna, dai makam masham hta si wa masai.

HEBRE 6:9

Anhte ning nga tsun ga ai rai timung, tsawra htum ai ni e, dai hta grau kaja ai hte, hkye hkrang la ai lam hte seng ai baw nanhte lu la na myit dai, ngu nna nanhte a lam anhte myit tawng ya ga ai.

YAKU 4:1

Nanhte hta e majan hte hpyen gasat ai gaw, kanang na pru wa malit ta? Nanhte a daw shan ni hta e gasat hkying ai pyaw daw kadaw ai a majaw rai nga ai, n rai ni?

1 PETRU 1:1

Yesu Hkristu a kasa, ngai Petru gaw, Wa Karai Kasang a moi na chye chyang ai a majaw, dai Wenyi a shachyoi shapra ai hta, madat mara nna, Yesu Hkristu a asai hte lapri ai chyeju hkam la lu na,

1 PETRU 1:17

Dai hta kaga, myi man n tau yu ai sha, langai hte langai a amu hte maren dawdan nga ai Kawa hpe nan, nanhte hpyi shaga myit yang gaw, nanhte manam tai hkawm nga ai aten hte yang, hkrit kamyin ai hte hkan shatup nga mu.

1 PETRU 4:12

Tsawra ai ni e, nanhte hpe chyam yu na matu, nanhte a kata e du bang ai wan dinglik gaw, mauhpa amu zawn nanhte hta byin nga ai, nga nna hkum nawn nga myit:

1 PETRU 4:2

ndai hkum tsawp hta e naw ahkrung nga ai aprat e, masha a myit marin ai hku n hkan ai sha, Karai Kasang a myit hpe hkan nang lu myit ga, nanhte mung dai myit hpe nan, hpyen palawng zawn ahpun da nga mu.

2 PETRU 3:1

Tsawra ai ni e, da ndai gaw ya nanhte hpe lahkawng lang na ka shagu dat ai laika rai nga ai; chyoi pra ai myihtoi ni moi shawng e tsun dan ai ga hte hpe mung, nanhte a kasa ni a lata hta ap da ai,