1 PETRU 1:8 - Jinghpaw Hanson Version Bible

⁸ Dai Yesu hpe nanhte n mu yu timung, tsawra nga manit dai; shi hpe garai n mada mu mu timung, shi hpe kamsham nga ai a gawp e, n dang tsun hkra dan hkung ai kabu gara ai hte nanhte kabu gara nga myit dai rai nna,

Jinghpaw Common Language Bible 2009

⁸ Nanhte gaw Yesu hpe n mu yu myit ti mung, shi hpe tsaw ra nga manit dai; shi hpe n mu yu myit ti mung, shi hpe kam sham nga manit dai. Dai rai nna nanhte gaw n-gup aga hte tsun n dang lu hkra re ai kabu gara ai lam kaba hte kabu gara nga lu manit dai.

1 PETRU 1:8 ပူးပေါင်းရင်းမြစ်များ

Shawlumon A Mahkawn Ga 1:7

Nye myit masin tsawra ai, nja wa e, Na sagu ni hpe nang kanang rem ai hpe mung, ani chyingtung e, kanang hpum shangun ai hpe mung, tsun dan e. Ngai hpa majaw, na manang ni a sagu hpung ni makau e, Myi man magap ai num zawn, tam pru na rai ta?

Shawlumon A Mahkawn Ga 5:16

Shi a n-gup hta na ga dwi ga sau pru nga ai: Rai sa, shi gaw hkum ting tsawra mai nga ai. Yerusalem na shayi chyinghkawn ni e, Dai wa gaw, ngai tsawra ai wa, nye a kanawn wa, rai nga ai.

Shawlumon A Mahkawn Ga 5:9

Numsha ni hta grau tsawm ai na e, na a tsawra ai wa gaw, Kaga tsawra ai wa hta, kaning rai grau nga a ta? Nang anhte hpe ning rai htet da lu hkra re ai, Na a tsawra ai wa gaw, kaga tsawra ai wa hta, kaning rai grau nga a ta?

MAHTE 10:37

Kadai mung, ngai hpe tsawra ai hta, kanu kawa hpe grau nna tsawra ai wa gaw, ngai hte n ging n dan nga ai: ngai hpe tsawra ai hta, shayi shadang sha hpe grau nna tsawra ai wa mung, ngai hte n ging n dan nga ai.

YAWHAN 14:15

Nanhte ngai hpe tsawra myit dai rai yang gaw, nye a ga matsun hkan shatup na myit dai.

YAWHAN 14:21

Nye a ga matsun lu la nna hkan shatup ai wa gaw, ngai hpe tsawra ai wa rai nga ai: ngai e tsawra ai wa hpe, nye Wa mung tsawra na wu ai: ngai mung dai wa hpe tsawra ai hte, ngai hkum nan shi e shadan dan na we ai,” ngu nna shi hpe tsun wu ai.

YAWHAN 14:24

Ngai e n tsaw n ra ai wa gaw, nye a ga n hkan shatup lu ai, dai hta kaga, nanhte na la lu ai mungga gaw, nye a ga n rai li ai, ngai hpe shangun dat ai, nye Wa a mungga rai nga lu ai.

YAWHAN 16:22

Dai hte maren nanhte ya yawn hkyen nga myit dai: rai timung, nanhte hte ngai bai hkrum lu nna, nanhte a myit masin kabu gara na ra ai: dai nanhte a kabu gara ai hpe kadai kashun la ya lu na n rai.

YAWHAN 20:29

Yesu gaw, “Nang gaw ngai e mu lu ai majaw sha kam nni? n mu timung, kamsham ai ni gaw a lu ma ai,” ngu nna shi hpe tsun wu ai.

YAWHAN 8:42

Shaloi Yesu gaw, “Karai Kasang nanhte a Kawa rai malit yang gaw, nanhte ngai hpe tsawra na myit dai: kaning rai nme law, ngai gaw Karai Kasang kaw na pru nna du sa nngai, nye a myit hte ngai du sa nngai n rai, shi gaw ngai hpe shangun dat nngai.

KASA 16:34

Bai, shi a nta nhku de mung shi shan hpe woi jashawn la nna, lusha galaw daw let, Karai Kasang hpe kamsham lu sai majaw, shi hte nta ting hte hpawn, ja ja kabu gara nga ai.

ROMA 14:17

Kaning rai nme law, Karai Kasang a mungdan gaw, sha sha, lu lu rai na hku n re ai sha, Chyoi pra ai Wenyi e, dinghpring ai, ngwipyaw ai hte kabu gara ai, rai nga ai.

ROMA 15:13

Ya, Chyoi pra ai Wenyi a n-gun atsam hte myit mada ai lam hta nanhte gumring gumrat rai wa myit ga, myit mada npawt rai nga ai Karai Kasang gaw, kamsham ai lam hta e, chyeju hte ngwipyaw ai amyu myu nanhte hpe jahpring shatsup ya myit ga law.

1 KORINHTU 16:22

Marai langai ngai dai Madu hpe n tsaw n ra a yang gaw shi dagam dala hkrum u ga. Dai Madu du ru ga.

2 KORINHTU 1:22

shi gaw anhte hpe dazik shakap da nna, anhte a kraw lawang e Wenyi ngu ai masat dingsat jaw da ma ni ai.

2 KORINHTU 12:4

shi gaw hkumhkrang lawm ai kun, n lawm ai kun, ngai n chye nngai, Karai Kasang sha chye nga ai.

2 KORINHTU 4:18

ya e sha hkrum ai atsang sha rai nga ai tsin-yam tsindam gaw, nachying kaba li la ai htani htana hpung shingkang hpe anhte a matu mara a shachyen nga ai.

2 KORINHTU 5:7

myi hte mu lu ai n re ai sha, makam masham a marang e anhte hkawm nga ga ai;

2 KORINHTU 9:15

Tsun n dang lu ai Karai Kasang a kumhpaw kumhpa majaw, shi hta a nga u ga law.

GALATI 5:22

Wenyi a asi chyawm gaw tsawra ai, kabu gara ai, ngwipyaw ai, myit galu kaba ai, matsan dum ai, mai kaja ai, kangka ai,

GALATI 5:6

Kaning rai nme law, Hkristu hta e matu gadoi hkam ai lam rai timung, matu gadoi n hkam ai lam rai timung, hpa akyu n nga ai rai nna, tsawra myit hte shachyen ai makam masham hkrai sha, akyu rawng nga ai.

EHPESU 3:19

Karai Kasang a hkum tsup ai lam ting hte hkum tsup lu myit ga, chye chyang ai myit hte n dang chye ai Hkristu a tsawra ai lam hpe, nanhte chye na lu na, ngai hpyi nga nngai.

EHPESU 6:24

Anhte a Madu Yesu Hkristu hpe n sawt ai myit hte tsawra ai ni nlang hte hta, akyu ara rai nga u ga law.

HPILIPI 1:25

Shing rai ngai myit mu nga nngai rai nna, nanhte hpang de ngai bai du lu na nngai majaw, nye a marang e nanhte a gumrawng shara Hkristu Yesu hta e grau nna jat wa lu u ga,

HPILIPI 3:3

Anhte mahtang, Karai Kasang a Wenyi hte nawku nna, Hkristu Yesu hta gumrawng nga ai hte, hkum shan hta e n shamyet n shanat ai ni gaw, matu gadoi hkam ai ni majing rai nga ga ai:

HPILIPI 4:4

Dai Madu hta tutnawng e kabu gara nga mu; bai ngai tsun nngai, kabu gara nga mu.

HEBRE 11:1

Makam masham ngu ai gaw, myit mada ai arai ni a lam myit mu myit hkut nga ai hte, garai n mu yu ai arai ni a lam tau chye tawn lu ai hpe, ngu ai, rai nga ai:

HEBRE 11:27

Kamsham ai hte, Egutu hkawhkam a masin pawt ai hpe n hkrit ai sha, dai mung na pru kau da wu ai, kaning rai nme law, myi hte n mu lu ai wa hpe mu lu ai hpe zawn, shakut sharang nga ai.

1 PETRU 1:6

Nanhte a jet ai kamsham myit gaw, wan hta e chyam yu ai hkrum nhtawm, hten mat chye ai aja hta grau hpu ai rai nna, Yesu Hkristu a dan pru ai nhtoi hta e, dai gaw, shakawn kungdawn ai, hpung shingkang hte arawng sadang rawng ai arai tai wa u ga,

1 PETRU 2:7

Dai re ai majaw, nanhte kamsham ai ni a matu mara, dai gaw arawng rai nga malit dai: rai timung, n kam n sham ai ni a matu mara, “Wahpang gaw ai ni sai kau ai nlung gaw, Ningjut jahtum nlung tai sai rai nna,”

1 PETRU 5:4

Shing rai yang gaw, dai Hpung rem agyi wa dan pru ai shaloi e, nanhte gaw n wai n mat ai a rawng sadang a janmau hpe, lu la na mu ai.