1 PETRU 1:7 - Jinghpaw Hanson Version Bible

⁷ ya chyahkring chyahkra e gunglau amyu myu hte nanhte yawn hkyen hkrum nga myit timung, dai hkye hkrang la ai lam a gawp e, nanhte grai kabu gara nga lu myit dai.

Jinghpaw Common Language Bible 2009

⁷ Dai chyam dinglik hkrum ai lam gaw Karai Kasang hpe nanhte kam sham ai myit gaw jet nga ai kun? jen yu na matu rai nga ai. Jahten kau lu ai ja hpe pyi gaw wan hta ju shabyawng nna jen kau ra ai rai nna ja hta grau hpu reng ai nanhte a makam masham hpe mung ngang grin nga na matu jen kau hkrum lu na rai nga ai. Shing rai yang Yesu Hkristu bai dan pru ai nhtoi hta shakawn kungdawn ai, hpung shingkang hte arawng sadang hpe nanhte hkam la na marin dai.

1 PETRU 1:7 ပူးပေါင်းရင်းမြစ်များ

YOBA 23:10

Shi mahtang ngai htinglet hkawm ai lam chye nga ai; ngai hpe dinglik yu yang, ja jet zawn ngai pru na nngai.

YOBA 28:1

Gaja wa gumhpraw maw nhkun nga nga ai; jen la ai ja jet pru na shara mung, rai nga ai.

SHAKAWN KUNGDAWN 17:3

Nang nye a myit hpe dinglik ya yu nit dai; Shana e nang ngai hpe kawan yu nna, Ngai hpe chyam yu yang, hpa mung n mu ndai: Ngai myit ai lam nye a n-gup hte n shai li ai.

GA SHAGAWP 16:16

Aja lu la ai hta, hpaji lu la ai gaw, gade grau a hka! Gumhpraw hta hpaji lata la ai gaw, grau mai nga ai.

GA SHAGAWP 17:3

Bunghkrawng gaw gumhpraw hpe, adi gaw aja hpe jen nga ai; Yehowa chyawm gaw, myit masin hpe dinglik yu nga ai.

GA SHAGAWP 8:19

Ngai si ai asi gaw, aja hte jet htum ai aja hta, Ngai shapraw ai amyat gaw gumhpraw hta, grau kaja nga ai.

HPAJI NINGLI 5:14

Dai baw sutgan gaw, n shawp ai lam hta ginlut mat nga ai: shi shaprat ai shadang sha pyi, lata kaman rai nga ai.

ESAIA 48:10

Yu u, ngai nang hpe jen yu ni ai, rai timung gumhpraw hpe zawn n rai; nni nkri ngu ai wan htung hta ngai nang hpe dinglik yu ni ai.

YEREMIA 48:36

Dai re ai majaw, Moba a matu nye a myit masin gaw sumpyi zawn, Kira-heret masha ni a matu nye a myit masin gaw sumpyi ni zawn, yawn ngoi na ra ai: shanhte mahkawng da ai sutgan gaw htum mat sai.

YEREMIA 9:7

Dai rai nna, Zaw nawng zaw wa up ai Yehowa ning nga ai: “Ngai shanhte hpe shabyawng nna, dinglik yu na nngai: shing n rai, nye amyu shayi sha hpe ngai kaning di na rai ta?

ZEHKARIA 13:9

Ngai gaw dai htammi hpe wan ka-ang hku lai wa shangun nna, gumhpraw hpe jen ai hte maren, ngai shanhte hpe jen yu nna, aja hpe dinglik yu ai zawn, shanhte hpe dinglik yu na nngai; shaloi shanhte gaw nye a amying hpe shaga nna, ngai shanhte a ga madat na nngai; ngai gaw, ‘Ndai ni nye a amyu rai nga ai,’ nga nna tsun yang, shanhte gaw, ‘Yehowa anhte a Karai Kasang rai nga ai,’ nga nna yin la na mara ai.

MALAHKI 3:3

shi gaw janghkam wa zawn dung let, gumhpraw hpe jasan jaseng nna, jen yu ai zawn, Lewi kashu kasha ni hpe jen yu nna, aja hte gumhpraw zawn, shanhte hpe jet shangun na ra ai: shing rai shanhte gaw dinghpring ai hku hkan nna, Yehowa hpe kumhpa nawng ya na mara ai.

BU HKAWM 5:28

Shing n rai, num dai awu asin n rai, asan aseng rai yang gaw, shi lawt lu nna kashu kasha kap na ra ai.

MAHTE 19:28

Yesu gaw, “Nanhte hpe ngai teng teng tsun made ga, dai Masha Kasha gaw shi a arawng sadang a tingnyang hta e dung nga yang, bai shangai wa ai aten hta e ngai kaw hkan nang nga ai ni, nanhte mung, tingnyang shi lahkawng hta dung lawm na marin dai rai nna, Israela a amyu shi lahkawng hpe tara dara lu na maru ai.

MAHTE 25:21

Dai rai nna shi a madu, ‘Ara, kaja ai hte sadi dung ai mayam e: arai loi sha hta nang kangka rai nit dai; arai law law a ntsa e ngai nang hpe san tawn da na de ai: na madu a kabu gara ai hta shang lawm u,’ ngu nna shi hpe tsun wu ai.

MAHTE 25:23

Dai rai nna shi a madu gaw, ‘Ara, kaja ai hte sadi dung ai mayam e: arai loi sha hta nang kangka rai nit dai: arai law law a ntsa e ngai nang hpe san tawn da na de ai: na a madu a kabu gara ai hta nang shang lawm u,’ ngu nna shi hpe tsun wu ai.

LUKA 12:33

Nanhte lu ai arai dut kau nna alu jaw mu; tinang a matu dingsa n chye ai gumhpraw jan galaw nna, lagut mung n du, manut e mung n sha lu ai, sumsing lamu e n htum n ma chye ai sutgan, kyem da mu.

LUKA 17:30

dai Masha Kasha a dan pru ai nhtoi hta mung, dai hte maren rai na ra ai.

YAWHAN 12:26

Nye a amu gun hpai ai wa rai yang gaw, nye a hpang hkan nang ru ga: ngai nga ai shara e, nye a shangun ma mung nga na ra ai; nye a amu gun hpai ai wa rai yang gaw, nye Wa dai wa hpe shagrau na ra ai.

YAWHAN 5:44

Shada da jaw ai arawng sadang hkam la nna, langai sha rai nga ai Karai Kasang e jaw ai arawng sadang hpe n tam ai ni, nanhte wa mi, kaning rai kamsham lu na myit ta?

KASA 8:20

Petru chyawm gaw, “Karai Kasang a kumhpa hpe gumhpraw hte lu la na re ai, nga nna myit ndai majaw, na a gumhpraw gaw nang hte rau hten bya mat u ga,

ROMA 2:10

bai, Yuda masha hpe nan rai timung, Heleni masha hpe rai timung, kaja ai bungli shachyen ai ni nlang hte hta hpung shingkang, arawng sadang hte ngwipyaw ai gaw, rai nga u ga:

ROMA 2:29

kraw kata e Yuda wa rai nga ai mahtang gaw, Yuda masha majing rai nga ai: dai gadoi ai mung, laika hku hte sha n rai, wenyi hta na kraw lawang e byin nga ai rai nna, de a shakawn kungdawn ai gaw shinggyim masha kaw na n rai, Karai Kasang kaw na sha pru nga ai.

ROMA 2:7

kaja ai bungli galaw let, shakut sharang nna hpung shingkang ma, arawng sadang ma, n hten n mat ai ma, tam ai ni hpe, htani htana asak jaw na ra ai;

ROMA 8:19

Nga yawng nga pra mung myit ndawt ai hte, Karai Kasang a kashu kasha ni a paw pru na ra ai hpe ala nga ma ai.

1 KORINHTU 3:13

kaning rai nme law, dai nhtoi gaw dai hpe shadawng dat nna, wan e gaw dai hpe shadan dan na ru ai; langai hte langai a bungli kaning rai nga ai gaw, dai wan e chyam ginhka na ru ai.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

YAKU 1:12

Agung alau hkrum yang shakut sharang ai wa gaw, a nga lu ai: kaning rai nme law, dinglik yu ai hkrum ngut jang, Karai Kasang shi e tsawra ai ni hpe ndat da ai asak janmau gaw, shi lu la na ru ai.

1 PETRU 1:13

Dai re ai majaw, nanhte a myit kraw lawang a nshang hta shingkyit kyit nna, htauli htaula hta grin nga let, Yesu Hkristu dan pru wa ai shaloi e, nanhte hpang de la sa na ra ai chyeju hpe, myit mada nga mu.

1 PETRU 1:5

hpang jahtum ai nhtoi e dan pru u ga, nga nna lajang da sai hkye hkrang la ai chyeju hpe hkam la lu na hte, kamsham ai myit marang e, Karai Kasang a n-gun lagaw hte makawp maga hkrum nga ai, nanhte a matu mara, dai sali wunli gaw, sumsing lamu hta e kyem da nga ai.

1 PETRU 2:4

Dai Madu hpang de nanhte sit sa wa nna, shi gaw ahkrung nga ai nlung rai nga ai: masha ni dai hpe sai kau mu timung, Karai Kasang a man e lata la ai hte hpu la ai nlung shi rai nga ai.

1 PETRU 2:7

Dai re ai majaw, nanhte kamsham ai ni a matu mara, dai gaw arawng rai nga malit dai: rai timung, n kam n sham ai ni a matu mara, “Wahpang gaw ai ni sai kau ai nlung gaw, Ningjut jahtum nlung tai sai rai nna,”

1 PETRU 4:12

Tsawra ai ni e, nanhte hpe chyam yu na matu, nanhte a kata e du bang ai wan dinglik gaw, mauhpa amu zawn nanhte hta byin nga ai, nga nna hkum nawn nga myit:

1 PETRU 4:13

Hkristu gaw shi a hpung shingkang hta paw pru ai shaloi, kabu gara ai kaba hte nanhte kabu gara wa lu myit ga, shi a nni nkri hkrum ai lam hta, nanhte lawm lu myit dai majaw, kabu gara nga mu.

1 PETRU 5:1

Dai re ai majaw, Hkristu a nni nkri hkrum ai lam hta sakse tai nga ai hte paw pru magang ra ai hpung shingkang hta hkambum lu ai nanhte a kanawn salang, ngai gaw, nanhte hta lawm ai Hpung salang ni hpe shadum jahprang dat mawe ga;

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte, Hkye hkrang la ai Madu Yesu Hkristu a dinghpring ai lam hta, anhte zawn hpu la ai makam masham lu la nga ai ni hpe, ga shana dat nngai.

2 PETRU 1:4

nanhte gaw mungkan ga a myit marin ai hten bya ai lam na lawt lu wa let, Karai Wa a myit marai hpe dagraw la lu myit ga, arawng lu ai hte galu kaba la ai ga ndat ni, shi anhte hpe jaw dat mi ai.

2 PETRU 3:14

Shing rai myit mada ai lam ni rai nga myit dai majaw, tsawra ai ni e, ngwipyaw ai hku hkan let, shi a man e, matsat shabat hte agang chyalang n kap myit ga, shakut sharang nga mu.

YUDA 1:24

Ya chyawm gaw, kataw katan nrai hkra nanhte hpe bau sin lu ai rai nna, mara n rawng let, kabu gara la ai hte shi a hpung shingkang a man e nanhte hpe tawn da lu na,

SHINGRAN 1:7

Yu mu, shi gaw sumwi hte du sa wa nna, myi yawng mayawng mung, shi hpe galun baw ai ni mung, shi hpe hkap mu na mara ai rai nna, dinghta ga na amyu nlang hte gaw, shi a majaw sharung shayawt na mara ai. Rai sa, Amen.

SHINGRAN 2:10

Nang hkrum magang ra ai nni nkri hpe hkum hkrit et; yu u, nanhte hpe chyam yu na, Nat gaw nanhte hta na nkau mi hpe htawng hta sharen da nna, nanhte n htoi shi ya tup zingri zingrat ai hkrum na marin dai. Si hkra maju jung nga u, shaloi ngai nang hpe asak janmau jaw na de ai.

SHINGRAN 3:10

Ngai hte seng ai shakut sharang ai lam a mungga hpe nang hkan nang ndai majaw, ga ntsa e nga ai ni hpe chyam dinglik yu na matu, dinghta ga hproi hkra du na ra ai chyam dinglik yu ai nhtoi hta na, ngai nang hpe makawp maga na de ai.

SHINGRAN 3:18

Dai re ai majaw, nang sut su u ga, wan mang hta jen kau sai ja jet hpe mung, na a singgu krin re ai kaya hpa masha man e n dawng lit ga, nang lawai na matu hpraw ai hpun palawng mung, na a myi mu lu lit ga, chya na matu myi tsi mung, ngai kaw na mari la lu na, ngai nang hpe hpaji daw ya de ai.

1 SAMUELA 2:30

Dai hku galaw myit dai majaw, Israela Karai Kasang Yehowa tsun ai gaw, ‘Na amyu, nanhte lakung gaw nye a man e tut tut hkawm sa lu na ra ai,’ ngu nna ngai tsun kau rai timung, Yehowa bai tsun u ga: ‘ngai e shagrau ai ni hpe sha ngai shagrau na we ai; ngai hpe n gawn n sawn re ai ni gaw arawng hpoi mat na mara ai.