1 PETRU 1:6 - Jinghpaw Hanson Version Bible

⁶ Nanhte a jet ai kamsham myit gaw, wan hta e chyam yu ai hkrum nhtawm, hten mat chye ai aja hta grau hpu ai rai nna, Yesu Hkristu a dan pru ai nhtoi hta e, dai gaw, shakawn kungdawn ai, hpung shingkang hte arawng sadang rawng ai arai tai wa u ga,

Jinghpaw Common Language Bible 2009

⁶ Nanhte hkrum hkra nga ai agung alau amyu myu a majaw ya jahkring jahkra yawn hkyen hkrum ra mat ti mung, dai hkye hkrang la ai lam a marang e nanhte akabu gara nga mu.

1 PETRU 1:6 ပူးပေါင်းရင်းမြစ်များ

SHAKAWN KUNGDAWN 119:28

Yawn la nngai majaw, nye a myit masin hkrap nga ai; Na a ga hte maren, ngai hpe sharawt la e.

SHAKAWN KUNGDAWN 119:75

Yehowa e, na a tara dara ai lam, dingman nga ai rai nna, Sadi sahka hte nang ngai hpe sharin ndai hpe, ngai chye nga nngai.

SHAKAWN KUNGDAWN 34:19

Dingman ai wa gaw ru tsang law law hkrum nga timung, Yehowa shi hpe nlang hta na mawai la nu ai.

SHAKAWN KUNGDAWN 35:10

Yehowa e, “nang zawn kadai rai nga a hka? Nni nkri hkrum ai wa hpe, shi hta n-gun grau ja ai wa kaw na, Nni nkri hkrum ai wa hte matsan mayan wa hpe, Zingri zingrat ai wa kaw na, nang mawai la nga ndai,” nga nna nye a nrut nra nlang hte gaw tsun na mara ai.

SHAKAWN KUNGDAWN 69:20

Shatan nhkan ai hte ngai myit htum nngai, Si hkra ngai machyi nga nngai; Myit yu machyi ai masha, ngai tam timung, n nga ai, Shangwi shapyaw ai wa mung, ngai n mu nngai.

SHAKAWN KUNGDAWN 9:14

shaloi na a akyu nlang hte gaw ngai gawn dan nna, Ziun shayi sha a chyinghka lam e, na a hkye la ai lam majaw, kabu gumlawt na nngai.

SHAKAWN KUNGDAWN 95:1

Wa marit, Yehowa hpe garu ga, Anhte hpe hkye hkrang la ai lunghkrung kaw, kabu gara jahtau ga!

ESAIA 61:10

Ngai gaw Yehowa hta aja awa kabu gara nga nna, nye a myit masin gaw, nye a Karai Kasang hta sharawng awng na ra ai; kaning rai nme law, la ningnan gaw nampan shanghkawng gup ai zawn mung, num ningnan gaw shi a lungseng ni hte shi a hkum hpe mawn sumli ai zawn mung, shi ngai hpe hkye hkrang la ai hpun palawng jahpun ya nna, dinghpring ai nba lawai ya ni ai.

ESAIA 61:3

Ziun mare hta sharung shayawt ai ni hpe, wan dap a malai nampan shanghkawng, sharung shayawt ai a malai kabu gara ai namman, myit kaji ai a malai kabu gara ai hpun palawng jaw na matu mung, shi ngai hpe shangun dat nngai; shing rai, Yehowa gaw arawng sadang lu la na matu, shanhte gaw, shi hkai da ai dinghpring ai hpun ni ngu ai mying, mying na mara ai.

MAHTE 11:28

Hki ba la nna lit li gun ai ni yawng hte e, ngai kaw wa marit; ngai nanhte hpe ban sa shangun na made ai.

MAHTE 26:37

Shaloi Petru hte Zebedi a kasha yan hpe shi shaga woi nhtawm, yawn hkyen hkrum nna, myit ru myit tsang grai rai nga ai.

MAHTE 5:12

kabu nna pyaw pyaw rai nga mu; kaning rai nme law, sumsing lamu hta e nanhte a shabrai kaba nga malit dai: nanhte a shawng na myihtoi ni hpe mung shanhte dai hte maren zingri zingrat di kau manu ai.

LUKA 1:47

Nye wenyi mung ngai hpe hkye la ai Madu Karai Kasang hta kabu gara li ai.

LUKA 10:20

Rai timung, nat ni nanhte a ga madat ma ai majaw, hkum kabu myit; nanhte a amying sumsing lamu hta ka da nga ai majaw she, kabu nga mu,” ngu nna shanhte hpe tsun mu ai.

LUKA 2:10

Dai majaw lamu kasa gaw, “Hkum hkrit myit; yu mu, masha nlang a matu nachying kabu gara mai ai shiga, ngai nanhte kaw gun sa ring ngai;

YAWHAN 16:22

Dai hte maren nanhte ya yawn hkyen nga myit dai: rai timung, nanhte hte ngai bai hkrum lu nna, nanhte a myit masin kabu gara na ra ai: dai nanhte a kabu gara ai hpe kadai kashun la ya lu na n rai.

YAWHAN 16:33

Nanhte ngai hta ngwipyaw ai lu la myit ga, ngu nna, ndai ga ngai nanhte hpe tsun ni ai: nanhte gaw mungkan ga e nni nkri hkrum sha myit dai: rai timung, dakring dakan rai nga mu; ngai gaw mungkan ga hpe dang kau da ni ai, ngu mu ai.

KASA 14:22

sape ni a myit shangang ya let, dai makam masham lam hta agrin nga na matu shadum jahprang ai hte, “Karai Kasang a mungdan de ru tsang ai law law hte shang wa na rai ga ai,” ngu nna sharin da mu ai.

ROMA 12:12

myit mada let kabu gara nga mu; nni nkri hkrum yang, myit hkum kaji nga mu; akyu hpyi ai hta htep lahti tut rai nga mu;

ROMA 5:11

Bai, dai hta n-ga, anhte a Madu Yesu Hkristu a marang e, Karai Kasang hta mung anhte kabu gumrawng nga ga ai: shi a majaw dai htinglu htinglai ai chyeju gaw anhte ya hkam la lu sagaw ai.

ROMA 5:2

Yesu a gawp e mung, ya lu la sagaw ai chyeju hta e, anhte kamsham ai hte shang lu saga ai rai nna, Karai Kasang a hpung shingkang hpe myit mada nga let, kabu gumrawng nga ga ai.

ROMA 9:2

nye kraw lawang e yawn hkyen kaba hte tutnawng na atsu atsam ngai hkam nga nngai gaw, Chyoi pra ai Wenyi hta e nye a myit nsam gaw, ngai hte sakse hkam ya ai.

2 KORINHTU 4:17

Kaning rai nme law, dandawng nga ai arai ni gaw ndai aprat na sha, n dan n dawng nga ai arai ni gaw htani htana na arai rai nga ai majaw, dandawng nga ai arai ni hpe anhte n tau yu ai sha, n dan n dawng ai arai ni hpe tau yu let,

2 KORINHTU 6:10

adup achyin hkrum ai ni zawn rai timung, n si n mat ai ni; yawn hkyen hkrum ai ni zawn rai timung, tutnawng e a kabu nga ai ni; matsan mayan re ai ni zawn rai timung, masha law law hpe shalu jasu chye ai ni; hpa n lu ai ni zawn rai timung, yawng mayawng hpe madu nga ai ni rai nga ga ai rai nna, Karai Kasang a bungli daw ai sara ni rai nga ga ai gaw, lam shagu hta anhte hkum marai dan nga ga ai.

GALATI 5:22

Wenyi a asi chyawm gaw tsawra ai, kabu gara ai, ngwipyaw ai, myit galu kaba ai, matsan dum ai, mai kaja ai, kangka ai,

HPILIPI 2:26

Kaning rai nme law, nanhte nlang hte hpe sa hkrum lu na, shi nachying myit ndawt nga ai hte, shi machyi ai hpe nanhte na yu hkrup myit dai majaw, shi grai wa myit ru myit tsang nga ai.

HPILIPI 3:3

Anhte mahtang, Karai Kasang a Wenyi hte nawku nna, Hkristu Yesu hta gumrawng nga ai hte, hkum shan hta e n shamyet n shanat ai ni gaw, matu gadoi hkam ai ni majing rai nga ga ai:

HPILIPI 4:4

Dai Madu hta tutnawng e kabu gara nga mu; bai ngai tsun nngai, kabu gara nga mu.

1 HTESALONI 1:6

Nni nkri law law hkrum timung, Chyoi pra ai Wenyi a kabu gara ai hte dai mungga hpe hkap la let, nanhte gaw anhte a samnang ai ni mung, dai Madu a samnang ai ni mung, tai nga manit dai rai nna,

YAKU 1:2

Nye a hpunau ni e, nanhte a kamsham ai myit hpe dinglik yu ai hkrum yang, shakut sharang chye ai myit jat nga ai hpe, nanhte chye nga myit dai majaw,

YAKU 1:9

Grit nga ai hpunau wa gaw tinang a shagrau ai hta, sut su ai wa chyawm gaw tinang a shagrit ai hta, gumrawng nga mu ga;

YAKU 4:9

Nji nmu, sharung shayawt ai hte, hkrap ngu hkrap ngoi rai nga mu; nanhte a mani ai gaw sharung shayawt ai hte, nanhte a kabu gara ai gaw yawn du krung ai hte galai mat u ga.

1 PETRU 3:17

Dai rai nna, Karai Kasang dai hku hkraw nga a yang gaw, n kaja ai amu galaw nna nni nkri hkrum nga ai hta, kaja ai amu galaw ninglen nni nkri hkrum ai gaw, grau nna kaja nga ai.

1 PETRU 4:7

Arai yawng mayawng htum mat na aten ni magang wa ra ai. Dai re ai majaw, nanhte myit su rai nga nna, akyu hpyi na matu htauli htaula rai nga mu.

1 PETRU 5:10

Nanhte mahtang chyahkring chyahkra nni nkri hkrum ai hpang, Hkristu hta e htani htana nga ai hpung shingkang a matu, nanhte hpe shaga la da ai, chyeju hkum hkum rawng ai Karai Kasang gaw, shi hkum nan, nanhte hpe shakup shatsup na, shangang shakang na hte n-gun sharawng na marin dai.

1 SAMUELA 2:1

Shaloi Hana akyu hpyi let shakawn wu ai gaw, “Nye a myit masin Yehowa hta kabu nga li ai: Yehowa majaw nye a nrung tsaw nga li ai; Shi a hkye hkrang la ai chyeju hta kabu nngai majaw, Nye a hpyen ni a man e ngai grang lu ni ai.