1 PETRU 1:4 - Jinghpaw Hanson Version Bible

⁴ n run n hten ai, awu asin n re ai, n wai n mat ai sali wunli hpe hkam la lu na matu, shi a galu kaba ai chyeju majaw, shi anhte hpe bai shangai mi ai:

Jinghpaw Common Language Bible 2009

⁴ Dai rai nna anhte gaw shi a amyu masha ni a matu Karai Kasang kyem mazing da ai n taw n tsang re ai shaman chyeju ni hpe madu la lu na matu myit mada nga ga ai. Shi gaw n run n hten ai awu asin n re ai n wai n mat ai sali wunli ni hpe sumsing lamu e nanhte a matu kyem mazing da nu ai.

1 PETRU 1:4 ပူးပေါင်းရင်းမြစ်များ

SHAKAWN KUNGDAWN 31:19

Masha kasha ni a man e, nang hta shingbyi ai ni a matu nang galaw dan nna, Nang hpe hkrit kamyin ai ni a matu nang kyem da ai chyeju gaw, gade wa kaba nga a hka!

SHAKAWN KUNGDAWN 47:4

Shi tsawra ai Yaku a gumrawng shara, Anhte a sali wunli tai na, shi san da nu ai. [Selah.]

ESAIA 66:22

“Kaning rai nme law, ngai hpan da ai sumsing lamu ningnan hte, ginding aga ningnan gaw, nye a man e grin nga ai zawn, nanhte a aru arat hte nanhte a amying shingteng mung grin nga na ra ai,” nga nna Yehowa tsun ai.

EZEKELA 47:12

Dai hka nu hkin-gau maga mi hte maga mi de, sha mai ai hpun amyu myu tu na ra ai; de a lap mung n nyip, asi mung n wai na ra ai: dai hka nu gaw chyoi pra ai shara na lwi pru ai majaw, dai hpun ni gaw shata shagu asi ningnan si na mara ai: asi gaw sha na matu, alap gaw ana ahkya shamai shatsai na matu, tai na ra ai,” nga nna ngai hpe tsun ai.

MAHTE 25:34

Shaloi e dai Hkawhkam wa gaw shi a hkra maga de nga ai ni hpe, “Nye a Wa kaw na shaman ya lu la ai ni e, sa marit; ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu:

MARKU 10:17

Bai, lam e sa wa nga yang, marai langai mi shi kaw gat du nna, shi a man e lahput hput di let, “Mai kaja ai Sara e, n htum n wai asak sali wunli lu la hkra, ngai hpa mi galaw na rai ta?” ngu nna shi hpe san wu ai.

KASA 20:32

Ya gaw ngai nanhte hpe Karai Kasang kaw mung, shadaw shangang ya lu ai hte, shachyoi shapra lu la ai ni nlang hte rau, nanhte hpe Sali wunli jaw ya lu ai, shi a chyeju mungga hta mung, ap da masade ai.

KASA 26:18

shanhte a myi jahpaw na matu, ngai nang hpe shanhte hpang de shangun dat de ai rai nna, na a amyu a lata na mung, maigan masha ni a lata na mung, hkye hkrang la na de ai,’ nga nna ngai hpe tsun nngai.

ROMA 8:17

Kashu kasha rai nga ga yang gaw, sali wunli hkam la ai ni mung anhte rai nga ga ai; Hkristu hte rau hpung shingkang hkam la lu hkra, shi hte rau nni nkri hkrum nga ga yang gaw, Karai Kasang a sali wunli hkam la ai ni hte, Hkristu hte rum ai sali wunli hkam la ai ni, anhte rai nga ga ai.

1 KORINHTU 9:25

shingjawng poi hta hkying hkat ai ni gaw, lam shagu hta htang gam nga ma ai. Shanhte gaw hten byak chye ai janmau lu la hkra sharang ma ai; anhte chyawm gaw hten byak n chye ai janmau lu la hkra sharang ga ai.

GALATI 3:18

Kaning rai nme law, dai sali wunli gaw jep ai tara hte seng a yang gaw, ga ndat hte seng nga ai n rai; Karai Kasang chyawm gaw, dai hpe ga ndat hte Abraham hpe jaw da nu ai.

EHPESU 1:11

Rai sa, shi hta e gumhpawn da na ru ai: shing rai Hkristu hta e shawng myit mada nga ai ni anhte gaw, shi a hpung shingkang hpe shakawn kungdawn nga lu u ga,

EHPESU 1:14

Wenyi chyawm gaw, Karai Kasang a hpung shingkang shakawn kungdawn na lam a matu, shi mari da sai ni gaw htingrai htingrat ai chyeju lu la hkra, anhte a sali wunli a masat dingsat rai nga ai.

EHPESU 1:18

shi shaga la ai a jaw e myit mada shara gaw gade wa kaba nga ai mung; n taw n tsang ai hpung shingkang rawng ai shi a sali wunli gaw chyoi pra ai ni hta e gade wa kaba nga ai mung; kamsham nga ai anhte hta e shi a nachying galu kaba htum ai atsam gaw, gade wa galu kaba nga ai mung,

KOLOSE 1:12

nhtoi hta rawng nga ai chyoi pra ai ni a sali wunli a daw mi dagraw lu myit ga, nanhte hpe ging dan shangun ai Kawa kaw shakawn kungdawn na rai timung, anhte hpyi nem nga ga ai.

KOLOSE 1:5

dai myit mada ai a lam nanhte kaw du dep ai tengman ai kabu gara shiga a majaw, nanhte shawng e na yu manit dai.

KOLOSE 3:24

dai Madu a matu zawn galaw nga nna, myit masin yawng hte a shaja nga mu: dai Madu Hkristu kaw nanhte yamnga myit dai.

2 TIMOHTI 4:8

ya kaw nna, dinghpring ai tara agyi ngu ai, dai Madu gaw, dai nhtoi hta e ngai hpe ap ya na, dinghpring ai hte seng ai ja janmau gaw, nye a matu mazing da nu ai: ngai hpe sha n rai, shi a dan pru ai lam hpe sharawng awng ai ni nlang hte hpe mung, ap ya na ra ai.

HEBRE 10:34

Dai hta n-ga, bawng dung ai ni hpe mung nanhte matsan dum manit dai; nanhte a arung arai kashun kashe la ya ai hpe mung, nanhte kabu gara ai myit hte hkam mana kau nna, dai hta grau reng ai dinggrin anga nga ai arung arai nanhte lu nga ai gaw, gaja wa chye dum myit dai.

HEBRE 9:15

Dai rai nna mung, shaga la hkrum ai ni gaw, ga ndat hte seng ai htani htana sali wunli hkam la lu mu ga nga, shawng na ga shaka kata e tawt lai kau ai hpe hkrang shaw la na matu, si hkam lam byin pru sai majaw, shi gaw ga shaka ningnan a htinglu ya ai wa rai nga ai.

YAKU 1:11

Ajan gaw kahtet ai nbung hte rawt wa jang, dai tsingdu nywi mat wa ai rai nna, de a apu run hkrat wa ai hte, de a hkrang na ahpraw tsawm ai gaw hten mat wa ai: sut su ai wa mung, dai hte maren, shi a maw mamaw hta, wai mat wa na ra ai.

1 PETRU 3:9

n hkru ai a matu n hkru ai bai n tai na hte, roi rip ai a matu roi rip ai bai n tai ai sha, shaman ya na mahtang gaw, a daw nga mu; kaning rai nme law, shaman ya da sai sali wunli hpe hkam la lu myit ga, nanhte hpe shaga da manit dai.

1 PETRU 5:4

Shing rai yang gaw, dai Hpung rem agyi wa dan pru ai shaloi e, nanhte gaw n wai n mat ai a rawng sadang a janmau hpe, lu la na mu ai.

SHINGRAN 21:27

Awu asin re ai hpa mung, matsat shabat hte masu magaw lam hkan ai wa gaw, dai mare de galoi mung shang lu na n rai: Sagu Kasha a asak laika hta amying lawm ai ni chyu sha shang lu na ma ai.