1 PETRU 1:3 - Jinghpaw Hanson Version Bible

³ Anhte a Madu Yesu Hkristu a Kawa Karai Kasang gaw a nga u ga: si mat ai ni kaw na Yesu Hkristu a bai hkrung rawt wa ai a marang e, ahkrung nga ai myit mada shara hte,

Jinghpaw Common Language Bible 2009

³ Anhte gaw Madu Yesu Hkristu a Kawa Karai Kasang hpe shagrau sha-a nga ga; hpa majaw nga yang, shi a matsan dum ai myit kaba hte Yesu Hkristu hpe si mat ai kaw nna bai hkrung sharawt la ai a marang e shi anhte hpe asak sumdam ningnan bai jaw da mani ai rai nna anhte hta ahkrung nga ai myit mada shara jahpring shatsup ya mani ai.

1 PETRU 1:3 ပူးပေါင်းရင်းမြစ်များ

1 HKAWHKAM 8:15

Bai shi gaw, “Nye a amyu Israela hpe Egutu mung na shapraw ai shani kaw nna, Israela amyu ni a mare langai mi hta nye a amying shanu nga na matu nta galaw da na ngai garai n lata la timung, nye a amyu Israela ntsa e up nga na matu ngai Dawi hpe lata la se ai,

1 HKAWHKAM LABAU 29:20

Shaloi Dawi gaw, shawa hpawng ting hpe, “Nanhte a Karai Kasang Yehowa hpe ya shakawn kungdawn mu,” ngu mu yang, shawa hpawng ting gaw, shanhte a kaji kawa ni a Karai Kasang Yehowa hpe shakawn kungdawn nna, gum dagup let, Yehowa hpe mung, hkawhkam wa hpe mung, nawku mu ai.

2 HKAWHKAM LABAU 31:8

Hezekia hte agyi salang ni Yehowa hte shi a amyu Israela hpe shaman shakawn ya mu ai.

SHAKAWN KUNGDAWN 41:13

Israela a Karai Kasang Yehowa gaw, Htani htana prat dingsa e, a nga u ga law. Amen, rai sa, Amen.

SHAKAWN KUNGDAWN 86:15

Madu e, nang chyawm gaw, matsan dum chye ai, Sumnung re ai, myit galu ai, chyeju kaba hte, Sadi sahka rawng ai Karai Wa, rai nga ndai.

SHAKAWN KUNGDAWN 86:5

Madu e, nang mai kaja nga nna, mara raw kau ya ndai; Nang hpe shaga ai ni nlang hte hpe, nang chyeju kaba madun nga ndai.

PRU MAT 34:6

Yehowa gaw shi a man e lai wa let, Yehowa, Yehowa, sumnung ai myit hte chyeju hpring ai, myit galu ai hte n-gaw nwai re ai, matsan adum ai hte sadi sahka hpring ai:

ESAIA 26:19

Na a si ai masha ni bai hkrung na mara ai; nye a moi mang ni bai rawt na mara ai: ga nhpu hta shanu nga ai ni e, hprang nna mahkawn mangoi mu; kaning rai nme law, nang hta hkrat ai mari gaw, namlaw namlap hta hkrat ai mari hte bung nna, lamu ga gaw si mat ai ni hpe bai shapraw na ra ai.

YONA 4:2

Dai rai nna shi gaw Yehowa hpe, “Gaja wa Yehowa e, nye a mung e ngai naw rai nga yang, ndai ngai tsun ni ai ga, n rai ni? Nang gaw chyeju, matsan dum ai, myit galu kaba ai, n-gaw nwai myit hpring nna, n hkru ai hta na myit nem la ai Karai Kasang rai nga ndai hpe, ngai chye nngai majaw, ngai gaw Tarshi de tin tin hprawng mat wa nngai.

YAWHAN 1:13

dai ni gaw, asai hte shaprat ai ni n rai, hkum shan a myit hte mung n rai, masha a myit maw ai hku hte mung n rai, Karai Kasang e shaprat ai ni she rai ma ai.

ROMA 12:12

myit mada let kabu gara nga mu; nni nkri hkrum yang, myit hkum kaji nga mu; akyu hpyi ai hta htep lahti tut rai nga mu;

ROMA 15:13

Ya, Chyoi pra ai Wenyi a n-gun atsam hte myit mada ai lam hta nanhte gumring gumrat rai wa myit ga, myit mada npawt rai nga ai Karai Kasang gaw, kamsham ai lam hta e, chyeju hte ngwipyaw ai amyu myu nanhte hpe jahpring shatsup ya myit ga law.

ROMA 4:25

dai Madu Yesu gaw, anhte a shut hpyit ai a matu ap kau ai hkrum nna, anhte dinghpring wa lu na matu, hkrung sharawt la ai hkrum nu ai.

ROMA 5:10

Kaning rai nme law, anhte hpyen ni naw rai nga ga yang, shi a Kasha a si hkam ai a majaw, anhte Karai Kasang hte htinglu htinglai ai hkrum lu saga ai rai yang gaw, htinglu htinglai hkam la ngut jang, shi a asak sumdam hta e, anhte hkye hkrang la ai grau nna hkrum na ga ai.

ROMA 8:11

Dai hta kaga, si mat ai ni kaw na Yesu hpe hkrung sharawt la ai wa a Wenyi gaw, nanhte hta e rawng nga a yang gaw, si mat ai ni kaw na Hkristu Yesu hpe hkrung sharawt la ai wa gaw, nanhte hta e rawng nga ai shi a Wenyi a lata hte nanhte a si chye ai hkumhkrang ni hpe mung, jahkrung ya na marin dai.

ROMA 8:24

Kaning rai nme law, myit mada ai hte anhte hkye hkrang la ai hkam la saga ai; rai timung, mu lu ai arai hpe myit mada ai, ngu ai n rai nga ai; mu lu ai mahtang hpe kadai myit mada nga a ta?

1 KORINHTU 13:13

Ya chyawm gaw, makam masham, myit mada ai hte tsawra ai myit ngu ai lam masum rai nga ai, rai timung, dai hte hta grau kaba ai gaw tsawra ai myit rai nga ai.

1 KORINHTU 15:20

Ya chyawm gaw, Hkristu si mat ai ni kaw na bai hkrung rawt wa sai rai nna, yup pyaw mat ai ni hta shawng si ai asi tai wa sai.

2 KORINHTU 1:3

Matsan dum chye ai Kawa hte, shangwi shapyaw na lam amyu myu a Karai Kasang, anhte a Madu Yesu Hkristu a Karai Kasang hte Kawa gaw, a nga u ga law.

GALATI 6:16

Ndai arawn alai hkan nang ai ni yawng mayawng a ntsa e mung, Karai Kasang a Israela amyu majing a ntsa e mung, ngwipyaw ai hte matsan dum ai gaw, anga nga u ga law.

EHPESU 1:17

Anhte a Madu Yesu Hkristu a Karai Kasang ngu ai, hpung shingkang a Kawa gaw, shi hkum nan hpe chye chyang lu mu ga, hpaji byeng-ya hte shingran shapraw ai Wenyi nanhte hpe jaw ya u ga hte;

EHPESU 1:3

Anhte a Madu Yesu Hkristu a Kawa rai nga ai Karai Kasang gaw, a nga u ga law: shi gaw sumsing lamu lahta tang hta e, Wenyi hte seng ai shaman ya ai lam amyu myu hte, Hkristu hta e anhte hpe shaman ya mi ai:

EHPESU 1:7

Shi a n taw n tsang ai chyeju a majaw mung, tsawra htum ai Kasha a asai hta nan, htingrai htingrat na lam hte, yubak hpe raw dat kau na akyu, anhte lu la sagaw ai:

EHPESU 2:4

Shing rai, tawt lai ai bungli a jaw e, anhte chyasi rai nga ga timung, nachying matsan dum chye ai Karai Kasang gaw, shi a tsawra ai myit kaba a marang e anhte hpe tsawra nna,

EHPESU 3:20

Ya, anhte hta e shachyen nga ai n-gun atsam hte maren, anhte hpyi mahpyi hte myit mang lu ai mahkra hta grau nna shabyin lu ai wa kaw,

KOLOSE 1:23

shi a si hkam ai a marang e, shi a hkumhkrang na ashan hta e shi ya e nanhte hpe htinglu htinglai ya manit dai: dai kabu gara shiga a gun hpai ai wa ngai Pawlu nan tai wa ni ai.

KOLOSE 1:27

Dai sung htum ai lam chyawm gaw, shi a chyoi pra ai ni hpe ya e shadan dan nu ai; ndai sung htum ai lam a hpung shingkang ngu ai sutgan gaw, maigan masha ni hta hpa rai nga ai gaw, shanhte hpe shadan dan u ga, Karai Kasang gaw ra nga ai: dai gaw, Hkristu gaw nanhte hta e nga ai hpe, hpung shingkang myit mada ai lam ngu ai, rai nga ai.

1 HTESALONI 1:3

anhte a Kawa Karai Kasang a man e, nanhte a makam masham a bungli mung, tsawra ai myit majaw magam shachyen ai mung, anhte a Madu Yesu Hkristu a myit mada ai lam a shakut sharang ai hpe mung, anhte n sim n sa adum nga ga ai.

1 HTESALONI 4:13

Dai hta kaga, hpunau ni e, myit mada ai lam n lu ai masha ni zawn nanhte yawn hkyen n hkrum myit ga, yup pyaw nga ai ni a lam nanhte n chye ai nga na, anhte n ra ga ai.

2 HTESALONI 2:16

Ya, anhte hpe tsawra nga nna, chyeju a jaw e anhte hpe htani htana shangwi shapyaw ai hte, mai kaja ai myit mada shara jaw ai, anhte a Wa Karai Kasang hte anhte a Madu Yesu Hkristu nan,

1 TIMOHTI 1:14

Hkristu Yesu hte seng ai makam masham hte tsawra ai hte hpawn, anhte a Madu a chyeju gaw ladat hta lai hkra law htam wa sai.

TITU 2:13

anhte hpe sharin ya na matu, Karai Kasang a chyeju gaw dan pru wa sai rai nna, masha yawng hpe hkye hkrang la ai lam hpaw wa sai:

HEBRE 3:6

anhte mung, anhte a nden ja ai lam hte myit mada ai lam a gumrawng shara hpe, jahtum nhtoi du hkra ngang ngang manat nga ga yang gaw, dai nta nan rai nga ga ai.

YAKU 1:18

Shi hpan tawn da ai amyu baw ni hta e, anhte alat amyu zawn tai wa u ga, shi myit ra ai hku hkan let dai dingman ai mungga hte shi anhte hpe shaprat dat mi ai.

1 PETRU 1:13

Dai re ai majaw, nanhte a myit kraw lawang a nshang hta shingkyit kyit nna, htauli htaula hta grin nga let, Yesu Hkristu dan pru wa ai shaloi e, nanhte hpang de la sa na ra ai chyeju hpe, myit mada nga mu.

1 PETRU 1:21

shi a marang e kamsham ai ni, nanhte a matu mara, ndai hpang jahtum ai aten e dan hkung pru wa sai: shing rai, nanhte a makam masham hte myit mada shara gaw, Karai Kasang hta jung nga na ra ai.

1 PETRU 1:23

nanhte gaw hten mat chye ai nli hta na n rai, hten mat n chye ai, Karai Kasang ahkrung nga ai hte anga nga ai mungga nli hta, bai shangai wa lu manit dai.

1 PETRU 2:2

n hkru n hkra, hkalem hkalau, sawt masawt, manawn masham hte nsu nnawn ai baw law ai ga nlang hte hpe kau da nhtawm,

1 PETRU 3:15

dai Madu hpe madu a shatai nga na matu, nanhte a myit masin hta e Hkristu hpe san da nga mu: nanhte hta rawng ai myit mada nga ai lam, kadai rai timung nanhte hpe ga san dam ma yang gaw, ga lachyum tsun dan lu na matu, tut e ajin nga mu; rai timung, dai hpe sumnung ai hte hkrit kamyin ai myit hte, a galaw nga mu:

1 PETRU 3:21

Dai hka hta na zawn, ya e baptisma ngu ai kumla gaw, nanhte hpe hkye hkrang la lu nga ai; dai gaw, hkum shan hta e kap ai matsat shabat hpe sharun kau na lam n rai; Yesu Hkristu a bai hkrung rawt wa ai a marang e, Karai Kasang a man e san seng ai myit nsam tam san ai lam rai nga ai.

1 PETRU 3:5

moi shawng na Karai Kasang hpe myit mada nga ai, chyoi pra ai num ni mung, tinang a hkum hpe shing rai jahtap mu ai rai nna;

1 YAWHAN 2:29

Shi gaw dinghpring nga ai hpe nanhte dum nga myit yang gaw, dinghpring ai amu galaw ai wa kadai rai timung, shi e shangai dat ai wa rai nga ai, nanhte chye nga myit dai.

1 YAWHAN 3:3

Shi hta e, dai zawn myit mada lu ai masha gaw, shi hkum nan chyoi pra nga ai hte maren, tinang hkum hpe mung shachyoi shapra nga ai.

1 YAWHAN 3:9

Karai Kasang kaw nna shangai ai wa gaw, yubak n galaw ai: kaning rai nme law, shi a nli gaw shi hta rawng nga ai rai nna, Karai Kasang kaw nna shangai wa sai majaw, shi yubak galaw lu ai nrai.

1 YAWHAN 4:7

Tsawra ai ni e, anhte shada da tsawra nga ga: tsawra ai myit gaw, Karai Kasang kaw na rai nga ai rai nna, tsawra ai myit rawng ai wa kadai rai timung, Karai Kasang kaw na shangai wa sai hte, Karai Kasang hpe chye chyang nga ai.

1 YAWHAN 5:1

Yesu gaw Hkristu nan rai nga ai, nga nna kamsham ai wa kadai rai timung, Karai Kasang kaw na shaprat ai wa tai nga ai rai nna, dai shaprat ai wa hpe tsawra ai wa kadai rai timung, shi kaw na shaprat hkrum ai wa hpe mung tsawra wu ai.

1 YAWHAN 5:18

Karai Kasang kaw na shaprat ai wa kadai rai timung, yubak n galaw ga ai, anhte chye ga ai; Karai Kasang kaw na shaprat ai wa gaw, shi hkum hpe hkang lu ai hte, dai n hkru ai wa gaw, shi hpe n kahtep lu ai.

1 YAWHAN 5:4

Karai Kasang kaw nna shaprat ai wa kadai rai timung, dai mungkan ga hpe dang kau nu ai: padang lam chyawm gaw, anhte a makam masham rai nga mali ai.