1 PETRU 1:2 - Jinghpaw Hanson Version Bible

² Puntu, Galati, Kapadoki, Asi hte Behtuni mung hkan e bra mat ai ni hte rau, lata la ai shingbyi nga ai ni hpe, ga shana dat nngai: chyeju hte ngwipyaw ai gaw nanhte hta law htam wa malit ga law.

Jinghpaw Common Language Bible 2009

² Shi a Wenyi hta chyoi pra ai amyu masha shatai la nna, Yesu Hkristu a ga madat mara na hte shi a sai hte shachyoi shapra la na matu Kawa Karai Kasang a moi kaw nna shatawng shada da sai hte maren nanhte hpe lata la manit dai. Chyeju hte ngwi pyaw ai gaw nanhte hta hpring tsup nga malit ga law.

1 PETRU 1:2 ပူးပေါင်းရင်းမြစ်များ

ESAIA 55:7

tara n lang ai wa gaw shi a lam hpe, n hkru ai wa gaw shi a myit mang ai hku kau da nna, Yehowa hpang de kayin wa u ga; shing rai yang shi gaw dai wa hpe matsan dum na ra ai; anhte a Karai Kasang hpang de mung kayin wa u ga; shi gaw yubak hpe htum hkra raw dat kau ya na ra ai.

ESAIA 65:22

Shanhte nta galaw nna, masha kaga rawng na, n rai; shanhte tsabyi sun hkai nna, masha kaga sha lu na, n rai; nye a amyu masha ni a asak gaw, hpun a asak zawn rai wa nna, ngai lata la ai amyu gaw, tinang lata amu a akyu, na na wa hkam la na mara ai.

ESAIA 65:9

Ngai gaw Yaku a dap hta na nli, Yuda a dap hta na, nye a bum ni hpe sali hkam la ai wa hpe, shapraw na nngai; ngai lata la ai wa, dai hpe madu lu nna, nye a shangun ma ni dai hta e shanu nga na mara ai.

Daniela 4:1

Ngai hkawhkam Nebuhkadneza gaw, ga ntsa ting hta shanu nga ai amyu baw ni hte, ga amyu myu tsun ai masha amyu ni hpe, htet shana dat nngai: Nanhte hta ngwipyaw ai gaw law htam wa u ga law.

Daniela 6:25

Dai hpang Dari hkawhkam gaw, ga ntsa ting hta e shanu nga ai amyu baw ni hte, ga amyu myu tsun ai masha yawng hte hpe laika ka nna, “Nanhte hta ngwipyaw ai gaw, law htam wa u ga law:

JAW JAU 1:5

Dai usu hpe Yehowa a man e shi sat na rai nna, Arun a shadang sha hkinjawng ni gaw, de a sai la nawng nhtawm shawa sum chyinghka a man na tawn hkungri ntsa grup e lapri na rai mu ai.

MAHTE 24:22

Dai nhtoi ni hpe n shagying kau yang gaw, gade a hkum shan mung n lawt lu na ra ai; rai timung, lata la ai ni a matu mara, dai nhtoi ni gaw gying wa na ra ai.

MAHTE 24:24

Kaning rai nme law, masu ai Hkristu hte rai timung, masu ai myihtoi hte rai timung paw pru nna, lata la sai ni hpe pyi shadam lu yang, shadam kau lu hkra lamik kumla hte mauhpa amu kaba madun dan na ra ai.

MAHTE 24:31

Shi a lamu kasa ni hpe, pahtau kaba hte shi shangun dat nna, shanhte gaw nbung mali maga na, lamu htum ai de nna lamu htum ai du hkra, shi a lata la sai ni hpe jahpawng la na maru ai.

MARKU 13:20

Dai nhtoi ni hpe, dai Madu n shagying kau yang gaw, gade a hkum shan mung, n lawt lu na ra ai; rai timung, shi lata la nu ai lata la ai ni a matu mara, dai nhtoi ni hpe shagying da nu ai.

MARKU 13:22

Kaning rai nme law, masu ai Hkristu hte rai timung, masu ai myihtoi hte rai timung, paw pru nna, lata la ai ni hpe shadam lu yang, shadam lu hkra, lamik kumla hte mauhpa amu shachyen na mara ai.

MARKU 13:27

Dai shaloi e, lamu kasa ni hpe shi shangun dat nna, nbung mali maga na, aga htum ai de nna lamu htum ai kaw du hkra, shi a lata la ai ni hpe jahpawng la na maru ai.

LUKA 18:7

Karai Kasang gaw matsan dum lama nga ai rai nna, shi hpe shani shana hpyi jahtau nga ai, shi a lata la ai ni a hpang maga de, tara n dara ya ai, nga na wu ni?

KASA 15:18

Ndai lam hpe chyi nma kaw nna shachye shachyang ai Madu tsun nga ai,” nga ai.

KASA 2:23

ndai wa gaw, Karai Kasang shatawng ngut tawn sai hpaji hte, tau chye tau chyang ai lam hku ap kau hkrum wu yang, nanhte gaw, n tara ai masha a lata hte, shi hpe wudang hta jen sat kau myit dai:

KASA 20:32

Ya gaw ngai nanhte hpe Karai Kasang kaw mung, shadaw shangang ya lu ai hte, shachyoi shapra lu la ai ni nlang hte rau, nanhte hpe Sali wunli jaw ya lu ai, shi a chyeju mungga hta mung, ap da masade ai.

ROMA 1:5

shi mying ningsang a marang e, amyu baw shagu dai kamsham ai lam hpe madat mara mu ga she, shi kaw nna chyeju hte kasa aya hpe anhte hkam la lu sagaw ai:

ROMA 1:7

Anhte a Wa Karai Kasang hte, Madu Yesu Hkristu kaw na, chyeju hte ngwipyaw ai gaw, nanhte hta e anga nga malit ga law.

ROMA 11:2

Karai Kasang gaw shawng nna chye tawn da sai, shi a amyu hpe kau da nu ai n rai. Dai hta kaga, Elia gaw Karai Kasang a man e Israela masha ni hpe mara madi nna,

ROMA 11:28

Shaloi, dai kabu gara shiga a lam yu yang, nanhte a matu mara, shanhte hpyen ni tai wa masai; rai timung, lata la ai lam hpe yu yang, ji wa ni a gawp e, shanhte tsawra hkrum ai ni rai nga ma ai.

ROMA 15:16

Karai Kasang e ngai hpe jaw da ai chyeju majaw, nanhte hpe bai shadum jahprang na zawn, ngai nanhte hpe nden ja ai myit hte kau chyen ka dat made ai.

ROMA 16:19

Nanhte a madat mara ai myit chyawm gaw masha nlang kaw chyam wa sai: dai re ai majaw nanhte a matu ngai kabu gara nga nngai; rai timung, nanhte gaw mai kaja lam hta hpaji byeng-ya, n kaja lam hta san seng ai myit rawng nga myit ga, ngai naw ra nga nngai.

ROMA 16:26

ya e shadan dat ai sung ai shingran ga hku hkan let, nye a kabu gara shiga hte, Yesu Hkristu a lam hkaw dan ai ga hte maren, nanhte hpe shadaw shangang ya lu ai,

ROMA 8:13

kaning rai nme law, hkum shan hte seng ai asak sha hkrung nga myit yang gaw, nanhte si na rai nga myit dai; rai timung, Wenyi hte hkumhkrang a arawn alai ni hpe nanhte sat kau myit yang gaw, nanhte hkrung nga na marin dai.

ROMA 8:33

Karai Kasang a lata la ai ni hpe kadai wa mi mara shagun lu na a ta? Karai Kasang gaw dinghpring shangun ai wa rai nga ai.

1 KORINHTU 1:30

Shi a jaw e Hkristu Yesu hta e nanhte rai la nga myit dai: shi gaw, anhte a matu mara, Karai Kasang kaw na, hpaji byeng-ya lam, dinghpring ai lam, shachyoi shapra ai lam hte htingrai htingrat ai lam, tai wa sai.

1 KORINHTU 6:11

Nanhte nkau mi gaw shing rai chyalu ni rai nga myit dai: rai timung, nanhte gaw anhte a Madu Yesu Hkristu a mying ningsang hte, anhte a Karai Kasang a Wenyi e kashin kamun kau ai mung, shachyoi shapra ai mung, dinghpring ngu ai mung, hkam la manit dai.

2 KORINHTU 10:5

masha a myit mang ai hku hte, Karai Kasang a chye chyang ai lam hpe hkum da mayu ai tsaw matsaw hte hpe, anhte sharun shabya lu ai hte, Hkristu a ga madat mara na lam a npu e myit mang shagu hpe sharen da mu ai;

TARA JAHPRANG 7:6

Kaning rai nme law, nang gaw na a Karai Kasang Yehowa a matu chyoi pra ai amyu rai nga ndai: na a Karai Kasang Yehowa madu ging ai amyu shatai na nga, ga ntsa ting na masha amyu ni hta na, shi nang hpe lata la nit dai.

KOLOSE 3:12

Dai re ai majaw, Karai Kasang a lata la ai ni hte, chyoi pra nna tsawra hkrum ai ni zawn, matsan dum ai, sumnung ai, mai kaja ai, myit nem ai, myit gyip ai hte myit galu kaba ai dagraw nga nna,

2 HTESALONI 2:13

Rai timung, dai Madu e tsawra nga ai hpunau ni e, nanhte a lam Karai Kasang hpe tutnawng e shakawn kungdawn na anhte ra nga ga ai: kaning rai nme law, Wenyi a shachyoi shapra na hte, tengman ai ga hpe kamsham na hta, hkye hkrang la ai hkrum na matu, Karai Kasang gaw shawng npawt kaw nna nanhte hpe lata la manit dai.

2 TIMOHTI 2:10

Dai re ai majaw, lata la hkrum ai ni mung, Hkristu Yesu hta na hkye hkrang la ai chyeju hte nawng, htani htana a hpung shingkang hpe hkam la lu mu ga, dai ni a matu mara hkrum mahkrum ngai hkam sharang nga nngai.

TITU 1:1

Karai Kasang a lata la ai ni a makam masham hte, tara hkungga lam hte seng ai, tengman ai ga a chye chyang ai hku hte maren, htani htana asak lu la na myit mada shara chye lu hkra,

HEBRE 10:22

n hkru n hkra ai myit dum chyalu hte lawt hkra, anhte a kraw lawang hpe lapri bun nna, anhte a hkumhkrang hpe mung san seng ai ntsin hte kashin kamun kau ngut jang, tengman ai myit masin hte, hkum tsup re ai makam masham hte, anhte sit shang wa ga:

HEBRE 11:28

Kasha alat ni hpe sat kau ai wa, Israela masha ni hpe n hkra u ga, shi kamsham ai hte dai Shalai wa ai poi hte asai lapri bun ai lam, galaw hpang wu ai.

HEBRE 12:24

ga shaka ningnan a htinglu wa Yesu hpang de mung, Abela asai hta grau kaja ai lam chye tsun ai lapri bun ai asai hpang de mung, du manit dai.

HEBRE 5:9

dai hte hkum tsup wa lu ngut jang, shi gaw, shi a ga madat mara ai ni yawng mayawng a matu, htani htana hkye hkrang la ai a npawt tai wa ai hte,

1 PETRU 1:14

Nanhte mung madat mara ai ma zawn rai nga let, nanhte garai n chye ai aten na shawng na myit marin kau ai hte hpe ya n hkan dagraw ai sha;

1 PETRU 1:19

ana n kap ai, ra n rawng ai Hkristu ngu ai sagu kasha a hpu la ai asai hte sha, galai hkrang la lu na myit dai;

1 PETRU 1:20

ginding aga garai n lat kaw nna, shi hpe chye tau wu timung, si ai ni kaw na shi hpe hkrung sharawt la wu ai hte, shi hpe hpung shingkang jaw ai Karai Kasang hpe,

1 PETRU 1:22

Dai dingman ai ga hpe madat mara nga let, nanhte kahpu kanau ni hpe gaja wa teng teng, tsawra lu ai du hkra, nanhte a myit masin hpe san seng kau lu myit dai majaw, nanhte a myit ting hte shada da tsawra nga mu;

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

2 PETRU 1:2

Karai Kasang hte anhte a Madu Yesu hpe chye chyang ai lam hta, chyeju hte ngwipyaw ai gaw, nanhte hta e law htam wa malit ga law.

2 YAWHAN 1:1

Ndai salang, ngai gaw, tengman ai lam hta e ngai tsawra nga ai, lata la ai majan hte shi a kashu kasha ni hpe, ga shana dat nngai; ngai chyu sha tsawra nga mawe ai n rai, anhte hta e anga nga ai rai nna,

2 YAWHAN 1:13

Na a lata la ai, ning na a kashu kasha ni gaw, nang hpe shakram dat ma ai law.

YUDA 1:2

matsan dum ai, ngwipyaw ai hte tsawra ai gaw, nanhte kaw e law htam wa malit ga law.