1 PETRU 1:18 - Jinghpaw Hanson Version Bible

¹⁸ Kaning rai nme law, ji wa ni kaw nna hkan dagraw nga ai nanhte a n se ai arawn alai hta na, hten mat chye ai aja gumhpraw hte nanhte hpe galai hkrang la lu na n rai;

Jinghpaw Common Language Bible 2009

¹⁸ Nanhte a kaji kawa ni kaw na hkan dagraw la ai manu n rawng ai asak hkrung lam a arawn asam hta na nanhte hpe hpa baw hte galai hkrang la sai lam nanhte chye nga myit dai. Dai gaw jahten sharun kau lu ai ja gumhpraw zawn re ai arai lama ma hte n rai,

1 PETRU 1:18 ပူးပေါင်းရင်းမြစ်များ

SHAKAWN KUNGDAWN 39:6

Gaja wa, masha wa gaw shingnip zawn hkawm nga ai, Nbung a matu sha, shanhte tsang nga ma ai: Shi mahkawng da nga timung, Kadai lu la na ru ai gaw n chye wu ai.

SHAKAWN KUNGDAWN 62:10

Kashun kashe ai hpe hkum machyu myit, Shanyen la lu ai majaw myit hkum gumrawng myit. Sut su yang dai hta myit hkum noi myit.

ESAIA 44:22

Ngai gaw na a tara tawt lai ai hpe htat ai sumwi zawn, na a yubak mara hpe saiwan zawn, jahkoi kau we ai: ngai hpang de wa rit; ngai nang hpe mawai la ni ai.

ESAIA 52:3

Kaning rai nme law, Yehowa ning nga ai: “Nanhte gaw jahpu n hpyi ai, dut kau hkrum ai rai nna, gumhpraw n hkrat ai, hkye hkrang la ai hkrum na marin dai.”

YEREMIA 16:19

Nye a n-gun atsam, nye a hpyen dap, ru tsang ai shani e nye a shingbyi shara Yehowa e, lamu ga htum ai de na masha amyu ni nang hpang de du nna, Anhte a ji wa ni gaw, masu ai hte kaman lila, lam n la ai sali wunli hkrai hkam la masai, nga nna tsun na mara ai.

YEREMIA 4:11

Dai aten hta e, ndai amyu masha ni hte Yerusalem mare na ni hpe lakap nna tsun ai gaw: Zaibru jang na krin ai kawng ni kaw nna, nye amyu shayi sha hpang de, kahtet ai nbung bung wa na ra ai; dai gaw nbun shapoi na hte san seng na matu wa ai nbung n rai:

YEREMIA 44:17

Anhte hte anhte a ji wa ni, anhte a hkawhkam ni hte du salang ni gaw, Yuda mare ni hte Yerusalem mare lam ni hta, galaw yu sai hte maren, sumsing lamu hkawhkam jan a matu, manam pyaw ai baw nat nawng na hte dumhpung hkungga ru jaw na ga ai, nga nna tawn da ai ga ndat yawng hpe anhte shadik na ga ai: kaning rai nme law, dai shaloi e anhte hkru kat lu nna, ngamu ngamai nga ai hte ruyak n hkrum ga ai.

YEREMIA 9:14

tinang a je hpre ai myit masin hte maren, kaji kawa ni shanhte hpe nawku shangun ai Bala hpara ni hpe daw jau ma ai majaw,

EZEKELA 20:18

“Bai nam mali hkan e shanhte a kashu kasha ni hpe, Nanhte a nji nwa ni a matsun maroi ga hpe hkum hkan myit; shanhte a hpara ni hte awu asin hkum rai myit:

AMO LAIKA (AMOS) 2:4

Yehowa ning nga ai: Yuda a yubak masum hta n-ga, yubak mali majaw, ngai ari n jaw ai, nga na n rai: kaning rai nme law, shanhte gaw Yehowa a tara hpe kau da nna, shi a matsun maroi ga hpe, hkan nang ma ai, n rai; shanhte a kaji kawa ni hkan nang yu ai masu ga gaw, shanhte hpe mung shut kau shangun mu ai:

BU HKAWM 7:15

wan nat hkungga matu usu uram langai mi, sagu la langai mi, ladu hkrum ai sagu la kasha langai mi:

MARKU 8:37

masha gaw hpa gawng malai hkungga hte wa, tinang a asak hpe raw la lu na a ta?

ROMA 1:21

Shanhte Karai Kasang hpe chye chyang ninglen, Karai Kasang hpe shagrau sha-a ang ai hte maren, n shagrau n sha-a ma ai hte, shakawn kungdawn mung n rai ma ai; shanhte a myit mang ai lam gaw, kaman lila sha rai mat malu ai rai nna, shanhte a n gring ai myit gaw, sin mak mat malu ai.

1 KORINHTU 3:20

bai, Hpaji rawng ai ni a myit ai lam kaman lila rai nga ai gaw, dai Madu chye ya nga ai, nga nna ka da nga ai.

1 KORINHTU 6:20

nanhte jahpu manu daw nna mari da sai ni rai nga myit dai: dai re ai majaw, nanhte a hkumhkrang hte Karai Kasang hpe shagrau sha-a nga mu law.

1 KORINHTU 7:23

Jahpu manu daw nna mari da sai ni nanhte rai nga myit dai: masha a mayam hkum tai myit.

GALATI 1:4

Dai Madu gaw, anhte a Kawa Karai Kasang a myit ra ai hte maren, ya e rai nga ai n hkru ai mungkan ga na anhte hpe mawai la u ga, anhte a yubak a matu mara shi hkum hpe nan ap kau ya wu ai.

EHPESU 4:17

Dai rai nna, dai Madu a ahkang hte ndai lam ngai tsun nna sakse hkam nngai: maigan masha ni gaw tinang a kaman lila myit hte hkawm nga ma ai hte maren, nanhte gaw naw hkum hkawm nga myit:

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

HEBRE 9:12

bainam hte dumsu kasha a asai hte n rai, shi hkum nan a asai hte, dai chyoi pra ai shara kata de, lang lata sha shang nna, htani htana hkrang shaw la ai lam lu la nu ai.

1 PETRU 1:7

ya chyahkring chyahkra e gunglau amyu myu hte nanhte yawn hkyen hkrum nga myit timung, dai hkye hkrang la ai lam a gawp e, nanhte grai kabu gara nga lu myit dai.

1 PETRU 4:3

Kaning rai nme law, tara maigan ni a bawng hkut ai lam hpe shadik lawm nna, myit mak ai, ngang kayut ai, tsabyi lu lai ai, tangpyaw shalai ai, lusha marin ai hte arawng n nga ai sumla nawku na lam hta hkawm sa ai gaw, ya lai wa ai aprat hte ram la sai.

1 YAWHAN 3:5

Shi gaw yubak hpe la kau na matu dan pru nga ai hpe, nanhte chye myit dai: shi hta e mung yubak n rawng nga ai.