1 PETRU 1:13 - Jinghpaw Hanson Version Bible

¹³ Dai re ai majaw, nanhte a myit kraw lawang a nshang hta shingkyit kyit nna, htauli htaula hta grin nga let, Yesu Hkristu dan pru wa ai shaloi e, nanhte hpang de la sa na ra ai chyeju hpe, myit mada nga mu.

Jinghpaw Common Language Bible 2009

¹³ Dai re ai majaw, nanhte amu galaw shamu shamawt sa wa na matu nanhte a myit masin ni hpe shajin da mu. Yesu Hkristu dan pru ai shaloi e nanhte hpe jaw ya na ra ai chyeju hpe ung ang ai myit n rawng ai sha amaja nga let tsep kawp myit mada ala nga mu.

1 PETRU 1:13 ပူးပေါင်းရင်းမြစ်များ

1 HKAWHKAM 18:46

Yehowa a lata gaw Elia hta rai nga nna, shi shingkyit kyit nhtawm, Yezrela mare chyinghka lam de Ahab a shawng e gat du wu ai.

2 HKAWHKAM 4:29

Shaloi Elisha gaw Gehazi hpe, “Shingkyit kyit u, nye a dawhkrawng lang nna sa wa su: langai ngai hte hkrum yang, hkum shachyen et, nang hpe shachyen yang hkum htan et; nye a dawhkrawng hpe ma a myi man ntsa e mara da u,” ngu dat wu ai.

YOBA 38:3

Share wa zawn na nshang shingkyit kyit u; ngai san de ga, nang htan ya e.

YOBA 40:7

“share wa zawn na nshang shingkyit kyit u; ngai san de ga, nang htan ya e.

PRU MAT 12:11

Dai hpe nanhte ning rai sha na rai myit dai; nshang e shingkyit kyit, lagaw hta kyepdin din, dawhkrawng lang rai nna, alawan wan sha na rai myit dai: dai gaw Yehowa a shalai dat ai poi rai nga ai.

ESAIA 11:5

Dinghpring ai gaw shi nshang a shingkyit, kangka re ai gaw shi hkumhkrang a shingkyit, rai nga ai.

YEREMIA 1:17

Dai re ai majaw nang gaw, shingkyit kyit nna rawt u; ngai nang hpe hkang da mada, shanhte hpe tsun dan mu: shanhte a man e ngai nang hpe n jahkrit shama kau u ga, shanhte hpe hkum hkrit et.

MAHTE 20:4

Nanhte mung dai sun de sa wa ma su; ging ram ai hte maren ngai nanhte hpe jaw na made ai, ngu nna shanhte hpe tsun mu ai. Shaloi shanhte sa wa ma ai.

LUKA 12:35

“Nanhte gaw nshang e shingkyit kyit nna, pyengdin shatu let,

LUKA 17:30

dai Masha Kasha a dan pru ai nhtoi hta mung, dai hte maren rai na ra ai.

LUKA 17:8

Dai mayam hpe mahtang, ‘Ngai sha na shana shat hpajang u; ngai lu sha ngut hkra nshang shingkyit kyit nna, ngai hpe galaw jaw e; dai ngut jang she nang lu sha lu na ndai,’ ngu na wu ai, n rai ni?

ROMA 13:13

Tangpyaw shalai ai hte chyaru nang ai, shawa num gaswi ai hte ngang kayut ai, ga law ga la ai hte manawn masham ai hpe n hkan tam ai sha, shani chyingtung na shingdi ai zawn anhte a hkawm nga ga.

ROMA 8:19

Nga yawng nga pra mung myit ndawt ai hte, Karai Kasang a kashu kasha ni a paw pru na ra ai hpe ala nga ma ai.

1 KORINHTU 1:7

shing rai, anhte a Madu Yesu Hkristu a paw pru na lam ala let nga nga yang, hpa chyeju kumhpa mung nanhte n kadawn nga myit dai;

1 KORINHTU 13:13

Ya chyawm gaw, makam masham, myit mada ai hte tsawra ai myit ngu ai lam masum rai nga ai, rai timung, dai hte hta grau kaba ai gaw tsawra ai myit rai nga ai.

EHPESU 6:14

Dai rai nna, nanhte a nshang hpe tengman ai hte kyit nna, dinghpring ngu ai sinda magap hpe dagap nhtawm,

KOLOSE 3:4

Anhte a asak ngu ai Hkristu gaw dan pru wa ai shaloi e, anhte mung shi hte rau hpung shingkang hta dan pru na ra ga ai.

2 HTESALONI 1:7

Karai Kasang hpe n chye n chyang ai ni hte, anhte a Madu Yesu Hkristu a kabu gara shiga n madat mara ni hpe matai dawp na shaloi e,

2 TIMOHTI 4:5

Nang chyawm gaw, lam shagu hta htauli htaula nga u; nni nkri hkam sharang nga u; kabu gara shiga hkaw dan ai sara a amu gun hpai nga u; na a sara aya a amu hpe hkum tsup hkra shatup u.

2 TIMOHTI 4:8

ya kaw nna, dinghpring ai tara agyi ngu ai, dai Madu gaw, dai nhtoi hta e ngai hpe ap ya na, dinghpring ai hte seng ai ja janmau gaw, nye a matu mazing da nu ai: ngai hpe sha n rai, shi a dan pru ai lam hpe sharawng awng ai ni nlang hte hpe mung, ap ya na ra ai.

HEBRE 10:35

Dai re ai majaw, shabrai kaba hte hpu ging ai nanhte a nden ja ai myit hpe, hkum kau hkum tat myit.

HEBRE 3:6

anhte mung, anhte a nden ja ai lam hte myit mada ai lam a gumrawng shara hpe, jahtum nhtoi du hkra ngang ngang manat nga ga yang gaw, dai nta nan rai nga ga ai.

HEBRE 6:19

Dai myit mada shara chyawm gaw, anhte a myit masin a matu hpri chyinghkyi tai nga ai rai nna, dai gaw ngang mung ngang, grin mung grin rai nga ai hte, nba grang a nhku maga de nga ai chyeju du hkra shang manoi nga ai;

HEBRE 9:28

Hkristu mung, law law ni a yubak gun hpai kau na, lang mi sha nawng ya kau hkrum sai rai nna, hkye hkrang la ai hkrum lu hkra, shi hpe ala nga ai ni a matu, yubak gun lam hte n seng ai sha, lahkawng lang ngu na hta, dan pru na ra ai.

1 PETRU 1:10

Dai nanhte kaw dep lu ai akyu ara lam hpe, myihtoi ga htawn tsun ai myihtoi ni mung, dai hkye hkrang la ai lam hpe azin ayang tam nna sawk yu manu ai:

1 PETRU 3:15

dai Madu hpe madu a shatai nga na matu, nanhte a myit masin hta e Hkristu hpe san da nga mu: nanhte hta rawng ai myit mada nga ai lam, kadai rai timung nanhte hpe ga san dam ma yang gaw, ga lachyum tsun dan lu na matu, tut e ajin nga mu; rai timung, dai hpe sumnung ai hte hkrit kamyin ai myit hte, a galaw nga mu:

1 PETRU 4:7

Arai yawng mayawng htum mat na aten ni magang wa ra ai. Dai re ai majaw, nanhte myit su rai nga nna, akyu hpyi na matu htauli htaula rai nga mu.

1 PETRU 5:12

Shing rai, dai lam gaw, Karai Kasang a chyeju lam teng teng rai nga ai hpe, shadum jahprang nna sakse hkam ya na matu, ngai nawn nga nngai hte maren, sadi sahka re ai Silwanu ngu ai hpunau a lata hte, ndai ga gadun ngai nanhte hpe ka ya dat nngai: ndai chyeju hta e mung nanhte anga nga myit dai.

1 PETRU 5:8

Nanhte htauli htaula rai nga mu; a maja nga mu; nanhte a gumlau wa ngu ai, Nat gaw, kadai wa hpe mahtang mayu kau lu na, nga nna shabam ai hkanghkyi zawn, ningwan kahkrang hkawm nga ai.

1 YAWHAN 3:3

Shi hta e, dai zawn myit mada lu ai masha gaw, shi hkum nan chyoi pra nga ai hte maren, tinang hkum hpe mung shachyoi shapra nga ai.