1 PETRU 1:10 - Jinghpaw Hanson Version Bible

¹⁰ Dai nanhte kaw dep lu ai akyu ara lam hpe, myihtoi ga htawn tsun ai myihtoi ni mung, dai hkye hkrang la ai lam hpe azin ayang tam nna sawk yu manu ai:

Jinghpaw Common Language Bible 2009

¹⁰ Ndai hkye hkrang la ai lam hte seng nna myihtoi ni gaw akri akrai sawk tam jep yu nhtawm, Karai Kasang nanhte hpe jaw na rai nga ai dai chyeju kumhpa a lam shanhte myihtoi htoi htawn tsun ma ai.

1 PETRU 1:10 ပူးပေါင်းရင်းမြစ်များ

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

GA SHAGAWP 2:4

Dai hpe gumhpraw zawn tam nga nna, Makoi da ai sut rai hpe zawn, sawk yu yang,

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

Daniela 9:3

Dai rai nna ngai gaw, lusha gam nna, lachyit nba bu hpun ai hte, wan dap galu let, Madu Karai Kasang hpe akyu hpyi nna, tawngban ai hte tam nngai.

HAGI 2:7

maigan amyu ni mahkra hpe mung, ngai ashun na nngai; maigan amyu ni mahkra a hpu htum ai baw sa du nna, ngai gaw ndai Nta hpe hpung shingkang hte jahpring na nngai, nga nna Zaw nawng zaw wa up ai Yehowa tsun ai.

ZEHKARIA 6:12

bai shi hpe ning ngu tsun u, ‘Zaw nawng zaw wa up ai Yehowa ning nga ai, Makrung mying ai wa hpe, mada yu u; shi gaw tinang a shara hta tu kaba wa nna, Yehowa a nawku Htingnu hpe, gaw da na ra ai:

MAHTE 13:17

Nanhte hpe ngai teng teng tsun made ga, nanhte mu lu ai arai ni hpe myihtoi hte dinghpring ai masha law law wa, mu mayu timung, n mu ma ai; nanhte na lu ai lam ni hpe mung, na mayu timung, n na lu ma ai.

MAHTE 26:24

ka da nga ai hte maren, dai Masha Kasha gaw sa wa na ra ai; rai timung, dai Masha Kasha hpe ap kau ai wa gaw dingnye lu na ra ai! dai masha n shangai taw gaw, shi a matu grau kaja nga ai, ngu wu ai.

LUKA 10:24

Kaning rai nme law, ngai nanhte hpe tsun made ga, nanhte mu lu ai lam ni hpe myihtoi hte hkawhkam law law wa mu mayu ma timung, n mu lu ma ai; nanhte na lu ai lam ni hpe na mayu ma timung, n na lu ma ai, ngu mu ai.

LUKA 24:44

Shaloi shi gaw, “Mawshe a tara hta mung, myihtoi ni a laika hta mung, Shakawn Kungdawn laika ni hta mung, ngai hpe sha-ang nna ka da mada yawng gaw dik lu na ra ai, ngu nna nanhte hte rau naw nga yang, ngai nanhte hpe tsun ni ai, nye a ga gaw, ndai rai nga ai,” ngu nna shanhte hpe tsun mu ai.

YAWHAN 5:39

Chyum laika ni hta nna nanhte htani htana asak lu la na re ai, nga nna myit myit dai majaw, dai laika ni hta nanhte hkan sawk yu yu rai myit dai: dai laika ni nan nye a lam sakse hkam nga ai:

YAWHAN 7:52

Shanhte gaw, “Nang mung Galile masha rai nga nni? Galile mung de na kadai myihtoi mung n paw pru yu ai, nang she gawn yu u,” ngu nna shi hpe htan mu ai.

KASA 10:43

Shi hpe kamsham masham ni nlang, shi mying ningsang a marang e, yubak raw dat kau ya ai hkrum na mara ai, nga nna tsun ai myihtoi mahkra mung shi a lam sakse rai nga ma ai,” ngu mu ai.

KASA 17:11

Dai mare masha ni gaw Htesaloni masha ni hta myit grau su ma ai rai nna, dai mungga hta myit shawn loi ai hte, dai lam ni teng ai n teng ai chye lu hkra, Chyum laika hpe shani shagu a yu nga ma ai.

KASA 28:23

Ya shanhte shi hte hkrum chyai na nhtoi madat da nhtawm, shi manam nga ai nta de masha law law wa sa hpawng nga ma ai: shaloi shi gaw, jahpawt kaw nna shana de du hkra, Mawshe a tara hte myihtoi ni a ga hta hkan nna, Karai Kasang a mungdan lam sakse hkam ai hte, Yesu a lam shanhte hpe shapraw shadan dan mu ai.

KASA 7:52

Nanhte a nji nwa ni n zingri yu ai myihtoi, kadai wa nga a ta? Dai Dingman ai Wa paw pru na lam htawn tsun ai ni hpe, shanhte sat kau ma ai; ya nanhte mung dai wa hpe ap kau ai ni, sat kau ai ni, rai nga myit dai;

HEBRE 11:13

Ndai ni nlang hte gaw, ga ndat hte seng ai sali wunli n hkam la lu ai hte, tsan kaw na dai hpe tau mu nna shaga gintan let, ndai ga ntsa e tsasam hte malet, nhprang manam sha tai nga ai hpe yin la nna, dai makam masham hta si wa masai.

HEBRE 11:40

Kaning rai nme law, anhte n lawm yang gaw, shanhte mung jahkum jatsup ai n dep lu mu ga nga, Karai Kasang gaw anhte a matu grau kaja ai lam hpang da ya sai.

1 PETRU 1:11

Hkristu gaw nni nkri hkrum na hte dai hpang e hpung shingkang lu la na, nga nna shanhte hta e rawng nga ai Hkristu a Wenyi gaw, shawng e sakse hkam nga ai shaloi, gara aprat hte kaning re ai aten hta me, dai hte byin na ra ai kun, shanhte sawk yu nga ma ai.

1 PETRU 1:13

Dai re ai majaw, nanhte a myit kraw lawang a nshang hta shingkyit kyit nna, htauli htaula hta grin nga let, Yesu Hkristu dan pru wa ai shaloi e, nanhte hpang de la sa na ra ai chyeju hpe, myit mada nga mu.