1 KORINHTU 9:8 - Jinghpaw Hanson Version Bible

⁸ Masha hku hkan nna sha, ndai lam ngai tsun nga n ni? Jep ai tara mung ndai lam tsun nga ai, n rai ni?

Jinghpaw Common Language Bible 2009

⁸ Ndai shani shagu byin ai ga shadawn ni tsun dan ai hte sha ngai tsun mayu ai lam hpe shadawn shadang n jahtum mayu nngai, jep ai tara hta mung ndai lam tsun nga ai n rai ni?

1 KORINHTU 9:8 ပူးပေါင်းရင်းမြစ်များ

ESAIA 8:20

Tara hte sakse ga hpe madat mara mu; shanhte tsun ai lam ndai ga hte nbung yang, gaja wa, shanhte a matu jahpawt manap n nga ai.

ROMA 3:31

Dai rai yang gaw, kamsham ai hte anhte dai jep ai tara hpe gum-yu shatai kau sagaw ni? shing n rai law; anhte dai tara hpe shangang shagrin ga ai.

ROMA 3:5

Ya, anhte a n ding n hpring ai gaw, Karai Kasang a dinghpring ai hpe shapraw shadan dat a yang gaw, anhte kaning ngu tsun na rai ta? pawt bu ari jaw ai Karai Kasang gaw n ding n hpring na, n rai ni? (shing nga ai gaw, masha a hku hkan nna sha tsun nngai;)

ROMA 6:19

Nanhte gawng shingma kya nga myit dai majaw, masha a hku hkan nna sha ngai tsun nngai: kaning rai nme law, n tara ai bungli galaw u ga, nanhte a daw shan ni hpe awu asin re ai hte n tara ai a mayam ni tai na, nanhte ap kau manit dai hte maren, chyoi pra ai lu la hkra, dinghpring ai a mayam ni tai na, nanhte a daw shan ni hpe ya e ap ya mu.

1 KORINHTU 14:34

numsha ni gaw Hpung ni hta e atsin sha nga nga mu ga: kaning rai nme law, shanhte gaw tsun shaga na ahkang n nga ma ai: dai jep ai tara tsun dan nga ai hte maren, shanhte gaw lawu grit rai nga mu ga.

1 KORINHTU 7:40

Rai timung, nga nga lu yang shi grau pyaw na re ai; dai gaw ngai jeyang ai hku rai nga ai; ngai mung Karai Kasang a Wenyi rawng nga nngai gaw, ngai myit nngai law.

GALATI 1:11

Dai hta kaga, hpunau ni e, ngai hkaw dan yu ai kabu gara shiga gaw, masha myit ai lam hte maren n rai nga ai gaw, ngai nanhte hpe shadum jahprang made ai.

1 HTESALONI 2:13

Dai rai nna, anhte kaw nna na la ai Karai Kasang a mungga hpe nanhte hkam la myit dai shaloi e, masha a ga hpe zawn n rai, gaja wa teng teng rai nga ai hte maren, nanhte kamsham ai ni hta e a shachyen nga ai Karai Kasang a mungga hpe nanhte hta la manit dai majaw, anhte mung Karai Kasang hpe n sim n sa shakawn kungdawn a rai nga ga ai.

1 HTESALONI 4:8

Dai rai nna, n kaw n law re ai wa kadai mung, masha hpe n rai, nanhte hta shi a Chyoi pra ai Wenyi jaw ya ai Karai Kasang hpe n kaw n law di da wu ai.