1 KORINHTU 9:7 - Jinghpaw Hanson Version Bible

⁷ Kadai wa mi tinang a jarit hte majan amu gun a ta? Sun galaw nna dai hta na n di sha ai, kadai wa rai ta? Yamnga rem nna, yamnga chyu n lu n sha ai, kadai wa rai ta?

Jinghpaw Common Language Bible 2009

⁷ Kadai hpyen la wa mi tinang a jarik hte majan amu gun a ta? Kadai sun galaw sha ai wa, tinang a sun kaw na sabyi si n di sha ai nga ga a ni? Kadai sagu rem ai wa tinang a sagu kaw na chyu n shup lu ai nga ga a ni?

1 KORINHTU 9:7 ပူးပေါင်းရင်းမြစ်များ

GA SHAGAWP 27:18

Lakum hpun sin ai wa gaw, lakum si sha lu na ra ai; Tinang madu hpe bau sin ai wa gaw, arawng sadang lu la na ra ai.

GA SHAGAWP 27:27

Nang mung, na nta masha ni mung, Na a mayam num ni mung, sha na matu bainam chyu law na ra ai.

Shawlumon A Mahkawn Ga 8:12

Nye a tsabyi sun chyawm gaw, nye a man e rai nga ai: Shawlumon e, nang lap hkying mi la nna, Nye sun sin ai ni mahtang lap ni tsa la mu ga.

ESAIA 7:22

shi nga chyu nhpaw n-ya lu la ai majaw htawbat sha lu na ra ai: kaning rai nme law, dai mung hta ngam nga ai ni nlang hte gaw, htawbat hte lagat jahku sha lu na mara ai.

KASA 20:28

Karai Kasang gaw shi a sai hte mari la ai Hpung hpe yu lahku na matu, Chyoi pra ai Wenyi nanhte hpe Hpung up ni shatai manit dai majaw, nanhte gaw, tinang hkum dai hte, sagu hpung ting hpe, sadi sahka hte yu nga mu law.

TARA JAHPRANG 18:8

shi a sali wunli dut nna lu ai arai hta kaga hpunau ni hte maren hkam sha lu na rai nga ai.

TARA JAHPRANG 20:6

Tsabyi sun hkai nna asi garai n di sha lu ai, kadai lawm nga a ta? dai wa gaw nta de naw wa u ga; dai n rai, majan e si dam yang, masha wa e dai si hpe sha kau na, tsang ra ai.

1 TIMOHTI 1:18

Ngai sha, Timohti e, nang hta ang nna lakap nga ai myihtoi ga hta hpa nna, makam masham hte mai kaja ai myit nsam rawng nga let, dai kaja ai gasat gala hpe nang gasat nga lu u ga, tawn da sai myihtoi ga hte maren, ndai daru jet kau na ahkang ngai nang hpe ap ya de ai.

1 TIMOHTI 6:12

Dai makam masham hte seng ai mai kaja ai gasat gala ai hpe a gasat nga u: htani htana na asak hpe magra noi nga u: dai hta e nang hpe shaga la nna, sakse law law ni a man e mai kaja ai sakse nang hkam ya nit dai.

2 TIMOHTI 4:7

Ngai gaw kaja ai gasat gala gasat ngut se ai: gat shingjawng ai lam htum hkra gat shadu se ai; dai makam masham hpe ngai a manoi nga ni ai:

1 PETRU 5:2

nanhte hte rau rai nga ai Karai Kasang a sagu hpung hpe arem nga mu; adip ahkrip re ai hku zawn n nawn ai sha, dingsa myit hte galaw nga mu; nsan n seng ai amyat majaw n re ai sha, htauli htaula myit hte galaw mu;