1 KORINHTU 9:5 - Jinghpaw Hanson Version Bible

⁵ Kasa kaga ni hte, Madu a kanau ni hte Kehpa zawn, kamsham ai madu jan woi hkawm na ahkang, anhte n lu ga ni?

Jinghpaw Common Language Bible 2009

⁵ Kasa kaga ni, Madu a kanau ni hte Petru re ai ni a kasi hkan ai hku nna, ngai hkawm sa ai shaloi kam sham ai madu jan woi hkawm na ahkang n lu a ni?

1 KORINHTU 9:5 ပူးပေါင်းရင်းမြစ်များ

Shawlumon A Mahkawn Ga 4:12

Ngai jan, nye a num ningnan gaw, Shakum kum ai sun, pat da ai hka hpawk hte, Dazik kap da ai hka htung rai nga ai.

MAHTE 13:55

shi gaw lasama wa a kasha re ai, n rai ni? shi a kanu Mari mying ai hte, shi a kanau ni Yaku, Yawsep, Simun hte Yuda rai nga ma ai, n rai ni?

MAHTE 8:14

Bai, Yesu gaw Petru a nta hta shang yang, shi a kani hkali bu taw nga ai hpe mu hkrup wu ai.

MARKU 1:30

Ya Simun a kani hkali bu nna kaleng taw nga ai: shaloi jang shanhte gaw shi a lam shi hpe tsun dan mu ai.

MARKU 6:3

Shi gaw, dai lasama wa rai nga ai, n rai ni? Mari a kasha shi rai nga ai hte, Yaku, Yawsep, Yuda, Simun hte a kahpu mung, shi rai nga ai, n rai ni? Shi a kajan ni mung, anhte hte rau, nang e nga nga ma ai, n rai ni?” nga wa ma ai rai nna, shi a lam myit kataw wa ma ai.

LUKA 6:15

Mahte yan Htawma; Alhpe a kasha Yaku yan Zelutu ngu ai Simun;

LUKA 8:20

Shaloi shi hpe, Na nnu hte nnau ni nang hpe hkrum mayu nna, shinggan e tsap nga ma ai, ngu nna tsun ya mu ai.

YAWHAN 1:42

Shaloi shi gaw Yesu hpang de shi hpe woi wa wu ai. Yesu gaw shi hpe hkap yu nna, “Nang gaw Yawhan a kasha Simun rai nga ndai: nang Kehpa ngu ai mying lu na rin dai,” ngu wu ai: (Kehpa ngu ai ga lachyum gaw, Petru nga ai, rai nga ai.)

YAWHAN 2:12

Dai hpang shi gaw, kanu, kanau ni hte shi a sape ni hte nawng, Kaperna-um mare de yu wa nna, dai yang e mung, gade ya wa n hkring nga ma ai.

KASA 1:14

Shanhte nlang hte gaw, numsha ni hte Yesu a kanu Mari hte mung, shi a kanau ni hte mung, myit langai sha hte akyu hpyi shaja let nga nga ma ai.

ROMA 16:1

Kenhkrea hpung na hpungtau rai nga ai anhte a kajan Hpobe hpe ngai nanhte hpang de jashawn dat ya nngai:

1 KORINHTU 1:12

Ning ngu nna ngai tsun made ai gaw, “Ngai chyawm gaw Pawlu hte seng nngai, ngai mahtang Apolo hte seng nngai; ngai gaw Kehpa hte seng nngai, ngai gaw Hkristu hte seng nngai,” nga nna nanhte langai hte langai tsun hkat shajang nga myit dai majaw, ngai tsun made ai, rai nga ai.

1 KORINHTU 7:15

Rai timung, dai n kam n sham ai wa gaw hka wa mayu yang, hka wa u ga: hpunau lasha hte numsha gaw shing re ai hta hkum da shara n nga nga ai rai nna, Karai Kasang gaw anhte hpe ngwipyaw ai hte shaga da ma ni ai.

1 KORINHTU 7:39

Madu jan gaw, madu wa garai n si dingsa, shi hte naw makyit nga ai: rai timung, madu wa nsa hkyet sayang gaw, tinang myit hte maren, Karai Wa hpe dum ai hte sha, kadai kaw wa mayu yang, wa lu na re ai.

1 KORINHTU 7:7

Masha yawng mayawng ngai zawn rai na ngai ra nngai; rai timung, langai hte langai gaw Karai Kasang kaw na tinang a chyeju kumhpa lu la shajang ma ai; marai langai mi gaw amyu langai mi, kaga gaw amyu kaga lu la shajang ma ai.

1 KORINHTU 7:8

Garai n hkungran ai ni hte gaida jan ni hpe ngai tsun nngai gaw, ngai zawn nga nga na shanhte a matu mai kaja nga ai.

GALATI 1:19

Dai Madu a kanau Yaku hta kaga, Kasa gale hpe ngai n mu nngai.

1 TIMOHTI 3:2

Dai re ai majaw Hpung up wa gaw, mara n kap ai wa, num langai sha lu ai wa, sadi sahka ai, myit gring ai, si si re ai, manam daw ai lam sharawng ai hte sharin shaga maka rawng ai wa, rai lu na rai;

1 TIMOHTI 4:3

Wenyi e dan dan leng leng tsun dan nga ai: shanhte gaw hkungran ai lam hpe mung, kamsham nga nna tengman ai ga hpe chye nga ai ni, shakawn kungdawn ga hte hkam la mai ai, Karai Kasang hpan tawn da ai ashan hpe mung, jep kau na mara ai.

1 TIMOHTI 5:2

hpawmi ni hpe kanu zawn, mahkawn ni hpe kajan zawn, san seng ai myit ting hte shadum jahprang nga u.

TITU 1:6

mara n rawng ai wa, num langai sha lu ai wa, kabring kabrawng hte gumlau gumle re ai mara shagun shara n rawng ai, kamsham ai kashu kasha lu ai wa rai yang gaw, dang da mai ai.

HEBRE 13:4

Hkungran ai lam gaw, yawng mayawng a man e arawng lu u ga; hkungran ai yup ra mung, san seng nga u ga: kaning rai nme law, hpye ai amu galaw ai ni hte num shaw la shaw ai ni hpe, Karai Kasang tara dara na wu ai.