1 KORINHTU 9:22 - Jinghpaw Hanson Version Bible

²² N-gun n ja ai ni hpe lum la lu hkra, n-gun n ja ai ni hta e, n-gun n ja ai wa zawn, ngai tai nga nngai: nkau mi hpe lam langai ngai hte hkye hkrang la lu hkra, masha yawng mayawng hta lam yawng mayawng, ngai hkan shatsup nngai.

Jinghpaw Common Language Bible 2009

²² Ngai gaw Karai Kasang hpe kam sham ai hta n-gun n ja ai ni a kata de du mat wa ai shaloi, shanhte hpe lum la lu hkra, makam masham n-gun n ja ai wa zawn ngai tai nga nngai. Dai rai nna, nkau mi hpe byin mai ai lam langai ngai hte hkye hkrang la lu hkra, ngai gaw masha amyu myu hta, amyu myu hku nga nngai.

1 KORINHTU 9:22 ပူးပေါင်းရင်းမြစ်များ

ROMA 11:14

shanhte hpe manawn shangun lu mawe yang gaw, nye a kasa aya hpe ngai shagrau sha-a nga nngai.

ROMA 14:1

Kamsham ai hta n-gun n ja ai wa hpe hkap hkalum la mu: rai timung, myit mang hparan ai lam hpe dinglik yu na matu, hkum rai myit.

ROMA 14:2

Langai ngai gaw lusha amyu myu mai sha na kam nga ai, n-gun n ja ai wa mahtang gaw nam law nam lap sha nga ai.

ROMA 15:1

Dai rai nna anhte n-gun ja ai ni gaw, tinang pyaw ai lam n hkan ai sha, n-gun kya ai ni a magrau n grang ai hpe hkam sharang na, sut nga ai.

ROMA 15:2

Anhte langai hte langai tinang a manang wa a ngamu ngamai na lam tau yu nna, shadaw shangang rai hkra shi hpe shapyaw nga ga.

1 KORINHTU 10:33

malaw maga a akyu tam nga nngai hte maren, nanhte gaw Yuda ni a matu mung, Heleni ni a matu mung, Karai Kasang a Hpung matu mung, ahtu kataw shara hkum tai nga myit.

1 KORINHTU 7:16

Dai hta kaga, numsha e, na a madu wa hpe hkye hkrang la lu na, nang kaning rai chye n ta? dai hte maren, lasha e, na a madu jan hpe hkye hkrang la lu na, nang kaning rai chye n ta?

1 KORINHTU 8:13

Dai rai nna, shahpa a majaw nye a hpunau myit kataw a yang gaw, nye a hpunau wa myit n kataw u ga, ngai prat dingsa e shan n sha na ni ai.

1 KORINHTU 9:19

Ngai gaw shing rai gade a ahkang npu e n nga timung, malaw maga hpe lum la lu hkra, yawng mayawng a mayam ngai tai nga nngai.

1 KORINHTU 9:23

Dai kabu gara shiga a akyu hta ngai mung lawm lu u ga, dai kabu gara shiga a jaw e ngai yawng mayawng hte hpe hkan galaw nngai.

2 KORINHTU 11:29

Ngai gawng n kya yang, kadai gawng kya nga a ta? kadai kataw ai hkrum yang gaw, ngai myit n kahtet ai nga na kun?

GALATI 6:1

Hpunau ni e, masha langai ngai n dum shami e yubak galaw hkrup a yang gaw, Wenyi rawng ai ni nanhte gaw, shing re ai wa hpe shingdi ai myit hte shadaw shalan rai nga mu: nang mung agung alau n hkrum u ga, tinang dai sadi nga u.