1 KORINHTU 9:18 - Jinghpaw Hanson Version Bible

¹⁸ Dai re ai majaw, nye a shabrai gaw hpa rai nga a ta, nga yang, dai kabu gara shiga hkaw dan ai shaloi, kabu gara shiga a ahkang nau wa ngai n hkan ai rai nna, jahpu n hpyi ai sha, dai kabu gara shiga hpe shagrin da na, rai nga li ai.

Jinghpaw Common Language Bible 2009

¹⁸ Dai rai yang, ngai gaw hpa baw shabrai wa hkam sha lu na rai nga a ta? Dai gaw manu jahpu n hpyi ai sha Kabu Gara Shiga hpe hkaw tsun lu ai hte nye a ahkaw ahkang hpe n jai lang ai sha dai Kabu Gara shiga amu hpe gun hpai lu ai amyat rai nga ai.

1 KORINHTU 9:18 ပူးပေါင်းရင်းမြစ်များ

YAWHAN 4:36

gat ai wa hte dan ai wa rau kabu lu na she, dan ai wa mung shabrai lu la nna, htani htana asak a matu nsi naisi shu la lu ai.

KASA 18:3

shanhte janghpang chywi sha ai hkrai rai nna, galaw sha bungli baw sha rai malu ai majaw, shi mung shan hte rau amu jawm galaw nna, nga nga ai.

ROMA 14:15

Kaning rai nme law, lusha shahpa majaw na a nhpu nnau a myit n pyaw nga a yang gaw, nang tsawra ai lam hta naw hkawm nga ndai n rai. Hkristu gaw shi a matu mara si hkam ya nu ai majaw, na a lusha shahpa e shi hpe hkum jahten et.

1 KORINHTU 10:33

malaw maga a akyu tam nga nngai hte maren, nanhte gaw Yuda ni a matu mung, Heleni ni a matu mung, Karai Kasang a Hpung matu mung, ahtu kataw shara hkum tai nga myit.

1 KORINHTU 3:8

Dai hta kaga hkai da ai wa hte ntsin jaw ai wa gaw langai sha rai nga ma ai; rai timung, tinang a shakut sharang ai hte maren, langai hte langai gaw tinang a shabrai lu la na mara ai.

1 KORINHTU 7:31

ndai mungkan ga hpe sung ai ni gaw, grai wa n sung nga ai zawn, rai wa manu ga; kaning rai nme law, ndai mungkan ga a amawn asam gaw lai mat wa nga ai.

1 KORINHTU 8:9

Shing wa nga timung, nanhte a ahkang gaw n-gun n ja ai ni a myit kataw shara n tai u ga, sadi nga mu.

1 KORINHTU 9:12

Sara kaga ni gaw nanhte hta shing re ai ahkang lu ma yang gaw, anhte grau nna lu ang ga ai, n rai ni? Rai timung, dai ahkang hpe anhte n hkan ai sha, Hkristu a kabu gara shiga hpe n shadang u ga she, anhte lam shagu hta shakut sharang nga ga ai.

1 KORINHTU 9:15

Ngai chyawm gaw, ndai ahkang hpe loi mi mung n hkan nngai. Shing rai, ngai hpe dai zawn di mi ga mung, ngu nna ndai lam hte hpe ngai ka da nngai n rai; kaning rai nme law, marai langai ngai nye a gumrawng shara shayuk ai hta, ngai si wa na gaw, nye a matu grau mai nga ai.

1 KORINHTU 9:17

Dai rai nna, dai amu hpe nye a myit hte ngai galaw nga n yang gaw, ngai shabrai lu nngai; rai timung, nye a myit hte n galaw nga n yang gaw, kunhting aya hta san da ai sha rai nga nngai.

2 KORINHTU 4:5

Kaning rai nme law, anhte gaw tinang a lam hkaw dan ga ai n re ai sha, Madu Hkristu Yesu a lam hpe mung, anhte nan Yesu a jaw e nanhte a mayam ni rai nga ga ai lam hpe mung, hkaw dan nga ga ai.

1 HTESALONI 2:6

dai hta kaga, Hkristu a kasa ni rai nga ga ai majaw, nanhte hpe lit shagun mayu yang shagun lu ga ai rai timung, nanhte kaw na rai timung, masha gale kaw na rai timung, masha a hpung shingkang hpe anhte n tam saga ai.