1 KORINHTU 9:16 - Jinghpaw Hanson Version Bible

¹⁶ Ndai kabu gara shiga hpe ngai hkaw dan nga yang, nye a matu gumrawng shara n nga ai; kaning rai nme law ngai n hkaw dan ai gaw n nga lu nngai; ngai n hkaw dan yang gaw, dingnye lu nngai.

Jinghpaw Common Language Bible 2009

¹⁶ Ndai Kabu Gara Shiga hpe ngai hkaw dan ai a majaw, nye a matu gumrawng shara n nga ai. Hpa majaw nga yang, ngai gaw Karai Kasang hkang da ai hte maren ngai n hkaw dan ai gaw n nga lu nngai. Ngai dai Kabu Gara Shiga hpe n hkaw dan a yang gaw hkrithpa dingnye lu na nngai.

1 KORINHTU 9:16 ပူးပေါင်းရင်းမြစ်များ

ESAIA 6:5

Dai rai nna ngai gaw, “Ngai wa dingnye lu nngai; ngai htum mat ni ai; ngai nan n san n seng ai n-gup tu ninglen, n san n seng ai n-gup tu ai amyu ka-ang e dè nga timung, Zaw nawng zaw wa up ai Yehowa ngu ai, Hkawhkam wa hpe, nye myi hte nan mu lu se hka,” nga nna tsun nngai.

YEREMIA 1:17

Dai re ai majaw nang gaw, shingkyit kyit nna rawt u; ngai nang hpe hkang da mada, shanhte hpe tsun dan mu: shanhte a man e ngai nang hpe n jahkrit shama kau u ga, shanhte hpe hkum hkrit et.

YEREMIA 20:7

Yehowa e, nang ngai hpe shagwi nna, ngai hkam la ni ai; nang gaw ngai hta n-gun grau ja nna dang kau nit dai; ngai gaw shani shanang asawng asang hkrum nna, nlang hte gaw ngai hpe aroi la ma ai.

YEREMIA 20:9

Dai majaw, Ngai gaw shi a mying hta hpa let, shi a mungga hpe n tsun sa na, ngu nna tsun timung, nye a myit masin hta wan zawn hkru nna, nye a nrut nra ni hta grung nga ai majaw, nye a myit grai gadau gadap nna, n sharang lu nngai.

AMO LAIKA (AMOS) 3:8

Hkanghkyi shabam yang, n hkrit ai, kadai nga na rai ta? Madu Yehowa shaga yang, myihtoi n htoi na, kadai wa rai ta?

AMO LAIKA (AMOS) 7:15

Yehowa mahtang sagu hpung de na ngai hpe lata la nna, Sa su, nye a amyu Israela hpe myihtoi htoi u, nga nna ngai hpe hkang dat ai.

MAHTE 25:16

Shaloi jang gumhpraw joi manga lu la ai wa gaw pru sa na, dai hte hpaga ga wu yang, kaga gumhpraw joi manga myat la nu ai.

LUKA 9:62

Yesu gaw, “Na htai jum nna hpang de kayin yu ai wa kadai mung, Karai Kasang a mungdan hte n ging n dan nga ai,” ngu nna shi hpe tsun wu ai.

KASA 4:20

An chyawm gaw, mu la, na la sai lam ni hpe n tsun ai, n nga lu ga ai,” ngu nna shanhte hpe bai htan mu ai.

KASA 9:15

Madu mung, “She sa su; dai wa gaw, maigan amyu ni hte hkawhkam ni a man e mung, Israela amyu masha ni a man e mung, nye a amying gun hpai na matu, nye a ngu nna san tawn da ai malai rai nga ai:

KASA 9:6

rai timung, rawt u, mare de shang wa u; nang galaw lu na lam nang hpe tsun dan shangun na we ai,” nga nna htan wu ai.

ROMA 1:14

Heleni amyu ni, karing karang amyu ni, hpaji rawng ai ni, hpaji n rawng ai ni hte, hka kap ai wa ngai rai nga nngai,

ROMA 15:17

Dai re ai majaw, Karai Kasang hte seng ai lam hte hta, Hkristu Yesu hta e nye a gumrawng shara rai nga li ai.

ROMA 4:2

Abraham gaw magam bungli hte dinghpring ai lu la a yang gaw, gumrawng gumtawng shara nga lu timung, Karai Kasang a man e n rai.

1 KORINHTU 4:15

Kaning rai nme law, Hkristu a lam sharin achyin ai sara mun mi dang nanhte lu myit timung, kawa law law wa n nga malit dai; dai kabu gara shiga jaw e, ngai nanhte hpe Hkristu Yesu hta e shaprat dat made ai.

1 KORINHTU 9:12

Sara kaga ni gaw nanhte hta shing re ai ahkang lu ma yang gaw, anhte grau nna lu ang ga ai, n rai ni? Rai timung, dai ahkang hpe anhte n hkan ai sha, Hkristu a kabu gara shiga hpe n shadang u ga she, anhte lam shagu hta shakut sharang nga ga ai.

1 KORINHTU 9:14

Dai hte maren, dai kabu gara shiga hkaw dan ai ni gaw, dai kabu gara shiga hta asak bau lu na, nga nna dai Madu hkang da nga sai.

2 KORINHTU 2:12

Dai hta kaga, Hkristu a kabu gara shiga a lam, Troa mare de ngai sa du yang, dai Madu a marang e nye a matu chyinghka hpaw malang nga timung,

KOLOSE 4:17

Arhkipo hpe mung, Dai Madu hta nang lu la ai daw ai amu hpe shatsup lu n ga, sadi nga u, ngu nna shi hpe tsun dan mu.

1 SAMUELA 12:23

Ngai chyawm gaw, nanhte a matu n hpyi nna, Yehowa hpe shut ai lam gaw, ngai hte tsan nga u ga law: dai mai kaja ai hte tengman ai lam hpe ngai nanhte hpe naw madun na nngai.