1 KORINHTU 9:13 - Jinghpaw Hanson Version Bible

¹³ nawku nta na chyoi pra bungli shachyen ai ni gaw, nawku nta hte seng ai hte hpe sha lu ma ai hte, tawn hkungri hpajang ai ni gaw, tawn hkungri na daw chyen, sha lu ma ai hpe, nanhte n chye nga myit ni?

Jinghpaw Common Language Bible 2009

¹³ Nawku Htingnu kata hta chyoi pra ai bungli gun hpai ai ni gaw, Nawku Htingnu kaw na sha hpa lu la ma ai hpe mung, tawn hkungri hta hkungga nawng ai ni gaw, hkungga kaw na hkambum lu ma ai hpe mung, nanhte teng teng chye nga myit dai.

1 KORINHTU 9:13 ပူးပေါင်းရင်းမြစ်များ

JAW JAU 21:22

Chyoi pra ai hte chyoi pra htum ai hte seng ai, shi a Karai Kasang a muk gaw shi sha lu na rai wu ai:

JAW JAU 22:7

Jan shang jang she shi san seng wa na rai nga ai: dai hpang chyoi pra ai arai ni sha lu na rai wu ai; dai gaw shi a lusha rai nga ai.

JAW JAU 6:26

dai gaw chyoi pra htum ai rai nga ai. Htingrai hkungga nawng ai hkinjawng wa gaw, dai hkungga shan sha lu na rai nga ai; shan dai hpe, shawa sum a wang kata na chyoi pra ai shara e sha na rai wu ai.

JAW JAU 7:31

Shing rai hkinjawng wa gaw, dai sau hpe tawn hkungri hta nat na rai wu ai: sinda gaw Arun hte shi a shadang sha ni la na rai mu ai.

BU HKAWM 18:31

Dai gaw tinang hte tinang a nta masha ni sha-ang ai shara shagu hta sha lu na rai ma ai: kaning rai nme law, shawa sum a amu gun hpai ai matu, dai gaw nanhte a shabrai rai nga ai.

ROMA 6:16

Langai ngai kaw madat mara na nga, tinang dai shang nna mayam tai wa myit yang gaw, si hkrung si htan hkrum hkra yubak a ga rai timung, dinghpring ai lu la hkra madat mara ai lam rai timung, nanhte hkan madat nga myit yang gaw, de a mayam ni nanhte rai nga myit dai, n chye nga myit ni?

1 KORINHTU 10:18

Myi na htung ta rai nga ai Israela hpe yu yu mu: shagu hkungga sha ai ni gaw, dai tawn hkungri hte baw sha rai nga ma ai, n rai ni?

1 KORINHTU 9:24

Gat shingjawng ai shara e yawng gat ma timung, marai langai wa sha dai kumhpa lu la nga ai, nanhte n chye nga myit ni? Shing rai nanhte lu la hkra gat shingjawng nga mu;

TARA JAHPRANG 10:9

Dai re ai majaw Lewi masha ni gaw kahpu kanau ni zawn kumhtaw madu lu na n rai, Sali wunli dagraw sha lu na n rai; na a Karai Kasang Yehowa shi hpe tsun dan ai hte maren, Yehowa gaw shi a Sali wunli rai nga ai.)

1 SAMUELA 2:28

nye a tawn hkungri ntsa e jaw jau ai amu, manam pyaw nat ai amu, nye a man e hpa hkai lawng hpun nna, hkinjawng amu gun hpai na matu, ngai shi hpe Israela amyu danghta hta na lata san tawn we ai n rai ni? dai hta kaga, Israela masha ni wan hte nat jau ai hkungga yawng mayawng na nji nwa ni hpe ngai jaw se ai n rai ni?