1 KORINHTU 8:9 - Jinghpaw Hanson Version Bible

⁹ Shing wa nga timung, nanhte a ahkang gaw n-gun n ja ai ni a myit kataw shara n tai u ga, sadi nga mu.

Jinghpaw Common Language Bible 2009

⁹ Rai ti mung, nanhte ndai zawn n dut n dang sha lu ai ahkaw ahkang gaw, Karai Kasang hpe kam sham ai lam hta n-gun kya nga ai ni hpe lam shadam, mara galaw shangun ai lam n byin u ga, sadi nga mu.

1 KORINHTU 8:9 ပူးပေါင်းရင်းမြစ်များ

ESAIA 35:3

N-gun kya ai lata hpe n-gun shaja mu; gari ai lahput ni hpe shangang mu:

ESAIA 57:14

Bai shi gaw, “Nye a amyu masha ni numdaw numdan n hkrum mu ga, htu kau mu, htu kau mu, lam hpe lajang mu ga,” nga nna tsun ai.

EZEKELA 44:12

Shanhte gaw tinang a hpara ni a man e, mung masha ni a amu galaw nna, shut hpyit ai lam hkan galaw hkra, Israela masha ni a matu ahtu kataw shara tai yu ai majaw, ngai Madu Yehowa gaw nye a lata shanhte hpang de sharawt nna, shanhte gaw tinang a yubak hpe hkam sha na mara ai.

JAW JAU 19:14

Na lahpang ai wa hpe matsa kau lu na n rai; myit hten ai wa a man de ahtu kataw hpa tawn ya lu na n rai: na a Karai Kasang hpe nang hkrit hkungga lu na rai ndai: ngai gaw Yehowa rai nga nngai.

MAHTE 18:10

Dai ma kaji langai mi hpe pyi nanhte n gawn n sawn n di kau myit ga, sadi nga mu: nanhte hpe ngai tsun made ga, Sumsing lamu kata e, shanhte a lamu kasa ni gaw, sumsing lamu na nye Wa a myi man hpe, galoi mung a mada nga ma ai.

ROMA 15:1

Dai rai nna anhte n-gun ja ai ni gaw, tinang pyaw ai lam n hkan ai sha, n-gun kya ai ni a magrau n grang ai hpe hkam sharang na, sut nga ai.

1 KORINHTU 10:24

Kadai mung tinang akyu n re ai sha, kaga wa a akyu sha tam nga mu.

1 KORINHTU 10:28

Rai timung, marai langai ngai, Ndai gaw shagu hkungga shan rai nga ai, nga nna nanhte hpe tsun dan myit yang gaw, shadum jahprang ai wa hte myit ung ang ai a jaw e hkum sha myit.

1 KORINHTU 10:29

Myit ung ang ai nga ai gaw, tinang myit hpe n rai, kaga wa a myit hpe lakap nna tsun nngai; kaning rai nme law, nye a ahkang aya hpe masha kaga wa a myit ung ang hpa majaw jeyang lu na a ta?

1 KORINHTU 10:32

Masha yawng mayawng hkye hkrang la ai hkrum mu ga she, lam shagu hta nlang hte hpe ngai hkan jahkau nna, nye a akyu n re ai sha,

1 KORINHTU 8:10

Kaning rai nme law, nang gaw ginhka chye ai myit lu ninglen, sumla nta hta shat sha nga ai hpe, marai langai ngai mu a yang, dai wa a myit nsam n-gun n ja yang gaw, sumla hpe nawng ai hkungga sha gwi wa na, n rai ni?

1 KORINHTU 8:12

Dai di yang, hpunau ni hpe shut hpyit nna shanhte a n-gun n ja ai myit nsam hpe machyi shangun myit yang gaw, nanhte Hkristu hpe shut hpyit nga myit dai.

1 KORINHTU 9:22

N-gun n ja ai ni hpe lum la lu hkra, n-gun n ja ai ni hta e, n-gun n ja ai wa zawn, ngai tai nga nngai: nkau mi hpe lam langai ngai hte hkye hkrang la lu hkra, masha yawng mayawng hta lam yawng mayawng, ngai hkan shatsup nngai.

2 KORINHTU 11:21

Anhte gaw n-gun kya ai ni zawn rai nga ga ai, ngu nna anhte a lam shatan let ngai tsun nngai; rai timung lam gale hta masha wa manoi nna nden ja nga a yang gaw, ngai mung dai lam hta nden ja lu nngai, ngu nna angawk angak re ai ga ngai tsun nngai.

2 KORINHTU 11:29

Ngai gawng n kya yang, kadai gawng kya nga a ta? kadai kataw ai hkrum yang gaw, ngai myit n kahtet ai nga na kun?

2 KORINHTU 6:3

Ndai daw ai aya gaw shatan nhkan n hkrum u ga, hpa lam hta mung ahtu kataw shara loi mi muk anhte n shatai ai sha,

GALATI 5:13

Kaning rai nme law, hpunau ni e, shanglawt ahkang lu la myit ga, nanhte hpe shaga da manit dai: rai timung, shanglawt ahkang hpe hkum shan a ginshan hkum shatai mu; tsawra ai myit hte shada da yamnga mu.

KOLOSE 2:8

Hkristu a hkang ai tara hte n bung ai, mungkan ga a hkang ai tara hte masha a matsun maroi ga hkan ai zai byeng-ya hte lila rai nga ai hkalem hkalau ga hte, kadai mung nanhte hpe n hkalau lu u ga, sadi nga mu:

1 PETRU 2:16

Nanhte shanglawt rai myit timung, n kaja ai amu hpe shinggang kau na matu, nanhte a lawt ai akyu hpe hkum lang myit: Karai Kasang a shangun ma ni zawn, shanglawt tai nga mu.

2 PETRU 2:19

shanhte gaw dai ni hpe lawt lu na ahkang, ga ndat da ma ai rai timung, tinang pyi hten byak wa ai a mayam ni rai nga ma ai; kaning rai nme law, dang kau ai hkrum ai wa gaw, shi hpe dang lu ai wa a mayam rai nga ai.

SHINGRAN 2:14

Rai timung, sumla ni hpe nawng ya ai hkungga sha na hte hpye ai amu galaw na lam ngu ai myit kataw shara hpe, Israela kashu kasha ni a man e tawn da na, Balak hpe hpaji daw ya ai Balam a sharin shaga ai lam hta hkan nang ai ni nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.