1 KORINHTU 8:1 - Jinghpaw Hanson Version Bible

¹ Ya, sumla ni hpe nawng ai hkungga a lam, anhte yawng mayawng chye ginhka ai myit rawng nga ai gaw, anhte dum chye ga ai. Chye ginhka ai myit gaw grang chye ai, tsawra ai myit chyawm gaw, shadaw shangang chye ai.

Jinghpaw Common Language Bible 2009

¹ Ya nanhte laika hte san dat ai sumla ni hpe nawng jau ai lusha ni hte seng nna ngai tsun htai dan na nngai. “Anhte yawng hte wa machye machyang rawng ai ni hkrai rai ga ai,” nga nna shanhte tsun ai gaw teng nga ai. Rai ti mung, dai baw machye machyang gaw masha hpe gumrawng gumtawng shangun nga ai.

1 KORINHTU 8:1 ပူးပေါင်းရင်းမြစ်များ

ESAIA 47:10

Nang gaw na a n hkru ai hta machyu nga ndai: Ngai hpe kadai n mu ai, nga nna nang tsun nit dai; na a hpaji byeng-ya hte na a nyan gaw, na a myit hpe gale kau ya nna, ‘Ngai rai nga nngai, ngai hta kaga kadai n nga ai,’ nga nna na a kraw e nang tsun nit dai.

ESAIA 5:21

Ngai hpaji rawng nngai, nga nna myit ai ni hte, tinang hkum rai dum la ai ni gaw, dingnye lu ma ai.

BU HKAWM 25:2

dai num ni gaw shanhte a hpara ni hpe hkungga nawng ai poi de Israela masha ni hpe shaga mu ai rai nna, shanhte gaw dai sha lawm ai hte, Moba hpara ni a man e nawku ma ai.

KASA 15:10

Dai rai yang, ji wa ni e mung n dang, anhte mung n hpai dang ai lit hpe, sape ni a lahpa hta shagun ga nga, hpa rai Karai Kasang hpe chyam yu nga myit ta?

KASA 15:29

dai hte hpe nanhte koi gam nga yang, mai kaja na rai malit dai. Hkam kaja nga myit ga law,” nga ai.

KASA 21:25

Kamsham ai maigan masha ni a lam chyawm gaw, shanhte sumla hpe nawng ai rai hte, asai, du manat sat ai shan, ndaw liknga lam koi gam na, anhte dawdan let ga shangun sagaw ai,” ngu nna tsun mu ai.

ROMA 11:25

Dai rai nna, hpunau ni e, nanhte tinang a hpaji n machyu myit ga, ndai sung htum ai lam hpe nanhte n chye nga na, ngai n ra nngai; dai gaw, maigan amyu ni garai n shang hkum ai du hkra, Israela masha nkau mi myit shanuk kau ai hkrum ma ai, nga ai:

ROMA 12:16

Langai hte langai shada da myit shara mu; arawng lam n tam ai sha, arawng n lu ai ni hte mazum hkau nga mu. Tinang hkum hpe hpaji rawng ai zawn, hkum nawn nga myit.

ROMA 14:10

Nang chyawm gaw, hpa majaw na nhpu nnau wa hpe jeyang nga n ta? bai, na nhpu nnau wa hpe hpa majaw n gawn n sawn rai nga n ta? Anhte yawng mayawng hte gaw, Karai Kasang a tara tingnyang a man e du tsap na ra ga ai.

ROMA 14:14

Hpa rai timung, tinang a npawt nhpang sa gawn yu yang, awu asin re ai mi n nga ai gaw, Madu Yesu hta e ngai chye nga nna myit dik nga nngai: rai timung, langai ngai gaw lama ma hpe awu asin re ai, nga nna myit nga a yang gaw, dai arai gaw shi a matu awu asin rai nga lu ai.

ROMA 14:19

Dai re ai majaw, ngwipyaw ai lam hte, shada da sharin hkang na lam hpe, anhte hkan shachyut nga ga.

ROMA 14:22

Nang hta rawng ai makam masham gaw, nang nan Karai Kasang a man e rawng nga n ga: ginhka lata ai lam hta tinang hkum dai jeyang shara n nga ai wa gaw, a nga ai.

ROMA 14:3

Amyu myu sha ai wa gaw, n sha ai wa hpe hkum hkya u ga; n sha ai wa mung, sha ai wa hpe hkum jeyang u ga; kaning rai nme law, Karai Kasang gaw shi hpe hkap hkalum la sai.

ROMA 15:14

Nye a hpunau ni e, nanhte nan lala kaja htum ai hte hpring tsup nga nna, chye chyang ai amyu myu htak rai nga ai hte, nanhte shada da sharin jep lu myit dai hpe, nanhte a lam ngai hkum nan kam da made ai.

1 KORINHTU 1:5

lam yawng mayawng hta ang ai, n-gup atsam shagu hte, chye chyang ai lam shagu hta, nanhte shi hta hkum tsup nga manit dai majaw,

1 KORINHTU 10:15

Hpaji rawng ai ni hpe zawn ngai tsun made ga; ngai tsun ai ga hpe maram masam yu mu.

1 KORINHTU 10:28

Rai timung, marai langai ngai, Ndai gaw shagu hkungga shan rai nga ai, nga nna nanhte hpe tsun dan myit yang gaw, shadum jahprang ai wa hte myit ung ang ai a jaw e hkum sha myit.

1 KORINHTU 14:20

Hpunau ni e, myit mang ai lam hta ma kaji hkum tai myit; n hkru n hkra ai lam hta she ma kaji tai nga mu; myit mang ai lam hta chyawm gaw, myit su ai ni tai nga mu.

1 KORINHTU 15:34

Dingman ai hku hkan na, dum hprang mu, yubak hkum galaw myit; nkau mi gaw Karai Kasang hpe n chye ma ai: nanhte kaya dum myit ga, ning nga ngai tsun nngai.

1 KORINHTU 4:10

Anhte gaw Hkristu a majaw angawk angak rai nga ga ai, nanhte mahtang Hkristu hta e myit su nga myit dai; anhte gaw n-gun n ja ga ai, nanhte mahtang n-gun ja myit dai; nanhte hpung rawng myit dai, anhte mahtang arawng hpoi saga ai.

1 KORINHTU 4:18

Ngai hkum nanhte hpang de n sa du na zawn nawn nna, nkau mi gaw gumlu gumlan rai wa masai.

1 KORINHTU 4:6

Hpunau ni e, ka da nga ai hte maren nanhte n lai lu na hte, langai wa hta myit kaba nna kaga wa hpe shinggan kau na n rai u ga, an a lam tau yu let nanhte sharin lu myit ga, ndai ga hte hpe ngai hte Apolo a lam, ngai nanhte a matu ga shadawn shatai nna sha-ang we ai.

1 KORINHTU 5:2

Nanhte madaw gumlu gumlan rai nga myit dai rai nna, shing re ai amu galaw ai wa hpe nanhte kaw na shaden kau ai hkrum u ga, yawn ai myit n madun ai sha nga nga myit ni?

1 KORINHTU 5:6

Nanhte a gumrawng gumtawng ai gaw mai kaja nga ai n rai. Matsi loi mi gaw muk tawng ting hpe shawawm dat wu ai, nanhte n chye nga myit ni?

1 KORINHTU 8:2

Marai langai ngai, lama ma chye nngai, nga nna myit a yang gaw, chye mai ai lam pyi shi garai n chye wu ai:

1 KORINHTU 8:4

Dai rai nna, sumla ni hpe nawng ai hkungga sha na lam gaw, sumla gaw ga ntsa e hpa n re ai sha rai nga ai hte, langai sha rai nga ai Karai Kasang hta kaga shaje n nga ai, anhte dum chye ga ai.

1 KORINHTU 8:7

Rai timung, dai chye ginhka ai myit masha yawng n lu ma ai: nkau mi gaw ya du hkra sumla hta man ai majaw, hkungga sha ma yang, dai gaw sumla hpe nawng ai, dum nna sha ma ai; shanhte a myit nsam mahtang n-gun n ja ai majaw, awu asin hkrum ma ai.

EHPESU 4:16

shi kaw nna, dai hkum ting gaw, hkrihkraw lamyi ni yawng lanawn ya ai a marang e, matut manoi htuk nna shachyaw nga let, daw shan ni langai hte langai shachyen lu ai hte maren, tsawra ai hta de shatup hkra, tinang kung kaba wa ai lam, dai hkumhkrang gaw shabyin wu ai.

KOLOSE 2:18

Myit shagyip ngu na lam tam nna, lamu kasa hpe nawku na htung hte, kadai mung nanhte hpe n hkalem sha u ga; shing re ai wa gaw tinang a man e mu ai hpe sha machyu nga ai hte, tinang hkum shan a myit hta kaman lila grang ai wa rai nna, dai baw hpe n manat nga ai;

SHINGRAN 2:14

Rai timung, sumla ni hpe nawng ya ai hkungga sha na hte hpye ai amu galaw na lam ngu ai myit kataw shara hpe, Israela kashu kasha ni a man e tawn da na, Balak hpe hpaji daw ya ai Balam a sharin shaga ai lam hta hkan nang ai ni nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.

SHINGRAN 2:20

Rai timung, tinang dai myihtoi num nga ai, dai numsha Yezebela gaw, nang hta naw nga lu ai majaw, nang hpe mara shagun shara ngai mu nngai: shi gaw nye a shangun ma ni hpe, hpye ai amu galaw na hte sumla ni hpe nawng ya ai hkungga sha na lam sharin ya nna, shanhte hpe shut shangun mu ai.