1 KORINHTU 7:34 - Jinghpaw Hanson Version Bible

³⁴ Num n wa ai numsha hte mahkawn gaw, tinang a hkum hte wenyi chyoi pra nga u ga, nga nna dai Madu a lam hte hpe a tsang nga ai: num wa ai num chyawm gaw, madu wa hte kaning rai myit hkrum lu na, nga nna mungkan ga a lam hte hpe a tsang nga ai.

Jinghpaw Common Language Bible 2009

³⁴ Dai re ai majaw shi gaw myit lahkawng gabra nga lu ai. Num n wa ai numsha shing n rai hkawn jet re ai wa gaw Karai Kasang hpe shi a hkum hkrang hte wenyi chyoi pra nga u ga, sak nawng mayu ai rai nna, Madu a amu lam hpe grai myit lawm myit tsang nga ai: rai ti mung num wa sai num gaw, tinang a madu wa a myit ra sharawng ai lam byin shangun mayu ai majaw, mungkan hte seng ai lam hpe myit tsang mat nga ai.

1 KORINHTU 7:34 ပူးပေါင်းရင်းမြစ်များ

YAWHAN 10:13

dai wa gaw nchyang sha rai nga ai majaw, sagu ni a matu n tsang ai hprawng mat wa ai.

ROMA 6:13

nanhte a daw shan ni hpe mung, n ding n hpring ai hpyen hking hpe zawn, yubak hpe hkum ap ya myit; si mat ai ni kaw na hkrung rawt lu ai ni zawn, Karai Kasang kaw tinang dai sak ya mu; nanhte a daw shan ni hpe mung, dinghpring ai hpyen hking shatai nna, Karai Kasang hpe sak ya mu.

1 KORINHTU 6:20

nanhte jahpu manu daw nna mari da sai ni rai nga myit dai: dai re ai majaw, nanhte a hkumhkrang hte Karai Kasang hpe shagrau sha-a nga mu law.

1 KORINHTU 7:33

num la ai wa chyawm gaw, madu jan hte kaning rai myit hkrum lu na, nga nna, mungkan ga a lam hte hpe tsang nga ai rai nna, myit kabra nga lu ai.

1 KORINHTU 7:35

Ning rai ngai tsun nngai gaw, nanhte a akyu byin na matu, nanhte hpe singgau hte hkam na zawn n re ai sha, htaphtuk ai hku shapraw nna, dingbai dingna n lawm ai sha, dai Madu hpe si si daw jau lu na she, ngai tsun nga nngai.

2 KORINHTU 11:28

Dai shinggan de na kyin dut ai hta kaga, Hpung ni yawng hte a lam myit ru myit tsang ai gaw, shani shagu ngai hpe a shadut shatsang nga ni ai.

2 KORINHTU 8:16

Dai hta kaga, Titu a kraw lawang e, nanhte a matu mara dai zawn tsang ai myit nan jaw da ai Karai Kasang gaw, a nga u ga.

HPILIPI 1:20

nanhte a akyu hpyi ai hte Yesu Hkristu a Wenyi a lanawn ya ai a marang e, ndai lam mung nye a hkye hkrang la ai lam tai na re ai, ngai chye nga nngai.

1 HTESALONI 5:23

Ngwipyaw ai a npawt Karai Kasang nan nanhte hpe hkum dinghkum shachyoi shapra myit ga; anhte a Madu Yesu Hkristu bai du sa ai shaloi e, nanhte a wenyi, myit masin hte hkumhkrang ting gaw, mara n kap hkra pau nga u ga.

1 TIMOHTI 3:5

Marai langai ngai tinang a nta hpe n chye hkang a yang gaw, Karai Kasang a Hpung hpe kaning rai lanu lahku lu na rai ta?

1 TIMOHTI 5:5

Gaida jan majing ngu ai lik lik rai nga ai gaida jan gaw, Karai Kasang hpe myit mada nga nna, shani shana hpyi nem ai hte akyu hpyi ai hta, nan nan a rai nga ai.

TITU 3:8

Ndai ga gaw kangka re ai ga rai nga ai rai nna, Karai Kasang hpe kamsham ai ni gaw, kaja reng ai magam bungli a shachyen nga na myit dum nga mu ga, ndai lam ni hpe nang grai ngu tsun shangang ya na, ngai ra nga nngai. Dai lam ni gaw masha a matu mai kaja nga ai rai nna akyu rawng nga ai: