1 KORINHTU 7:23 - Jinghpaw Hanson Version Bible

²³ Jahpu manu daw nna mari da sai ni nanhte rai nga myit dai: masha a mayam hkum tai myit.

Jinghpaw Common Language Bible 2009

²³ Nanhte hpe Karai Kasang gaw manu jahpu daw nna mari da sai majaw masha a mayam hkum tai myit.

1 KORINHTU 7:23 ပူးပေါင်းရင်းမြစ်များ

JAW JAU 25:42

Kaning rai nme law, shanhte gaw Egutu mung na ngai shaw wa ai nye a shangun ma ni rai nga ma ai: mayam hpe zawn shanhte hpe dut lu na n rai.

MAHTE 6:24

Kadai rai ting mung, madu lahkawng kaw chyang lu na n rai; shi langai mi hpe n dawng nna kaga hpe tsawra na wu ai; shing n rai langai mi hpe kasawt nna, kaga hpe n kaw n law di na wu ai; nanhte Karai Kasang hpe mung, mungkan a sutgan hpe mung, rau chyang lu na myit dai n rai.

KASA 20:28

Karai Kasang gaw shi a sai hte mari la ai Hpung hpe yu lahku na matu, Chyoi pra ai Wenyi nanhte hpe Hpung up ni shatai manit dai majaw, nanhte gaw, tinang hkum dai hte, sagu hpung ting hpe, sadi sahka hte yu nga mu law.

1 KORINHTU 6:20

nanhte jahpu manu daw nna mari da sai ni rai nga myit dai: dai re ai majaw, nanhte a hkumhkrang hte Karai Kasang hpe shagrau sha-a nga mu law.

GALATI 2:4

Lagyim jashawn ai masu ai hpunau ni a majaw, dai lam ngai galaw nngai n rai; Hkristu Yesu hta e anhte lu la ai lawt wa ai lam hpe kin-yu yu nna, anhte hpe mayam shayam na shanhte shang wa ma ai;

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

1 PETRU 3:18

Kaning rai nme law, Hkristu mung yubak a majaw kalang sha mi si hkam nu ai; Karai Kasang hpang de anhte hpe woi wa lu hkra, dinghpring ai wa gaw, n ding n hpring ai ni a matu mara si hkam ai hte, dai hkum tsawp nan si mat timung, dai wenyi hta ahkrung nga ai:

SHINGRAN 5:9

shanhte gaw, Nang sat kau hkrum ndai hte, baw lakung shagu hta na mung, ga amyu shagu hta na mung, amyu baw shagu hta na mung, masha mungdan shagu hta na mung, Karai Kasang a matu na a asai hte masha hpe mari la nit dai rai nna,