1 KORINHTU 7:17 - Jinghpaw Hanson Version Bible

¹⁷ Dai Madu gaw langai hte langai hpe karan jaw nna, Karai Kasang gaw langai hte langai hte hpe shaga da mu ai hte maren, shi naw hkawm nga u ga. Hpung shagu hta e ndai lam ngai hkang da nngai.

Jinghpaw Common Language Bible 2009

¹⁷ Masha langai hte langai gaw, shi hpe Karai Kasang garan jaw ai chyeju kumhpa hte maren, Karai Kasang shaga lata la ai ten hta nga ai mabyin masa hte maren matut nna asak hkrung nga u ga. Ndai gaw hpung shagu hpe ngai hkaw tsun sharin shaga ai tara lam rai nga ai.

1 KORINHTU 7:17 ပူးပေါင်းရင်းမြစ်များ

MAHTE 19:12

Kaning rai nme law, masha nkau mi gaw kanu a hkritung nna la chyasi tai nga ma ai; la chyasi nkau mi gaw, masha a lata hte la chyasi tai mat ma ai; la chyasi nkau mi gaw, sumsing lamu a mungdan majaw tinang a hkum hpe chyasi kau mu ai: dai ga hpe hkam lu ai wa, hkam nga u ga,” ngu mu ai.

1 KORINHTU 10:32

Masha yawng mayawng hkye hkrang la ai hkrum mu ga she, lam shagu hta nlang hte hpe ngai hkan jahkau nna, nye a akyu n re ai sha,

1 KORINHTU 11:16

Rai timung, marai langai ngai ndang kalang hkat mayu dam a yang gaw, anhte mung, Karai Kasang a Hpung ni mung, dai zawn re ai htung n nga ga ga ai.

1 KORINHTU 11:34

Nanhte a zuphpawng ai gaw tara dara hkrum na matu n rai u ga, masha langai ngai kawsi nga a yang gaw, nta e naw sha la u ga. Galoi rai tim ngai du yang she, naw ngam ai lam hte hpe ngai hkan shachyip na we ai.

1 KORINHTU 14:33

Karai Kasang gaw kashuk kashak lam a Karai Kasang n re ai sha, ngwipyaw lam a Karai Kasang she rai nga ai. Chyoi pra ai ni a Hpung ni yawng hta e rai nga ai hte maren,

1 KORINHTU 16:1

Ya, chyoi pra ai ni a matu alu lahkawn ai lam, Galati hpung ni hpe ngai htet da ai hte maren, nanhte mung galaw mu.

1 KORINHTU 4:17

De a majaw, dai Madu hta tsawra ai hte sadi sahka nga ai, ngai sha Timohti hpe nanhte hpang de ngai shangun dat we ai; shi gaw, shara magup hkan e Hpung ni yawng hte hpe ngai sharin shaga ya ai hte maren, Hkristu Yesu hta na nye a lam ni, nanhte hpe shadum jahprang na marin dai.

1 KORINHTU 7:18

Matu gadoi hkam ai wa shaga da ai hkrum a yang gaw, matu gadoi hkam ai hpe shi n shinggan u ga. Matu gadoi n hkam ai wa shaga da ai hkrum a yang gaw, matu gadoi ai shi n hkam u ga.

1 KORINHTU 7:24

Hpunau ni e, langai hte langai shaga da ai hkam ai hte maren, Karai Kasang a man e naw nga nga u ga law.

1 KORINHTU 7:7

Masha yawng mayawng ngai zawn rai na ngai ra nngai; rai timung, langai hte langai gaw Karai Kasang kaw na tinang a chyeju kumhpa lu la shajang ma ai; marai langai mi gaw amyu langai mi, kaga gaw amyu kaga lu la shajang ma ai.

2 KORINHTU 11:28

Dai shinggan de na kyin dut ai hta kaga, Hpung ni yawng hte a lam myit ru myit tsang ai gaw, shani shagu ngai hpe a shadut shatsang nga ni ai.

2 KORINHTU 8:18

Dai kabu gara shiga nhkan e Hpung ni yawng hta shakawn hkrum ai hpunau wa hpe mung, anhte shi hte rau shangun dat ga ai;

GALATI 1:22

Hkristu hta e nga ai, Yuda mung na Hpung ni chyawm gaw, nye a myi man hpe rai n chye n dum ma ai rai nna,

1 HTESALONI 2:14

Kaning rai nme law, hpunau ni e, Yuda mung na Hkristu Yesu hta e rai nga ai Karai Kasang a Hpung ni a hkan sharau ai ni nanhte mung tai wa manit dai rai nna, Yuda mung na ni gaw tinang a amyu masha ni a lata la na nni nkri hkrum ma ai hte maren, nanhte mung nanhte a mung masha ni a lata la na hkrum myit dai:

2 HTESALONI 1:4

Dai rai nna nanhte hkam ai zingri zingrat hte nni nkri mahkra hta, nanhte a galu kaba ai myit hte makam masham a majaw, Karai Kasang a Hpung ni a man e anhte hkum nan lala, nanhte a jaw e gumrawng kabu nga ga ai.