1 KORINHTU 6:9 - Jinghpaw Hanson Version Bible

⁹ N ding n man ai ni gaw Karai Kasang a mungdan a sali wunli n hkam la lu na re ai, nanhte n chye nga myit ni? Lam hkum dam myit: hpye ai amu galaw ai ni mung, gawngngu sumla nawku ai ni mung, num shaw ai ni mung, ngang ai ni mung, la shada tam ai ni mung,

Jinghpaw Common Language Bible 2009

⁹ N hkru n kaja ai ni gaw Karai Kasang a mungdan a sali wunli n hkam la lu na re ai, nanhte n chye nga myit ni? Lam hkum dam myit; hpye ai amu galaw ai ni, gawkngu sumla nawku ai ni, num shaw ai ni, la shada tam ai ni,

1 KORINHTU 6:9 ပူးပေါင်းရင်းမြစ်များ

NINGPAWT NINGHPANG 19:5

Lawt hpe shaga let, “Dai na nang kaw du ai manam yan, kanang nga ma ta? Dai yan hte anhte kanawn lu na matu shapraw ya mi,” ngu mu ai.

PRU MAT 23:1

N teng n man ai shiga nang htawn tsun lu na n rai; tara n lang ai ni hte rau n teng n man ai sakse hkam na, na a lata hkum sharawt et.

GA SHAGAWP 11:1

Yehowa gaw n man ai joi jang hpe matsat nna, Tengman ai joi si hpe, ra sharawng nga ai.

GA SHAGAWP 22:8

Yubak nli hpe gat hkai ai wa gaw, yubak dan la na ra ai; Shi maw ai pawt sindawng ai lam mat mat na ra ai.

GA SHAGAWP 7:27

Shi nta na lam gaw, katsan ga de ang wa nna, Si du a gawk ni de, yu wa nga ai.

ESAIA 55:7

tara n lang ai wa gaw shi a lam hpe, n hkru ai wa gaw shi a myit mang ai hku kau da nna, Yehowa hpang de kayin wa u ga; shing rai yang shi gaw dai wa hpe matsan dum na ra ai; anhte a Karai Kasang hpang de mung kayin wa u ga; shi gaw yubak hpe htum hkra raw dat kau ya na ra ai.

EZEKELA 18:11

yubak langai mi n koi kau ai sha, bum ntsa e shat sha, masha jan shaw,

JAW JAU 18:20

Tinang hkum hpe wu sin kau na hku, masha jan nang shaw lu na n rai.

JAW JAU 18:22

Num hte kanawn ai zawn lasha shada kanawn lu na n rai; dai gaw matsat shabat lam rai nga ai.

JAW JAU 19:15

Tara jeyang ai lam hta n sun n ang ai hku dawdan ya lu na n rai; matsan jahkrai hpe mung n maga, kaba ai wa a myi man mung n tau ai sha, tengman ai hku hkan nna na a baw sang lapran jeyang ya lu na rai ndai.

JAW JAU 20:13

Numsha hte kanawn ai zawn lasha shada kanawn ai rai yang, dai yan gaw matsat shabat amu galaw ma ai majaw, sat kau ai teng teng hkrum na rai mu ai: shan gaw si ging ai yubak lu ma ai.

ZEHKARIA 5:3

Shaloi shi gaw, “Da ndai gaw mungdan ting hta bra nga ai dagam dala lam rai nga ai: kaning rai nme law, lagu lagut yawng, dai laika man mi a ga hte maren, jahtum kau ai hkrum na ra ai; masu lam dagam ai ni langai hte langai laika man mi a ga hte maren, jahtum kau ai hkrum na mara ai.

MAHTE 19:29

Nye amying a matu mara, nta, kahpu kanau, kajan, kanu kawa, kashu kasha hte yi hkauna hte hpe kau da ai wa kadai rai timung, htam law law wa lu la nna, htani htana asak a sali wunli hkam la na ru ai.

MAHTE 25:34

Shaloi e dai Hkawhkam wa gaw shi a hkra maga de nga ai ni hpe, “Nye a Wa kaw na shaman ya lu la ai ni e, sa marit; ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu:

LUKA 21:8

Shaloi shi gaw, “Nanhte hkalem kau ai n hkrum myit ga, sadi nga mu: kaning rai nme law, masha law law wa nye a amying hte paw pru nna, ‘Ngai gaw dai wa rai nga nngai, ahkying mung du ra ai,’ nga nna tsun na mara ai: shanhte a hpang hkum hkan nang myit.

KASA 20:32

Ya gaw ngai nanhte hpe Karai Kasang kaw mung, shadaw shangang ya lu ai hte, shachyoi shapra lu la ai ni nlang hte rau, nanhte hpe Sali wunli jaw ya lu ai, shi a chyeju mungga hta mung, ap da masade ai.

KASA 24:25

Pawlu gaw dinghpring ai lam, tinang hkum hkang ai lam hte du magang ra ai tara dara ai lam shapraw dan wu yang, Hpilik kajawng nna, “Ya naw wa su, ngai rau jang me nang hpe shaga na de ai,” ngu wu ai.

ROMA 1:18

Kaning rai nme law, dai tengman ai lam hpe n ding n man ai hte dip shadang da ai masha ni a tara n hkungga ai hte n ding n man ai amu mahkra a ntsa e, Karai Kasang a masin pawt ai myit gaw, lamu de nna dan pru nga ai:

1 KORINHTU 15:33

Nanhte lam hkum dam myit; N kaja ai kanawn manang ni, mai kaja ai arawn alai hpe jahten ma ai.

1 KORINHTU 15:50

Hpunau ni e, ning nga ngai tsun nngai gaw, hkum shan yan asai gaw Karai Kasang a mungdan a sali wunli n dagraw lu ai hte, hten mat chye ai gaw, n hten n mat chye ai sali wunli hta shang lu na n rai.

1 KORINHTU 3:16

Nanhte gaw Karai kasang a nawku htingnu rai nga nna, Karai Kasang a Wenyi gaw nanhte hta e rawng nga malit dai hpe, nanhte n chye nga myit ni?

1 KORINHTU 5:1

Nanhte hta e hpye ai amu rai nga ai gaw, gaja wa pri kajai wa masai: maigan ni hta pyi n lawm ai hpye ai amu rai nga ai rai nna, marai langai mi gaw shi a kawa a num shaw nu ai, rai nga ai.

1 KORINHTU 5:10

rai timung, ndai mungkan ga na hpye ai amu galaw ai ni hte, nammak lawhpa ai ni, dip lu dip sha ai ni hte gawngngu sumla nawku ai ni hte n kanawn lu na, ngai n myit nngai: dai lam rai yang gaw, nanhte mungkan ga na pru mat wa na sha rai nga ai.

1 KORINHTU 5:11

Ya chyawm gaw, hpunau ngu ai wa gaw, hpye ai hte nammak lawhpa ai, gawngngu sumla nawku ai, shatan nhkan ai, chyaru ya shang ai hte dip lu dip sha ai wa rai nga a yang gaw, n kanawn lu ai hta n-ga, shing re ai wa hte n jawm lu n jawm sha lu na, ngu nna nanhte hpe ka dat nngai.

1 KORINHTU 6:10

lagu lagut ni mung, nammak lawhpa ai ni mung, chyaru ya shang ai ni mung, shatan nhkan ai ni mung, dip lu dip sha ai ni mung, Karai Kasang a mungdan a sali wunli hpe hkam la lu n rai.

1 KORINHTU 6:18

Hpye ai amu hpe zai nga mu: masha e galaw nga ai yubak nga manga gaw, tinang a hkumhkrang a shinggan e nga nga ai; hpye ai amu galaw ai wa mahtang gaw, shi a hkumhkrang hpe nan shut hpyit da wu ai.

1 KORINHTU 6:19

Dai hta n-ga, nanhte a hkumhkrang gaw, Karai kasang kaw na nanhte lu la ai hte, nanhte hta e rawng nga ai Chyoi pra ai Wenyi a htingnu rai nga ai, nanhte n chye nga myit ni? Nanhte gaw tinang hkum hpe pyi up lu ai n rai;

1 KORINHTU 9:24

Gat shingjawng ai shara e yawng gat ma timung, marai langai wa sha dai kumhpa lu la nga ai, nanhte n chye nga myit ni? Shing rai nanhte lu la hkra gat shingjawng nga mu;

2 KORINHTU 12:21

nanhte hpang de ngai bai du ai shaloi, nye a Karai Kasang gaw nanhte a man e ngai hpe shagrit nhtawm, shawng e yubak galaw nna, tinang galaw ai n se ai lam hte, shut hpyit nna ngang ai amu a lam hta, myit n malai ai law law hte a majaw ngai myit yawn ai hkrum na nngai hpe mung, myit tsang nga nngai.

GALATI 6:7

Lam hkum dam myit; Karai Kasang hpe n sawn n sang di lu na n rai: masha gaw gat hkai ai hte maren, dan la na ra ai.

TARA JAHPRANG 22:22

Dinghku num hte kaga la wa shut nga ai mu hkrup yang, dai la wa hte num jan, shan lahkawng gaw sat kau ai hkrum lu na rai nga ai: shing di, Israela amyu hta na n shawp ai yubak seng kau na rai ndai.

TARA JAHPRANG 22:5

Numsha gaw ala a hpun palawng bu hpun lu na n rai; lasha mung anum hpun palawng bu hpun lu na n rai: dai lam galaw ai ni gaw na a Karai Kasang Yehowa a man e matsat shabat rai nga ma ai.

TARA JAHPRANG 23:17

Israela amyu shayi sha ni hta na hpara shawa num da lu na n rai; Israela amyu shadang sha ni hta na mung hpara shaw la da lu na n rai.

KOLOSE 3:5

Dai re ai majaw, hpye ai amu, awu asin re ai amu, ngang kayut ai, n hkru n hkra re ai marin marit ai hte, gawngngu sumla nawku ai rai nga ai nammak lawhpa ngu ai, ga ntsa na nanhte a daw shan ni hpe sat kau mu:

HEBRE 12:14

Masha yawng mayawng hte ngwipyaw lu hkra mung, chyoi pra ai hpe dep lu hkra mung, hkan tam nga mu; chyoi pra ai n rawng yang gaw, kadai mung dai Madu hpe mu lu na n rai.

HEBRE 12:16

shat ma mi a matu sha hte kasha alat a akyu dut kau ai Esaw zawn, shut hpyit ai hte tara n hkungga ai wa n rawng nga malit ga mung, hkap yu sadi nga mu:

HEBRE 13:4

Hkungran ai lam gaw, yawng mayawng a man e arawng lu u ga; hkungran ai yup ra mung, san seng nga u ga: kaning rai nme law, hpye ai amu galaw ai ni hte num shaw la shaw ai ni hpe, Karai Kasang tara dara na wu ai.

YAKU 1:16

Nye a tsawra ai hpunau ni e, myit hkum dam myit.

1 YAWHAN 3:7

Shu sha ni e, kadai mung nanhte hpe lam n shadam myit ga: shi gaw dinghpring nga ai hte maren, dinghpring ai amu galaw ai wa kadai mung, dinghpring nga ai.

SHINGRAN 21:8

Hkrit ai myit rawng ai ni, n kam n sham ai ni, matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si lam rai nga ai,” nga nna ngai hpe tsun ai.

SHINGRAN 22:15

Shinggan e gaw, gwi n re ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte nga ma ai, nga nna ngai hpe tsun nngai.

TARA AGYI 19:22

Shing rai apyaw alaw nga nga ma yang, dai mare na n hkru ai masha nkau mi, nta dai hpe sa wang nna, chyinghka sa adup mu ai: nta madu dingla hpe mung shaga nna, “Na nta de shang wa ai la wa hte nga sha mayu ga ai, shapraw dat ru,” ngu mu ai.