1 KORINHTU 6:20 - Jinghpaw Hanson Version Bible

²⁰ nanhte jahpu manu daw nna mari da sai ni rai nga myit dai: dai re ai majaw, nanhte a hkumhkrang hte Karai Kasang hpe shagrau sha-a nga mu law.

Jinghpaw Common Language Bible 2009

²⁰ Madu gaw nanhte hpe jahpu manu daw nna mari da sai ni rai nga myit dai; dai re ai majaw, nanhte a hkum hkrang hpe Karai Kasang a hpung shingkang dan hkung na matu jai lang nga mu.

1 KORINHTU 6:20 ပူးပေါင်းရင်းမြစ်များ

ESAIA 44:22

Ngai gaw na a tara tawt lai ai hpe htat ai sumwi zawn, na a yubak mara hpe saiwan zawn, jahkoi kau we ai: ngai hpang de wa rit; ngai nang hpe mawai la ni ai.

MAHTE 5:16

Dai rai nna, masha ni gaw nanhte a kaja ai bungli mu lu nna, sumsing lamu e nga ai nanhte a Kawa hpe shagrau sha-a lu mu ga, shanhte a man e nanhte a nhtoi hpe htoi tu shangun da mu law.

KASA 20:28

Karai Kasang gaw shi a sai hte mari la ai Hpung hpe yu lahku na matu, Chyoi pra ai Wenyi nanhte hpe Hpung up ni shatai manit dai majaw, nanhte gaw, tinang hkum dai hte, sagu hpung ting hpe, sadi sahka hte yu nga mu law.

ROMA 12:1

Dai re ai majaw, hpunau ni e, nanhte a hkumhkrang hpe, hkrung nga ai, chyoi pra ai hte, Karai Kasang kaw sharawng awng ai hkungga matu nawng ya na, Karai Kasang a chyeju hte ngai nanhte hpe shadut shahkat dat made ai: dai gaw nanhte a myit masin a daw jau ai lam rai nga ai.

ROMA 6:19

Nanhte gawng shingma kya nga myit dai majaw, masha a hku hkan nna sha ngai tsun nngai: kaning rai nme law, n tara ai bungli galaw u ga, nanhte a daw shan ni hpe awu asin re ai hte n tara ai a mayam ni tai na, nanhte ap kau manit dai hte maren, chyoi pra ai lu la hkra, dinghpring ai a mayam ni tai na, nanhte a daw shan ni hpe ya e ap ya mu.

1 KORINHTU 10:31

Dai re ai majaw, nanhte sha timung, lu timung, hpa galaw timung, nga manga hta Karai Kasang a hpung shingkang tam let, galaw nga mu.

1 KORINHTU 7:23

Jahpu manu daw nna mari da sai ni nanhte rai nga myit dai: masha a mayam hkum tai myit.

GALATI 3:13

Hpun hta e jen da hkrum ai wa kadai rai timung dagam dala hkrum ai wa rai nga ai, nga nna ka da nga ai hte maren, Hkristu gaw anhte a matu mara dagam dala hkrum ai wa tai wa ai majaw jep ai tara a dagam dala kaw na anhte hpe hkrang shaw la mi ai:

HPILIPI 1:20

nanhte a akyu hpyi ai hte Yesu Hkristu a Wenyi a lanawn ya ai a marang e, ndai lam mung nye a hkye hkrang la ai lam tai na re ai, ngai chye nga nngai.

HEBRE 9:12

bainam hte dumsu kasha a asai hte n rai, shi hkum nan a asai hte, dai chyoi pra ai shara kata de, lang lata sha shang nna, htani htana hkrang shaw la ai lam lu la nu ai.

1 PETRU 1:18

Kaning rai nme law, ji wa ni kaw nna hkan dagraw nga ai nanhte a n se ai arawn alai hta na, hten mat chye ai aja gumhpraw hte nanhte hpe galai hkrang la lu na n rai;

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

2 PETRU 2:1

Rai timung, amyu masha ni hta e, masu ai myihtoi ni mung paw pru ma ai; dai hte maren, nanhte hta e mung, masu ai sara ni paw pru wa na mara ai rai nna, jahten shabya chye ai bra wa ai ga hpe, mayun jashawn la nna, shanhte hpe mari la sai Madu hpe nyet kau ai hte, tinang dai a ntsa e tsin-yam tsindam hpe, larau ladau du shangun na maru ai.

SHINGRAN 5:9

shanhte gaw, Nang sat kau hkrum ndai hte, baw lakung shagu hta na mung, ga amyu shagu hta na mung, amyu baw shagu hta na mung, masha mungdan shagu hta na mung, Karai Kasang a matu na a asai hte masha hpe mari la nit dai rai nna,