1 KORINHTU 5:8 - Jinghpaw Hanson Version Bible

⁸ Dai rai nna, dingsa matsi hte n rai, n hkru n hkra ai hte hpye ai amu ngu ai matsi hte mung n re ai sha, matsi n rawng ai san pra nna tengman ai hte, anhte poi galaw sha ga.

Jinghpaw Common Language Bible 2009

⁸ Dai rai nna yubak mara hte n hkru n shawp ai arawn alai ngu ai matsi dingsa lawm ai muk tawng hte n re ai sha, san seng ai myit masin hte teng man ai ngu ai matsi n rawng ai muk tawng hte Shalai wa ai Poi galaw sha ga.

1 KORINHTU 5:8 ပူးပေါင်းရင်းမြစ်များ

SHAKAWN KUNGDAWN 32:2

Yehowa e mara n shagun nna, shi a wenyi hta ra n rawng ai wa gaw, a nga ai.

SHAKAWN KUNGDAWN 42:4

Kaning rai nme law, shawa masha ni hte ngai lung wa nna, Poi galaw ai hpawng hpe kabu ai nsen hte mahkawn mangoi let, Karai Kasang a nta de woi sa sa di de ai gaw, Ngai dum nga nna, nye a myit masin ngai hta kabrawng nga ai.

PRU MAT 12:15

“Sanit ya tup matsi n rawng ai muk nanhte sha nga na rai myit dai; nnan shani nna pyi, nta hkan na matsi nanhte seng kau na rai myit dai; kaning rai nme law, nnan shani kaw nna sanit ya nhtoi du hkra matsi rawng ai muk sha ai wa gaw, Israela a amyu hta na sumri dan kau ya ai hkrum na ra ai.”

PRU MAT 12:19

“Sanit ya tup nanhte a nta ni hta matsi rawng nga lu na n rai; matsi rawng ai muk sha ai wa gaw, sa shingbyi nga ai wa rai timung, dai mung e dai daw ai wa rai timung, Israela a shawa hpung hta na, sumri dan kau ya ai hkrum na ra ai.”

PRU MAT 12:8

Dai shana e dai shan hpe wan hta kakang nhtawm, matsi n rawng ai muk hte sha na rai mu ai: hka ai shatmai lap hte mung sha na rai mu ai.

PRU MAT 13:6

Sanit ya tup matsi n rawng ai muk nang sha nna, dai sanit ya nhtoi hta Yehowa a poi rai na rai nga ai.

PRU MAT 13:7

Matsi n rawng ai muk sha nga ai sanit ya tup hta rai na ra ai: matsi rawng ai muk nang kaw mu lu na n rai; nang hte na a mung ting hta mung matsi rawng mai na n rai.

ESAIA 25:6

Zaw nawng zaw wa up ai Yehowa gaw ndai bum ntsa e amyu baw yawng a matu sau ai lusha hte tsabyi machyan poi galaw na ra ai; dai poi hta laswi hpring ai sau ai baw hte, jet ai tsabyi machyan dingsa lusha na mara ai.

ESAIA 30:29

Chyoi pra ai poi galaw ai shana e zawn, nanhte mahkawn mangoi na marin dai; Israela lunghkrung ngu ai, Yehowa a bum de sumpyi dum let lung wa ai zawn, kabu gara na myit dai.

JAW JAU 23:6

Bai, dai shata a shi manga ya shani e Yehowa a azuma poi rai nga ai: nhtoi sanit ya tup matsi n rawng ai muk nanhte sha na rai myit dai.

MAHTE 16:12

Dai rai nna, muk hta na matsi hpe n rai, Hparishe ni hte Saduke ni a sharin shaga ai lam koi kau na she, shi tsun nga ai hpe, shanhte chye na mu ai.

MAHTE 16:6

Shaloi Yesu gaw, “Hparishe ni hte Saduke ni a matsi hpe matsing da nna koi kau mu,” ngu nna shanhte hpe tsun wu ai.

MARKU 8:15

Shaloi shi shanhte hpe, “Hparishe ni a matsi hte Herod a matsi hpe koi kau lu myit ga, sadi nga mu,” ngu nna shanhte hpe ginhtim da mu ai.

LUKA 12:1

Dai shaloi masha hkying mun wa zuphpawng nga nna, shada da kabye hkra rai nga ma yang, shi a sape ni hpe shi shawng tsun hpang mu ai gaw, “Sawt ai myit ngu ai, Hparishe ni a matsi hpe koi kau mu.

YAWHAN 1:47

Hpilip gaw, “She, sa yu rit,” ngu wu ai. Shaloi Yesu gaw, Nahtanela shi hpang de sa wa ai hpe mu wu yang, shi hpe sha-ang nna, “Sawt ai myit n rawng ai, Israela masha majing hpe yu yu mu,” ngu wu ai.

1 KORINHTU 3:3

kaning rai nme law, nanhte shinggyim ta naw rai nga myit dai. Nanhte hta e manawn masham hte ga law ga la rai nga myit dai majaw, nanhte shinggyim ta naw rai nga myit dai hte, mungkan masha zawn, naw hkawm nga myit dai, n rai myit ni?

1 KORINHTU 5:1

Nanhte hta e hpye ai amu rai nga ai gaw, gaja wa pri kajai wa masai: maigan ni hta pyi n lawm ai hpye ai amu rai nga ai rai nna, marai langai mi gaw shi a kawa a num shaw nu ai, rai nga ai.

1 KORINHTU 5:6

Nanhte a gumrawng gumtawng ai gaw mai kaja nga ai n rai. Matsi loi mi gaw muk tawng ting hpe shawawm dat wu ai, nanhte n chye nga myit ni?

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

2 KORINHTU 2:17

Ndai bungli shachyen na kadai wa ging ram nga a ta? Kaning rai nme law, Karai Kasang a mungga hpe pau chye ai masha law law ni zawn anhte n rai nga ai sha, san seng ai myit hte mung, Karai Kasang kaw nna mung, Karai Kasang a man e anhte Hkristu hta tsun nga ga ai.

2 KORINHTU 8:8

Ning nga tsun ai gaw htet da ai ga tsun nngai n re ai sha, kaga ni a shakut sharang ai hpe tau yu nna nanhte a tsawra ai myit majing hpe chyam yu na she, tsun nga nngai.

EHPESU 6:24

Anhte a Madu Yesu Hkristu hpe n sawt ai myit hte tsawra ai ni nlang hte hta, akyu ara rai nga u ga law.

TARA JAHPRANG 16:16

Laning mi hta masum lang ngu na, azuma poi, bat sanit poi, sum poi re ai aten ni hta, nanhte hta na lasha ni nlang hte gaw, na a Karai Kasang Yehowa san da ai shara, shi a man e myi man madun lu na rai myit dai: dai shaloi e kadai mung Yehowa man de kaman dawng pru lu na n rai:

TARA JAHPRANG 16:3

Dai poi hta matsi rawng ai muk nang sha lu na ndai n rai: nang hkrung nga prat dingsa, Egutu mung na pru wa ai lam hpe nang dum nga lu hkra, sanit ya tup nni nkri ngu na matsi n rawng ai muk nang sha lu na rai ndai: kaning rai nme law, Egutu mung na nang tin shapun pru wa nit dai.

YAWSHU 24:14

“Dai re ai majaw, Yehowa hpe hkrit hkungga nna, sadi sahka re ai hte tengman ai hku shi hpe jaw jau nga mu: Hka wora hkran na hte Egutu mung e nanhte a nji nwa ni jaw jau ai Hpara ni hpe kau da nna, Yehowa hpe jaw jau nga mu.

1 PETRU 4:2

ndai hkum tsawp hta e naw ahkrung nga ai aprat e, masha a myit marin ai hku n hkan ai sha, Karai Kasang a myit hpe hkan nang lu myit ga, nanhte mung dai myit hpe nan, hpyen palawng zawn ahpun da nga mu.