1 KORINHTU 5:11 - Jinghpaw Hanson Version Bible

¹¹ Ya chyawm gaw, hpunau ngu ai wa gaw, hpye ai hte nammak lawhpa ai, gawngngu sumla nawku ai, shatan nhkan ai, chyaru ya shang ai hte dip lu dip sha ai wa rai nga a yang gaw, n kanawn lu ai hta n-ga, shing re ai wa hte n jawm lu n jawm sha lu na, ngu nna nanhte hpe ka dat nngai.

Jinghpaw Common Language Bible 2009

¹¹ Ya ngai ngu mayu ai gaw, tinang hkum hpe Hkristan hpu nau wa rai nga nngai nga nhtawm me, hpye ai lam hkan ai, nammak lawhpa ai, gawkngu sumla naw ai, shatan nhkan ai; chyaru ya tai ai hte lagu lagut re ai ni hte n kanawn lu na hta n ga, shing re ai wa hte rau dung nna pyi n jawm lu n jawm sha lu na, ngu ai lam rai nga ai.

1 KORINHTU 5:11 ပူးပေါင်းရင်းမြစ်များ

SHAKAWN KUNGDAWN 10:3

Tara n lang ai wa, shi myit masin ra ai hku shakawn nga ai, Lawhpa ai wa gaw Yehowa hpe kau da nna, asawng nga ai.

SHAKAWN KUNGDAWN 101:5

Shi a htingbu wa hpe mayun de nna shi htawn ai wa hpe, ngai atsai awai di kau na we ai: Gumrawng nna myit kaba ai wa hpe, ngai n dang hkam nngai.

EZEKELA 22:12

Sai jahkaw kau na matu, na a masha ni sake manawn sha ma ai; amyat sha na hte lu su na matu, gumhpraw hkoi ya ma ai; htingbu wa arai hpe lawhpa ai myit hte kashun la ndai: ngai hpe mung malap kau ndai,” nga nna Madu Yehowa tsun ai.

MAHTE 18:17

Shanhte a ga n madat hkraw a yang gaw, dai Hpung hpe sa shana ya mu: dai Hpung hpe mung n madat hkraw a yang gaw, tara maigan wa hte kang hta ai wa zawn, na a man e shi rai u ga.

MAHTE 23:25

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw dai gawm hte n-gawt hpe shinggan maga de jaseng mu ai mung, kata maga de kashun kashe hte n tara ai hte hpring chyat rai nga ai.

LUKA 18:11

Hparishe wa gaw tsap nna, ‘Karai Kasang e, ngai gaw hpya lu hpya sha ai, n ding n man ai, num shut num shaw re ai masha gale ni hte n bung nngai hta n-ga, ndai kang hta ai wa zawn pyi n rai nngai majaw, ngai nang hpe shakawn nngai:

LUKA 21:34

Rai timung, lu lai sha lai ai, chyaru nang ai, dinghta ga myit ru myit tsang ai hte nanhte a myit masin li nga nna, dai nhtoi gaw mahkam htim ai zawn, nanhte a ntsa e akajawng sha n du pru u ga, sadi nga mu:

KASA 1:15

Dai nhtoi hte yang, masha latsa e hkun daram rai hpawng nga ai kahpu kanau ni a ka-ang e Petru rawt tsap nna,

KASA 9:17

Shaloi Anani du sa nna, dai nta de shang nhtawm, Shawlu a ntsa e lata mara let, “Hpunau Shawlu e, nang myi bai mu lu nna, Chyoi pra ai Wenyi hpring lit ga nga, nang sa wa ai lam e, nang hpe shadan dan ai Madu Yesu gaw, ngai e shangun dat ni ai,” ngu wu yang,

ROMA 13:13

Tangpyaw shalai ai hte chyaru nang ai, shawa num gaswi ai hte ngang kayut ai, ga law ga la ai hte manawn masham ai hpe n hkan tam ai sha, shani chyingtung na shingdi ai zawn anhte a hkawm nga ga.

ROMA 16:17

Bai, hpunau ni e, nanhte hkam la ai sharin shaga ai lam hpe nhtan shai let, shabra sharun ai hte myit kataw shara shabyin ai ni hpe joi yu nna, shanhte hpe koi gam nga myit ga, ngai nanhte hpe shadum dat made ai.

1 KORINHTU 10:14

Dai re ai majaw, ngai tsawra ai ni e, sumla nawku na lam hpe koi gam mu.

1 KORINHTU 11:21

kaning rai nme law, sha nga myit yang, langai hte langai gaw tinang a shana shat shawng la sha nna, langai ngai gaw kawsi nga ai, langai ngai gaw tsabyi nang myit dai.

1 KORINHTU 5:13

Shinggan de nga ai ni hpe Karai Kasang jeyang nga ai, n rai ni? Dai n hkru n hkra ai wa hpe nanhte kaw na shaden kau mu.

1 KORINHTU 6:10

lagu lagut ni mung, nammak lawhpa ai ni mung, chyaru ya shang ai ni mung, shatan nhkan ai ni mung, dip lu dip sha ai ni mung, Karai Kasang a mungdan a sali wunli hpe hkam la lu n rai.

1 KORINHTU 6:6

Hpunau wa gaw hpunau wa hte n kam n sham ai ni a man e pyi, shawk hkat nga a hka?

1 KORINHTU 6:9

N ding n man ai ni gaw Karai Kasang a mungdan a sali wunli n hkam la lu na re ai, nanhte n chye nga myit ni? Lam hkum dam myit: hpye ai amu galaw ai ni mung, gawngngu sumla nawku ai ni mung, num shaw ai ni mung, ngang ai ni mung, la shada tam ai ni mung,

1 KORINHTU 7:12

Gale hte hpe, dai Madu n re ai sha, ngai tsun nngai gaw, hpunau langai ngai n kam n sham ai madu jan lu dam timung, dai numsha shi hte rau nga nga mayu a yang gaw, shi hpe n jahka kau u ga.

1 KORINHTU 7:15

Rai timung, dai n kam n sham ai wa gaw hka wa mayu yang, hka wa u ga: hpunau lasha hte numsha gaw shing re ai hta hkum da shara n nga nga ai rai nna, Karai Kasang gaw anhte hpe ngwipyaw ai hte shaga da ma ni ai.

1 KORINHTU 8:11

Shing rai, na a chye ginhka ai a majaw, n-gun n ja ai wa gaw hten wa sai; dai hpunau wa a matu mara Hkristu gaw si hkam nu hka!

GALATI 2:12

Kaning rai nme law, manang nkau mi gaw Yaku kaw na garai n du ma yang, shi gaw maigan masha ni hte rau shat sha nga ai; dai ni du ma yang, matu gadoi hkam ai ni hpe hkrit kang ai majaw, shi nan maigan ni hte hka nna tsan gang mat wa ai.

EHPESU 5:18

Chyaru hkum nang mu: dai hta e kabring kabrawng sha rai nga ai: Wenyi hte hpring tsup nga mu:

EHPESU 5:5

Kaning rai nme law, hpye ai wa, n san n seng ai wa hte, gawngngu sumla nawku ai wa rai nga ai nammak lawhpa ai wa kadai rai timung, Hkristu yan Karai Kasang a mungdan hta sali wunli hpe n lu nga ai gaw, nanhte nan chye na myit dai.

KOLOSE 3:5

Dai re ai majaw, hpye ai amu, awu asin re ai amu, ngang kayut ai, n hkru n hkra re ai marin marit ai hte, gawngngu sumla nawku ai rai nga ai nammak lawhpa ngu ai, ga ntsa na nanhte a daw shan ni hpe sat kau mu:

2 HTESALONI 3:14

Ndai laika hta rawng ai anhte a ga hpe, marai langai ngai n madat mara nga a yang gaw, shing re ai wa hpe matsing nga mu; shi kaya dum u ga shi hte hkum kanawn nga myit.

2 HTESALONI 3:6

Bai lam mi, hpunau ni e, anhte kaw nna hkam la ai matsun maroi ga hte maren n hkan hkawm ai sha, kajam galam re ai hpunau ni nlang hte kaw na daw hka wa myit ga, dai Madu Yesu Hkristu a mying nsang hte anhte nanhte hpe htet da ga ai.

1 TIMOHTI 3:3

chyaru len ai wa hte anu ajin re ai wa mung n re ai sha, sumnung ai, ga law ga la ai myit n rawng ai, aja gumhpraw n tsaw ai hte,

1 TIMOHTI 6:5

n san n seng ai myit rawng nna, tengman ai ga yet mat ai hte, tara hkungga ai lam gaw hpaga amyat sha ai lam sha rai nga ai, nga nna myit nga ai masha a ga law ga la ai lam pru wa ai.

2 YAWHAN 1:10

Marai langai ngai nanhte kaw sa du nna, dai sharin shaga ai ga hpe n lang a yang gaw, dai wa hpe nta kata de hkum jashawn mu; shi hpe hkum hkap shachyen nga mu:

SHINGRAN 2:14

Rai timung, sumla ni hpe nawng ya ai hkungga sha na hte hpye ai amu galaw na lam ngu ai myit kataw shara hpe, Israela kashu kasha ni a man e tawn da na, Balak hpe hpaji daw ya ai Balam a sharin shaga ai lam hta hkan nang ai ni nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.

SHINGRAN 2:20

Rai timung, tinang dai myihtoi num nga ai, dai numsha Yezebela gaw, nang hta naw nga lu ai majaw, nang hpe mara shagun shara ngai mu nngai: shi gaw nye a shangun ma ni hpe, hpye ai amu galaw na hte sumla ni hpe nawng ya ai hkungga sha na lam sharin ya nna, shanhte hpe shut shangun mu ai.

SHINGRAN 21:8

Hkrit ai myit rawng ai ni, n kam n sham ai ni, matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si lam rai nga ai,” nga nna ngai hpe tsun ai.

SHINGRAN 22:15

Shinggan e gaw, gwi n re ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte nga ma ai, nga nna ngai hpe tsun nngai.