1 KORINHTU 5:1 - Jinghpaw Hanson Version Bible

¹ Nanhte hta e hpye ai amu rai nga ai gaw, gaja wa pri kajai wa masai: maigan ni hta pyi n lawm ai hpye ai amu rai nga ai rai nna, marai langai mi gaw shi a kawa a num shaw nu ai, rai nga ai.

Jinghpaw Common Language Bible 2009

¹ Ya Hkristan n re ai maigan masha ni pyi n hkan galaw ai hkrithpa num la nse nsa lam nanhte hta nga nga ai lam masha ni hkrak tsun kajai nga ma ai hpe ngai na lu nngai. Masha langai mi gaw shi a hpang kanu hte rau nga sha nga ai lam ngai na lu nngai.

1 KORINHTU 5:1 ပူးပေါင်းရင်းမြစ်များ

NINGPAWT NINGHPANG 35:22

Israela dai yang e nga ai shaloi, Rubin gaw shi kawa a lashi num Bila kaw shang nna shi hte rau yup wu ai: dai lam Israela na wu ai. Ya Yaku a shadang sha ni shi lahkawng rai nga ma ai:

NINGPAWT NINGHPANG 37:2

Yawsep gaw asak shi sanit ning rai yang shi a kahpu ni hte sagu bainam ni rem nna nga ai; shi gaw kawa a madu jan Bila yan Zilhpa a kasha ni hte kanawn ai ma rai nga ai rai nna, Yawsep gaw shanhte a n shawp ai shiga kawa hpe shana ya ya rai nga ai.

NINGPAWT NINGHPANG 49:4

Hka zawn kabrawng ndai rai nna nang grau lu na n rai: Na nwa a yup ku hta nang lung nna, Dai hpe nang awu asin di kau nu ai:- nye a yup ku hta shi lung wa a hka:

2 SAMUELA 16:22

Dai hte maren dai htingnu ntsa e shanhte Absalom a matu sum gap nna, shi gaw Israela masha ni nlang hte a man e kawn a lashi num ni hpe shang madu wu ai.

2 SAMUELA 20:3

Shing rai Dawi gaw Yerusalem mare na shi a htingnu de bai du wa ai: shaloi hkawhkam wa gaw, shi a htingnu sin shangun da ai lashi num marai shi hpe, nta langai mi hta rawng da nna bau wu ai; rai timung, shanhte hpe n shum nu ai. Shanhte gaw si ai nhtoi du hkra rawng da ai hkrum nna, gaida zawn nga nga ma ai.

1 HKAWHKAM LABAU 5:1

Rubin gaw Israela a kasha alat rai nga ai: rai timung, kawa a yup ku hpe awu asin di kau wu ai majaw, hpu lat aya gaw Israela a kasha Yawsep hpe jaw kau wu ai rai nna, ahtik labau laika gaw hpu lat aya hku hkan wu ai n rai.

YEREMIA 2:33

Sumtsaw sumra tam na matu, na a lam hpe gade lajang nga n hka! Dai rai nna nang gaw n hkru ai num ni hpe pyi, na a lam sharin ya manu ai.

EZEKELA 16:47

Rai timung, nang gaw, shanhte a htung hking hte matsat shabat lam sha hkan ai n rai; dai hpe kaji sha zawn nawn nna, lam shagu hta shanhte hta grau n se nga ndai.

EZEKELA 22:10

Kanu hpe shaw ai ni nang hta nga ma ai; nba lang ai num hpe mung roi ma ai.

JAW JAU 18:8

Tinang kawa a madu jan ngu ai kadai hpe mung mai kahtep na n rai; dai gaw nwa hte sha seng nga ai.

AMO LAIKA (AMOS) 2:7

shanhte gaw matsan mayan ni a baw hpe, ga nhpu hte magap kau na ndawt nga nna, sumnung ai ni a lam hpe shanut kau ma ai; nye a chyoi pra ai amying ningsang awu asin hkrum hkra, kawa hte kasha gaw mahkawn langai sha hte jawm kanawn ma ai:

KASA 15:20

Hpara sumla ni a n san n seng ai hte, ndaw liknga lam, du manat sat ai shan hte, asai re ai ni hpe koi gam na lam, shanhte hpe laika hte shana mai ai, ngu nna ngai myit da we ai.

KASA 15:29

dai hte hpe nanhte koi gam nga yang, mai kaja na rai malit dai. Hkam kaja nga myit ga law,” nga ai.

1 KORINHTU 1:11

Kaning rai nme law, ngai hpu ngai nau ni e, nanhte hta ga law ga la rai nga myit dai gaw, Hkloe a nta na ni, nanhte a lam ngai hpe sa shana ya mi ai.

1 KORINHTU 5:11

Ya chyawm gaw, hpunau ngu ai wa gaw, hpye ai hte nammak lawhpa ai, gawngngu sumla nawku ai, shatan nhkan ai, chyaru ya shang ai hte dip lu dip sha ai wa rai nga a yang gaw, n kanawn lu ai hta n-ga, shing re ai wa hte n jawm lu n jawm sha lu na, ngu nna nanhte hpe ka dat nngai.

1 KORINHTU 6:13

Shahpa gaw kan a matu, kan gaw shahpa a matu rai nga ai; rai timung, Karai Kasang gaw dai yan hpe rau jahten na ru ai. Dai hkumhkrang chyawm gaw hpye ai amu a matu n re ai sha, dai Madu a matu rai nga ai; dai Madu mung hkumhkrang a matu rai nga ai:

1 KORINHTU 6:18

Hpye ai amu hpe zai nga mu: masha e galaw nga ai yubak nga manga gaw, tinang a hkumhkrang a shinggan e nga nga ai; hpye ai amu galaw ai wa mahtang gaw, shi a hkumhkrang hpe nan shut hpyit da wu ai.

1 KORINHTU 6:9

N ding n man ai ni gaw Karai Kasang a mungdan a sali wunli n hkam la lu na re ai, nanhte n chye nga myit ni? Lam hkum dam myit: hpye ai amu galaw ai ni mung, gawngngu sumla nawku ai ni mung, num shaw ai ni mung, ngang ai ni mung, la shada tam ai ni mung,

2 KORINHTU 12:21

nanhte hpang de ngai bai du ai shaloi, nye a Karai Kasang gaw nanhte a man e ngai hpe shagrit nhtawm, shawng e yubak galaw nna, tinang galaw ai n se ai lam hte, shut hpyit nna ngang ai amu a lam hta, myit n malai ai law law hte a majaw ngai myit yawn ai hkrum na nngai hpe mung, myit tsang nga nngai.

2 KORINHTU 2:5

Bai, marai langai ngai yawn shangun ai teng a yang gaw, (nau wa n daru mayu nngai) ngai hpe n re ai sha, nanhte nlang hpe zawn shayawn nga ai.

2 KORINHTU 7:12

Dai rai nna, nanhte hpe ka dat made ai gaw, shut hpyit ai wa a nhkan e n rai, shut hpyit hkam ai wa a nhkan e mung n re ai sha, anhte a matu mara nanhte a da hpran ai myit Karai Kasang a man e nanhte hpe shadan dan myit ga, ngai ka dat nngai.

GALATI 5:19

Hkum shan a bungli gaw dan dan leng leng rai nga ai rai nna, dai hte gaw: hpye ai amu, n san n seng ai amu, ngang ai amu,

EHPESU 5:3

Hpye ai amu, n san n seng ai yawng hte hte, nammak lawhpa ai hpe nanhte hta e ga hte pyi n shamying u ga; dai lam gaw chyoi pra ai ni a matu sut nga ai:

TARA JAHPRANG 22:30

Kadai mung tinang a kawa hte seng ai, kawa a madu jan hte nga sha lu na n rai.

TARA JAHPRANG 27:20

Kawa hte sha seng ai kawa madu jan hte nga sha ai wa gaw dingnye hkrum u ga le, nga nna dagam yang, amyu masha ni nlang hte gaw, Amen ngu nna htan na rai ma ai.

KOLOSE 3:5

Dai re ai majaw, hpye ai amu, awu asin re ai amu, ngang kayut ai, n hkru n hkra re ai marin marit ai hte, gawngngu sumla nawku ai rai nga ai nammak lawhpa ngu ai, ga ntsa na nanhte a daw shan ni hpe sat kau mu:

1 HTESALONI 4:7

Kaning rai nme law, Karai Kasang gaw n san n seng ai hta nanhte hpe shaga la manit dai n rai, chyoi pra ai hta shaga la manit dai.

SHINGRAN 2:21

Ngai shi hpe myit malai lu na aten jaw da rai timung, shi a hpye ai amu a lam hta na myit malai n lu hkraw nga ai.

SHINGRAN 21:8

Hkrit ai myit rawng ai ni, n kam n sham ai ni, matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si lam rai nga ai,” nga nna ngai hpe tsun ai.

1 SAMUELA 2:24

Dai gaw n mai sai, ngai sha yan e; ngai na ai shi gaw kaja ai shi n rai: Yehowa a masha ni shut mat na hku nan galaw myit hka.