1 KORINHTU 4:6 - Jinghpaw Hanson Version Bible

⁶ Hpunau ni e, ka da nga ai hte maren nanhte n lai lu na hte, langai wa hta myit kaba nna kaga wa hpe shinggan kau na n rai u ga, an a lam tau yu let nanhte sharin lu myit ga, ndai ga hte hpe ngai hte Apolo a lam, ngai nanhte a matu ga shadawn shatai nna sha-ang we ai.

Jinghpaw Common Language Bible 2009

⁶ Hpu nau ni e, nanhte a matu mai kaja ai lam hpe myit tau yu let, ndai lam hta ngai hte Apolo a lam hpe ga shadawn kasi shatai nna tsun dan made ai. Dai hku tsun dan ai lam gaw, “Hkan sa tara madung hpe lai nna hkum galaw mu,” nga ai ga malai a sung ai lachyum hpe nanhte chye na lu na matu rai nga ai. Nanhte gaw langai wa hta myit kaba gumrawng nna kaga wa hpe n gawn n sawn hkum rai myit.

1 KORINHTU 4:6 ပူးပေါင်းရင်းမြစ်များ

SHAKAWN KUNGDAWN 146:3

Hpa hta mung n karum lu ai, du ni hte, Shinggyim masha hpe, hkum hpa nga myit.

SHAKAWN KUNGDAWN 8:4

Nang adum nga ai shinggyim masha hte, Nang kawan yu nga ai masha kasha gaw, hpa wa mi rai nga a hka?

ESAIA 2:22

Ladi hte nsa sa ai shinggyim masha hpe hkum hpa myit; shi hpa hkaw a ta?

KASA 18:24

Dai hte yang, Apolo ngu ai, Alesandru mare na, zai byeng-ya rawng ai Yuda masha langai mi, Ehpesu mare de du ai: dai wa gaw, Chyum laika grai chye chyang ai wa rai nga ai.

KASA 19:1

Ya Apolo Korinhtu mare e nga nga yang, Pawlu gaw lahta mung hku ga sa wa nna, Ehpesu mare de du ai: dai yang shi sape nkau mi hpe hkrum ai rai nna,

ROMA 12:3

Dai rai nna, kadai mung tinang hkum hpe shadawn sharam ai hta nau wa n rai dum ai sha, Karai Kasang gaw langai hte langai hpe makam masham ren di nna karan jaw ai hte maren, mai myit ai lam chyu sha myit nga n ga, ngu nna ngai hpe jaw ai chyeju hte, nanhte kaw na langai hte langai hte hpe, ngai tsun dat nngai.

1 KORINHTU 1:12

Ning ngu nna ngai tsun made ai gaw, “Ngai chyawm gaw Pawlu hte seng nngai, ngai mahtang Apolo hte seng nngai; ngai gaw Kehpa hte seng nngai, ngai gaw Hkristu hte seng nngai,” nga nna nanhte langai hte langai tsun hkat shajang nga myit dai majaw, ngai tsun made ai, rai nga ai.

1 KORINHTU 1:19

Kaning rai nme law nga yang, “Hpaji rawng ai ni a hpaji hpe ngai jahten na nngai, Nyan rawng ai ni a nyan hpe ngai shinggan kau na nngai,” nga nna ka da nga ai.

1 KORINHTU 1:31

Dai re ai majaw, Gumrawng gumtawng re ai wa gaw, dai Madu hta gumrawng gumtawng nga u ga, nga nna ka da nga ai hte maren, rai na re ai.

1 KORINHTU 13:4

Tsawra ai myit gaw galu kaba nga ai, sumnung shingdi nga ai; tsawra ai myit gaw manawn masham n nga ai, grang ai ga n tsun ai, gumrawng gumtawng n rawng ai;

1 KORINHTU 3:19

Kaning rai nme law, ndai mungkan ga na hpaji byeng-ya gaw, Karai Kasang a man e angawk angak rai nga ai. Dai rai nna, Hpaji rawng ai ni hpe shanhte a hpaji hte shi shakrip mu ai;

1 KORINHTU 3:21

Dai re ai majaw, kadai rai timung masha hta e hkum gumrawng nga mu ga. Kaning rai nme law, yawng mayawng hte gaw nanhte a npu e rai nga ai:

1 KORINHTU 5:2

Nanhte madaw gumlu gumlan rai nga myit dai rai nna, shing re ai amu galaw ai wa hpe nanhte kaw na shaden kau ai hkrum u ga, yawn ai myit n madun ai sha nga nga myit ni?

1 KORINHTU 5:6

Nanhte a gumrawng gumtawng ai gaw mai kaja nga ai n rai. Matsi loi mi gaw muk tawng ting hpe shawawm dat wu ai, nanhte n chye nga myit ni?

1 KORINHTU 8:1

Ya, sumla ni hpe nawng ai hkungga a lam, anhte yawng mayawng chye ginhka ai myit rawng nga ai gaw, anhte dum chye ga ai. Chye ginhka ai myit gaw grang chye ai, tsawra ai myit chyawm gaw, shadaw shangang chye ai.

1 KORINHTU 9:23

Dai kabu gara shiga a akyu hta ngai mung lawm lu u ga, dai kabu gara shiga a jaw e ngai yawng mayawng hte hpe hkan galaw nngai.

2 KORINHTU 10:12

Kaning rai nme law, tinang a hkum hpe shagrau ai ni nkau mi hte hti lawm nna, anhte a hkum hpe shanhte hte shadawn yu na, anhte n gwi ga ai: shanhte gaw tinang a hkum hpe tinang dai shadawn nna, tinang a hkum hte tinang dai shabung nga ma ai majaw, myit n rawng nga ma ai.

2 KORINHTU 10:15

Bai anhte gaw masha kaga wa a bungli hta shang nna, shalai gumrawng ga ai n re ai sha, nanhte a kamsham ai myit kaba wa yang she, anhte a shadawn sharam da ai jarit tau yu let, nanhte a jaw e anhte grau nna kaba wa na ga ai rai nna,

2 KORINHTU 10:7

Nanhte gaw myi man sha yu matsing myit dai. Ngai gaw Hkristu hta e rai nga nngai, nga nna langai ngai myit da a yang gaw, shi nan Hkristu hta e rai nga ai hte maren, anhte mung rai nga ga ai, tinang hkum dai myit dum nga u ga.

2 KORINHTU 11:4

Kaning rai nme law, nanhte kaw sa du ai wa gaw, anhte n hkaw dan ai Yesu kaga a lam shi hkaw dan nna, nanhte n hkam la ai Wenyi kaga hpe nanhte hkam la myit dai hte, nanhte n hta la ai kabu gara shiga kaga hpe hta la myit yang gaw, shi a lam nanhte gaja wa sharang nga myit dai.

2 KORINHTU 12:19

Bai, anhte gaw nanhte a man e mara raw ai ga tsun nga ga ai, nanhte a nawn nga myit ni? Hkristu hta Karai Kasang a man e nan, anhte tsun nga ga ai. Rai timung, tsawra ai ni e, nanhte hpe shadaw shalan na matu, lam yawng mayawng hte gaw rai nga ai.

2 KORINHTU 12:20

Kaning rai nme law, nanhte hpang de ngai du yang, ngai ra ai hte maren nanhte n rai nga nna, nanhte ra ai hte maren ngai mung n rai nga na nhten, ngu nna ngai tsang nga nngai: gasat gala, manawn masham, n dawng n yawt ai, bra wa na lam, baw law ai ga, kadum kahte ai ga, grang ai ga hte kabrawng kabrang rai nga na hpe mung, ngai tsang nga nngai:

2 KORINHTU 12:6

Ngai gumrawng mayu timung, angawk angak ngai tai na nngai n rai; kaning rai nme law, tengman ai ga ngai tsun na nngai: rai timung, ngai hkum hpe mu ai hte nye a n-gup ga na lu ai hta n-ga, nye a lam kadai mung hpa n nawn mu ga, gumrawng na lam da kau na nngai.

2 KORINHTU 4:15

Kaning rai nme law, masha law law ni a gawp e chyeju gaw jat wa ai majaw, shakawn kungdawn ai ga gaw Karai Kasang a hpung shingkang matu mara law htam wa u ga, yawng mayawng gaw nanhte a matu mara rai nga ai.

KOLOSE 2:18

Myit shagyip ngu na lam tam nna, lamu kasa hpe nawku na htung hte, kadai mung nanhte hpe n hkalem sha u ga; shing re ai wa gaw tinang a man e mu ai hpe sha machyu nga ai hte, tinang hkum shan a myit hta kaman lila grang ai wa rai nna, dai baw hpe n manat nga ai;

1 HTESALONI 1:5

kaning rai nme law, anhte a kabu gara shiga gaw, mung sumtu hte sha du ai n rai, n-gun atsam hte, Chyoi pra ai Wenyi hte, maju jung ai grai wa hte, nanhte kaw e du lai wa sai; nanhte hte rau nga yang, nanhte a matu mara anhte kaning rai nga ga ai gaw, nanhte nan chye nga myit dai.

2 TIMOHTI 2:10

Dai re ai majaw, lata la hkrum ai ni mung, Hkristu Yesu hta na hkye hkrang la ai chyeju hte nawng, htani htana a hpung shingkang hpe hkam la lu mu ga, dai ni a matu mara hkrum mahkrum ngai hkam sharang nga nngai.