1 KORINHTU 4:4 - Jinghpaw Hanson Version Bible

⁴ Kaning rai nme law, ngai hkum dai mara n lu dum nngai: rai timung, dai gaw nye a dinghpring ai lam n rai nga ai: ngai hpe jeyang ai wa gaw, dai Madu rai nga ai.

Jinghpaw Common Language Bible 2009

⁴ Hpa majaw nga yang, ngai hkum dai myit asan sha, mara n lu dum nngai; rai ti mung ngai hta mara n kap ai ngu nna ngai n tsun mayu nngai, Ngai hpe jeyang ai wa gaw dai Madu rai nga ai.

1 KORINHTU 4:4 ပူးပေါင်းရင်းမြစ်များ

YOBA 15:14

Shinggyim masha gaw hpa wa rai nga nna, chyoi pra lu a ni? numsha hta shangai ai wa, kaning rai dinghpring lu a ta?

YOBA 25:4

Dai rai nna shinggyim masha gaw, Karai Wa man e kaning rai dinghpring lu a ta? Numsha hta shangai ai wa gaw, kaning rai san pra lu a ta?

YOBA 27:6

Nye dinghpring ai hta ngai dakan nga nna, n yen nngai; ngai hkrung nga dingsa nye myit ngai hpe mara shagun lu ai, n rai.

YOBA 40:4

“yu u, ngai hpa n re ai wa, nang hpe hpa htan lu na rai ta? Nye a lata hte nye n-gup hpe pat da na nngai.

YOBA 9:20

Ngai dinghpring, timung, nye a n-gup ngai hpe mara shagun na ra ai; ngai myit tsup, timung, ngai hpe gumlau shadu na ra ai.

SHAKAWN KUNGDAWN 130:3

Yehowa e, nang mara matsing nga yang gaw, Madu e, kadai tsap nga lu na rai ta?

SHAKAWN KUNGDAWN 143:2

Na a man e hkrung mahkrung n ding n man rai nga ma ai majaw, Na a mayam wa hpe tara hkum dara et.

SHAKAWN KUNGDAWN 19:12

N chye nna shut ai lam hpe kadai dum lu a ta? N dan ai yubak hta na mung, ngai hpe jasan la e.

SHAKAWN KUNGDAWN 26:12

Nye a lagaw dam lada ai shara hta e tsap nga ai: Shawa hpawng ni hta e, ngai Yehowa hpe shagrau sha-a na nngai.

SHAKAWN KUNGDAWN 50:6

Karai Kasang nan tara dara nga ai majaw, Sumsing lamu gaw shi a dinghpring ai hpe shana ya nga ai. [Selah.]

GA SHAGAWP 21:2

Masha a man e tinang lam yawng tengman nga ai; Yehowa chyawm gaw myit masin hpe shen yu nga ai.

GA SHAGAWP 29:26

Masha law law wa, du ni a man e myi man tam nga ai; Rai timung, Yehowa hkrai, masha amu hpe dawdan nga ai.

YAWHAN 21:17

Bai masum lang, “Yawhan a kasha Simun e, nang ngai hpe tsawra nga nni?” ngu nna san wu ai. Masum lang du hkra, Nang ngai hpe tsawra nga nni? nga nna shi hpe san wu ai majaw Petru myit yawn nna, “Madu e, nang gaw yawng mayawng hpe chye nga ndai; ngai nang hpe tsawra nga nngai gaw, nang chye nga ndai,” ngu nna, htan wu ai. Yesu gaw, “Nye a sagu ni hpe bau nga u.

KASA 23:1

Shaloi Pawlu gaw dai salang bawng hpe azi yu da let, “Hpunau ni e, dai ni du hkra Karai Kasang a man e, hkum tsup ai myit mang hte ngai hkan sa ni ai,” ngu mu ai.

ROMA 2:13

dai jep ai tara hpe na yu ai majaw sha Karai Kasang a man e dinghpring lu ai n rai; dai tara hkan galaw ai ni hpe mahtang gaw, dinghpring ai ngu na maru ai.

ROMA 4:2

Abraham gaw magam bungli hte dinghpring ai lu la a yang gaw, gumrawng gumtawng shara nga lu timung, Karai Kasang a man e n rai.

1 KORINHTU 4:3

Nanhte hte, masha e da ai nhtoi hta e, ngai hkum jeyang ai hkrum dam timung, dai gaw nye a matu amu kaji naw rai nga ai: nye a hkum hpe pyi ngai jeyang nngai n rai.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

2 KORINHTU 5:10

Kaning rai nme law, dai hkumhkrang hte kaja ai rai timung, n kaja ai rai timung, galaw saga ai hte maren, langai hte langai hkam la shajang mu ga, anhte nga manga Hkristu a tingnyang man e dawng pru na ra ga ai.