1 KORINHTU 4:15 - Jinghpaw Hanson Version Bible

¹⁵ Kaning rai nme law, Hkristu a lam sharin achyin ai sara mun mi dang nanhte lu myit timung, kawa law law wa n nga malit dai; dai kabu gara shiga jaw e, ngai nanhte hpe Hkristu Yesu hta e shaprat dat made ai.

Jinghpaw Common Language Bible 2009

¹⁵ Hpa majaw nga yang, nanhte a Hkristan asak hkrung lam hta nanhte hpe sharin achyin ya na sara mun mi dang lu myit ti mung, nanhte kawa langai sha lu myit dai. Ngai gaw dai Kabu Gara Shiga hkaw dan ai hku nna, nanhte hpe Hkristu hte kahkyin gumdin ai asak hkrung lam de du wa shangun ai nanhte a shangai kawa tai wa ni ai.

1 KORINHTU 4:15 ပူးပေါင်းရင်းမြစ်များ

BU HKAWM 11:12

Ndai amyu hpe shanhte a kaji kawa ni hta nang dagam da ai mung de, Ma kawa gaw ma chyangai hpe pawn ai zawn shanhte hpe pawn wa u, nga nna nang ngai hpe tsun na gaw, shanhte hpe nye a hkritung e gun we ni? ngai shanhte hpe shangai mawe ni?

ROMA 15:20

Rai timung, masha wa e gaw da ai npawt ntsa e n kahtap u ga, Hkristu a amying n na yu ai shara hkan e dai kabu gara shiga hkaw dan na, ngai nan myit makun nga nngai.

1 KORINHTU 1:30

Shi a jaw e Hkristu Yesu hta e nanhte rai la nga myit dai: shi gaw, anhte a matu mara, Karai Kasang kaw na, hpaji byeng-ya lam, dinghpring ai lam, shachyoi shapra ai lam hte htingrai htingrat ai lam, tai wa sai.

1 KORINHTU 15:1

Bai hpunau ni e, ngai nanhte hpe tsun dan yu nna, nanhte mung hkam la ai hte, hkan nang yu manit dai kabu gara shiga a lam, ngai nanhte hpe naw shapraw shadan dan na made ai;

1 KORINHTU 3:10

Karai Kasang ngai hpe jaw da ai chyeju hte maren, hpaji rawng ai nta shachyaw ai wa zawn, ngai npawt nhpang gaw da se ai; kaga hte gaw dai hta e gaw kahtap mu ai. Kaning rai gaw kahtap na hpe langai hte langai yu yu nga mu ga.

1 KORINHTU 3:6

Ngai gaw hkai da nngai, Apolo gaw ntsin jaw wu ai: Karai Kasang e she tu shangun nga ai.

1 KORINHTU 3:8

Dai hta kaga hkai da ai wa hte ntsin jaw ai wa gaw langai sha rai nga ma ai; rai timung, tinang a shakut sharang ai hte maren, langai hte langai gaw tinang a shabrai lu la na mara ai.

1 KORINHTU 9:12

Sara kaga ni gaw nanhte hta shing re ai ahkang lu ma yang gaw, anhte grau nna lu ang ga ai, n rai ni? Rai timung, dai ahkang hpe anhte n hkan ai sha, Hkristu a kabu gara shiga hpe n shadang u ga she, anhte lam shagu hta shakut sharang nga ga ai.

1 KORINHTU 9:14

Dai hte maren, dai kabu gara shiga hkaw dan ai ni gaw, dai kabu gara shiga hta asak bau lu na, nga nna dai Madu hkang da nga sai.

1 KORINHTU 9:16

Ndai kabu gara shiga hpe ngai hkaw dan nga yang, nye a matu gumrawng shara n nga ai; kaning rai nme law ngai n hkaw dan ai gaw n nga lu nngai; ngai n hkaw dan yang gaw, dingnye lu nngai.

1 KORINHTU 9:18

Dai re ai majaw, nye a shabrai gaw hpa rai nga a ta, nga yang, dai kabu gara shiga hkaw dan ai shaloi, kabu gara shiga a ahkang nau wa ngai n hkan ai rai nna, jahpu n hpyi ai sha, dai kabu gara shiga hpe shagrin da na, rai nga li ai.

1 KORINHTU 9:23

Dai kabu gara shiga a akyu hta ngai mung lawm lu u ga, dai kabu gara shiga a jaw e ngai yawng mayawng hte hpe hkan galaw nngai.

2 KORINHTU 4:5

Kaning rai nme law, anhte gaw tinang a lam hkaw dan ga ai n re ai sha, Madu Hkristu Yesu a lam hpe mung, anhte nan Yesu a jaw e nanhte a mayam ni rai nga ga ai lam hpe mung, hkaw dan nga ga ai.

GALATI 3:24

Dai rai nna, anhte gaw makam masham hte dinghpring wa u ga, anhte hpe Hkristu hpang de shangun dat na, jep ai tara gaw anhte a sharin ai sara tai wa sai.

GALATI 3:25

Dai makam masham ya du sai majaw, sharin ai sara a npu e anhte naw rai nga ga ai n rai.

GALATI 4:19

Nye a ma kaji ni e, Hkristu a shing-yan nanhte hta hkum wa ai du hkra, shangai wa ai shinggyim machyi hpe ngai nanhte a matu naw hkam nga nngai.

2 TIMOHTI 4:3

Kaning rai nme law, htawm hpang na prat e masha ni gaw, masan maseng ai sharin shaga ai lam hpe n madat hkam la lu ai hte, shanhte a ana kaya kaprep nna, tinang a myit kayut ai hku hte maren, tinang a matu mara sara shalaw la nhtawm,

TITU 1:4

anhte a Hkye hkrang la ai Madu, Karai Kasang a hkang da ai ga hte maren, nye a lata de ap ya ni ai. Kawa Karai Kasang hte, anhte a Hkye hkrang la ai Madu Hkristu Yesu kaw na, chyeju hte ngwipyaw ai gaw, anga nga u ga law.

HPILEMON 1:19

Ngai Pawlu gaw dai hka wa na, ngu nna nye a lata hte nan ka dat nngai: rai timung, na hkum nan pyi ngai hpe hka wa ra ndai, ngu nna ngai n tsun mayu nngai.

YAKU 1:18

Shi hpan tawn da ai amyu baw ni hta e, anhte alat amyu zawn tai wa u ga, shi myit ra ai hku hkan let dai dingman ai mungga hte shi anhte hpe shaprat dat mi ai.

1 PETRU 1:23

nanhte gaw hten mat chye ai nli hta na n rai, hten mat n chye ai, Karai Kasang ahkrung nga ai hte anga nga ai mungga nli hta, bai shangai wa lu manit dai.