1 KORINHTU 4:14 - Jinghpaw Hanson Version Bible

¹⁴ Nanhte hpe kaya jahkrum na, ndai lam ngai ka da nngai n rai; ngai tsawra ai sha ni hpe zawn ngai nanhte hpe shadum jahprang made ai.

Jinghpaw Common Language Bible 2009

¹⁴ Nanhte hpe kaya jahkrum na matu ndai lam ngai ka nngai n rai; ngai tsaw ngai ra ai nye a kashu kasha ni hpe zawn ngai nanhte hpe shadum jahprang made ai.

1 KORINHTU 4:14 ပူးပေါင်းရင်းမြစ်များ

EZEKELA 3:21

Shing n rai, dinghpring ai wa gaw yubak n galaw hkra, nang shi hpe shadum jahprang nga ai rai yang, shadum jahprang ai ga madat ai majaw, shi teng teng hkrung nga na ra ai; nang mung na a asak hpe hkrang la nu ai, nga ai.

KASA 20:31

Dai re ai majaw, ngai nanhte mahkra hpe masum ning tup shani shana n sim n sa myi prwi hte shadum jahprang da ai hpe, dum nna a maja nga mu.

1 KORINHTU 15:34

Dingman ai hku hkan na, dum hprang mu, yubak hkum galaw myit; nkau mi gaw Karai Kasang hpe n chye ma ai: nanhte kaya dum myit ga, ning nga ngai tsun nngai.

1 KORINHTU 4:15

Kaning rai nme law, Hkristu a lam sharin achyin ai sara mun mi dang nanhte lu myit timung, kawa law law wa n nga malit dai; dai kabu gara shiga jaw e, ngai nanhte hpe Hkristu Yesu hta e shaprat dat made ai.

1 KORINHTU 4:17

De a majaw, dai Madu hta tsawra ai hte sadi sahka nga ai, ngai sha Timohti hpe nanhte hpang de ngai shangun dat we ai; shi gaw, shara magup hkan e Hpung ni yawng hte hpe ngai sharin shaga ya ai hte maren, Hkristu Yesu hta na nye a lam ni, nanhte hpe shadum jahprang na marin dai.

1 KORINHTU 6:5

Nanhte kaya myit ga she ndai lam ngai tsun nngai. Hpunau shada a lapran e jeyang chye ai hpaji byeng-ya rawng ai masha langai mi pyi nanhte hta n nga a ni?

1 KORINHTU 9:15

Ngai chyawm gaw, ndai ahkang hpe loi mi mung n hkan nngai. Shing rai, ngai hpe dai zawn di mi ga mung, ngu nna ndai lam hte hpe ngai ka da nngai n rai; kaning rai nme law, marai langai ngai nye a gumrawng shara shayuk ai hta, ngai si wa na gaw, nye a matu grau mai nga ai.

2 KORINHTU 11:11

Dai gaw hpa majaw rai kun? Nanhte hpe n tsaw n ra ai majaw rai kun? Karai Kasang gaw chye nga ai.

2 KORINHTU 12:19

Bai, anhte gaw nanhte a man e mara raw ai ga tsun nga ga ai, nanhte a nawn nga myit ni? Hkristu hta Karai Kasang a man e nan, anhte tsun nga ga ai. Rai timung, tsawra ai ni e, nanhte hpe shadaw shalan na matu, lam yawng mayawng hte gaw rai nga ai.

2 KORINHTU 7:3

Nanhte hpe jeyang na ngai ning nga tsun nngai n rai; kaning rai nme law, rau si rau prawn lu hkra, nanhte nan anhte a kraw lawang e anga nga myit dai gaw, ngai shawng e tsun yu ni ai.

KOLOSE 1:28

Masha shagu hte hpe Hkristu a man e hkum tsup ai hte jashawn lu u ga, shi a lam anhte hkaw dan nna masha shagu hpe shadum jahprang ai hte, masha shagu hpe hpaji byeng-ya amyu myu hte sharin shaga nga ga ai.

1 HTESALONI 2:11

Kaning rai nme law, shi a mungdan hte hpung shingkang kaw nanhte hpe shaga la ai Karai Kasang hte nanhte ging dan let a hkawm nga lu myit ga,

1 HTESALONI 5:14

Bai, hpunau ni e, kajam galam re ai ni hpe shadum jahprang nga mu, myit kaji nga ai ni hpe shalan shabran nga mu, gawng kya ai ni hpe shadaw shangang nga mu, masha yawng hte hpe galu kaba ai myit madun nga mu;

2 HTESALONI 3:14

Ndai laika hta rawng ai anhte a ga hpe, marai langai ngai n madat mara nga a yang gaw, shing re ai wa hpe matsing nga mu; shi kaya dum u ga shi hte hkum kanawn nga myit.

HPILEMON 1:10

Ngai bawng dung nga yang, ngai shangai la ai, ngai sha Onesimu a matu ngai nang hpe hpyi nem dat nngai;

1 YAWHAN 2:1

Ngai shu ngai sha ni e, nanhte yubak n galaw myit ga, ndai hte gaw ngai nanhte hpe ka dat nngai. Rai timung, masha langai ngai yubak galaw hkrup a yang gaw, dai Kawa a man e, htinglu htinglai ya ai wa, Yesu Hkristu ngu ai dinghpring ai Madu gaw, anhte lu ga ai;

3 YAWHAN 1:4

Ngai shu ngai sha ni gaw, dai tengman ai lam hta hkan hkawm ma ai hpe, ngai na lu ai kabu gara ai shara hta, grau nna kabu gara ai shara ngai n lu nngai.