1 KORINHTU 3:9 - Jinghpaw Hanson Version Bible

⁹ Anhte chyawm gaw Karai Kasang a shingdep shingtau ni rai nga ga ai: nanhte gaw Karai Kasang a yi hkauna hte, Karai Kasang a wahpang htingnu, rai nga myit dai.

Jinghpaw Common Language Bible 2009

⁹ Hpa majaw nga yang, anhte gaw Karai Kasang a matu amu bungli galaw nga ai shingdep shingtau ni rai nga ga ai. Nanhte gaw Karai Kasang a yi hkauna hte Karai Kasang a wahpang htingnu rai nga myit dai.

1 KORINHTU 3:9 ပူးပေါင်းရင်းမြစ်များ

SHAKAWN KUNGDAWN 118:22

Wahpang gaw ai ni lata kau ai nlung gaw, Ningjut jahtum na nlung tai wa sai:

SHAKAWN KUNGDAWN 72:16

Mungdan na bum ni a pungding du hkra, nai mam paw wa nna, Lebanon zawn, de a nsi naisi a hkung nga lu ga: mare masha ni mung, lamu ga na nam lap zawn prut wa mu ga.

GA SHAGAWP 9:1

Hpaji byeng-ya gaw shadaw sanit kran nna, Tinang a nta hpe gap da nu ai.

ESAIA 32:20

Hka kau shagu hta nli gat lu nna, utang hte lawze dat dat lu ai, nanhte gaw, a lu myit dai.

ESAIA 61:11

Lamu ga gaw apu pu shangun nna, sun gaw gat hkai ai nli hpe maku ku shangun ai hte maren, Madu Yehowa gaw Dinghpring ai hte shakawn kungdawn ai lam, amyu baw ni mahkra a man e tu pru shangun na ra ai.

ESAIA 61:3

Ziun mare hta sharung shayawt ai ni hpe, wan dap a malai nampan shanghkawng, sharung shayawt ai a malai kabu gara ai namman, myit kaji ai a malai kabu gara ai hpun palawng jaw na matu mung, shi ngai hpe shangun dat nngai; shing rai, Yehowa gaw arawng sadang lu la na matu, shanhte gaw, shi hkai da ai dinghpring ai hpun ni ngu ai mying, mying na mara ai.

ESAIA 61:5

Tsasam masha ni sa du nna, nanhte a sagu hpung ni hpe rem na mara ai; sumtsan mung na kashu kasha ni gaw, nanhte matu hkauna galaw nna, tsabyi sun lajang na mara ai.

YEREMIA 2:21

Rai timung, kaja htum ai tsabyi ru jet, tengman ai nli ngu ai nang hpe ngai hkai da ni ai: dai rai yang, nang nye a man e ru chyalam a lakung lakying zawn, kaning rai tai wa n ta?

MAHTE 15:13

Shi htan nna, “Sumsing lamu hta nga ai nye Wa n hkai da ai hpun yawng hte gaw, ru hte nawng baw kau ai hkrum na ra ai.

MAHTE 16:18

Bai, nang hpe ngai tsun de ga, Nang Petru rai nga ndai hte, ndai lunghkrung ntsa e nye a Hpung hpe ngai de da na we ai rai nna. Katsan ga na chyinghka ni, dai hpe dang kau lu na n rai.

MAHTE 9:37

Dai rai nna, shi a sape ni hpe shi tsun mu ai gaw, “Nmut shang shara law law nga ai, amu galaw na ni mahtang n law ma ai:

MARKU 16:20

Shanhte mung hkawm sa nna, shara shagu hkan e hkaw dan mu ai: dai Madu shanhte hte shingdep nna, shabyin lu ai lamik kumla ni hte dai mungga hpe shagrin ya mu ai.

KASA 4:11

Dai Yesu gaw, nanhte nta gaw ai ni lata kau ai nlung rai nga timung, ningjut jahtum na nlung bai rai wa sai.

1 KORINHTU 3:16

Nanhte gaw Karai kasang a nawku htingnu rai nga nna, Karai Kasang a Wenyi gaw nanhte hta e rawng nga malit dai hpe, nanhte n chye nga myit ni?

1 KORINHTU 3:6

Ngai gaw hkai da nngai, Apolo gaw ntsin jaw wu ai: Karai Kasang e she tu shangun nga ai.

1 KORINHTU 6:19

Dai hta n-ga, nanhte a hkumhkrang gaw, Karai kasang kaw na nanhte lu la ai hte, nanhte hta e rawng nga ai Chyoi pra ai Wenyi a htingnu rai nga ai, nanhte n chye nga myit ni? Nanhte gaw tinang hkum hpe pyi up lu ai n rai;

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

2 KORINHTU 6:16

Karai Kasang a nawku ai htingnu gaw, gawngngu sumla ni hte rau kaning rai kahtep lu na a ta? Kaning rai nme law, Ngai shanhte a kata de shanu nga nna ginrun nga na hte, Shanhte a Karai Kasang ngai tai na nngai rai nna, Shanhte gaw nye a amyu tai na mara ai, nga nna Karai Kasang tsun dan nga ai hte maren, ahkrung nga ai Karai Kasang a nawku ai htingnu gaw, anhte rai nga ga ai.

EHPESU 2:10

Kaning rai nme law, anhte shi a magam bungli rai nga ga ai; mai kaja ai bungli shachyen na, Hkristu Yesu hta e hpan da ai ni gaw, anhte rai nga ga ai: dai mai kaja ai bungli hta anhte hkawm nga u ga, Karai Kasang gaw dai ni hpe shawng nnan e lajang tawn da mu ai.

KOLOSE 2:7

shi hta e ru jung nna gaw da nga ai hte, nanhte sharin achyin la ai hte maren, nanhte a makam masham hta ngang ngang hkang hkang rai nga let, dai hta e shakawn kungdawn ai hte law htam wa mu.

1 TIMOHTI 3:15

Karai Kasang a nta e kaning rai arawn alai hkan mai na nang chye lu n ga, ndai lam ngai nang hpe ka dat nngai; dai nta chyawm gaw, hkrung nga ai Karai Kasang a Hpung rai nga nna, tengman ai a sumsai dawnu hte npawt hkridun mung rai nga ai.

HEBRE 3:6

anhte mung, anhte a nden ja ai lam hte myit mada ai lam a gumrawng shara hpe, jahtum nhtoi du hkra ngang ngang manat nga ga yang gaw, dai nta nan rai nga ga ai.

1 PETRU 2:5

Nanhte mung ahkrung nga ai nlung hte zawn, wenyi hte seng ai nta hpe de nga manit dai rai nna, Yesu Hkristu a marang e, sharawng awng wa nna, wenyi hte seng ai hkungga Karai Kasang hpe jaw lu na matu, chyoi pra ai hkinjawng amyu tai wa manit dai.

3 YAWHAN 1:8

Dai re ai majaw, dai tengman ai lam hta e anhte mung shingdep shingtau tai lu na, dai zawn re ai masha hpe anhte hkap hkalum la na mai nga ga ai.