1 KORINHTU 3:8 - Jinghpaw Hanson Version Bible

⁸ Dai hta kaga hkai da ai wa hte ntsin jaw ai wa gaw langai sha rai nga ma ai; rai timung, tinang a shakut sharang ai hte maren, langai hte langai gaw tinang a shabrai lu la na mara ai.

Jinghpaw Common Language Bible 2009

⁸ Nli tum hkai da ai wa hte hka jaw ai yan hta hpa shai hkat ai n rai, langai sha rai nga ma ai. Karai Kasang gaw langai hte langai hpe tinang a galaw shakut sharang ai hte maren shabrai jaw na maru ai.

1 KORINHTU 3:8 ပူးပေါင်းရင်းမြစ်များ

SHAKAWN KUNGDAWN 62:12

Madu e, nang kaw nna chyeju pru nga ai: Kaning rai nme law, tinang galaw ai hte maren, Nang langai hte langai hpe bai htang na ndai.

GA SHAGAWP 27:18

Lakum hpun sin ai wa gaw, lakum si sha lu na ra ai; Tinang madu hpe bau sin ai wa gaw, arawng sadang lu la na ra ai.

Daniela 12:3

Nyan rawng ai ni gaw, sumsing lamu a nhtoi zawn, masha law law hpe dinghpring ai maga de jashawn ai ni gaw, shagan ni zawn, htani htana prat dingsa e htoi tu kabrim na mara ai.

MAHTE 16:27

Kaning rai nme law, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe bai htang na ra ai.

LUKA 19:19

Madu gaw dai wa hpe mung, “Nang mare manga a ntsa e up hkang nu,” ngu wu ai.

ROMA 2:6

Karai Kasang gaw langai hte langai hpe, tinang a bungli hte maren nhtang jaw na ra ai:

1 KORINHTU 15:58

Dai re ai majaw ngai tsaw ngai ra ai hpunau e, nanhte gun hpai ai amu gaw dai Madu hta e kaman lila n rai nga ai dum chye nga let, ngang ngang kang kang, dakring dalang nga nga nna, dai Madu a bungli hta tutnawng e tsam mari shakut sharang nga nga mu law.

1 KORINHTU 3:14

Marai langai ngai a gaw kahtap ai bungli nan nawng rai nga lu yang gaw, dai wa gaw shabrai lu la na ru ai.

1 KORINHTU 3:7

Shing rai, hkai da ai wa gaw hpa n rai nga ai, ntsin jaw ai wa mung hpa n rai nga ai; tu shangun ai Karai Kasang chyu sha shabyin ya lu ai.

1 KORINHTU 3:9

Anhte chyawm gaw Karai Kasang a shingdep shingtau ni rai nga ga ai: nanhte gaw Karai Kasang a yi hkauna hte, Karai Kasang a wahpang htingnu, rai nga myit dai.

1 KORINHTU 4:15

Kaning rai nme law, Hkristu a lam sharin achyin ai sara mun mi dang nanhte lu myit timung, kawa law law wa n nga malit dai; dai kabu gara shiga jaw e, ngai nanhte hpe Hkristu Yesu hta e shaprat dat made ai.

1 KORINHTU 9:7

Kadai wa mi tinang a jarit hte majan amu gun a ta? Sun galaw nna dai hta na n di sha ai, kadai wa rai ta? Yamnga rem nna, yamnga chyu n lu n sha ai, kadai wa rai ta?

GALATI 6:4

Langai hte langai gaw tinang a bungli hpe dinglik yu u ga; shaloi shi gaw masha kaga hta n rai, tinang hta sha gumrawng shara rai na ra ai;

GALATI 6:5

kaning rai nme law, langai hte langai gaw tinang a lit gun hpai shajang na rai nga ai.

HEBRE 6:10

Kaning rai nme law, nanhte chyoi pra ai ni hpe galaw daw manit dai hta n ga, galaw daw dingyang rai nga let, Karai Kasang a mying nsang a matu magam bungli gun hpai nna tsawra ai myit madun ai lam hpe, malap kau ya na gaw, shi n ding n hpring nga ai, n rai.

1 PETRU 5:4

Shing rai yang gaw, dai Hpung rem agyi wa dan pru ai shaloi e, nanhte gaw n wai n mat ai a rawng sadang a janmau hpe, lu la na mu ai.

2 YAWHAN 1:8

Anhte galaw da ai amu hpe nanhte n shamat kau myit dai sha, nanhte hkum hkum re ai shabrai hpe hkam la lu myit ga, tinang dai sadi nga mu.

SHINGRAN 2:23

Shi a kashu kasha ni hpe si lam hte ngai sat kau na we ai: shaloi, nhkyun hte kraw lawang hpe sawk yu ai wa ngai rai nga nngai gaw, Hpung ni yawng chye lu n mara ai: nanhte hta na langai hte langai hte hpe, tinang ni a amu hte maren ngai htang jaw na made ai.

SHINGRAN 22:12

Yu u, ngai alawan du na ring ngai; langai hte langai hpe tinang a amu hte maren bai htang jaw na, ging dan ai shabrai ngai lang da we ai.