1 KORINHTU 3:5 - Jinghpaw Hanson Version Bible

⁵ Apolo gaw kadai rai nga a ta? Pawlu mung kadai rai nga a ta? Shan gaw shangun ma rai nga nna, shan a jaw e nanhte kamsham ai kaw du lu myit dai: dai Madu e jaw da mu ai hte maren, shan langai hte langai shachyen lu ma ai.

Jinghpaw Common Language Bible 2009

⁵ Apolo gaw kadai wa rai nga a ta? Pawlu mung kadai wa rai nga a ta? Anhte gaw Karai Kasang a shangun ma ni sha rai nna, anhte a marang e nanhte Karai Kasang hpe kam sham wa lu myit ga, woi awn lanu lahku ya ai ni sha rai nga ga ai. Dai rai nna anhte langai hte langai gaw Karai Kasang e garan masat jaw da ya ai amu hpe gun hpai lu ga ai.

1 KORINHTU 3:5 ပူးပေါင်းရင်းမြစ်များ

MAHTE 25:15

Langai mi hpe gumhpraw joi manga, langai mi hpe lahkawng, langai mi hpe joi mi di nna, langai hte langai hpe tinang a atsam hte maren ap ya da nhtawm e, hkawm sa mat wa ai.

LUKA 1:2

anhte kaw e byin ngut sai lam ni hpe, anhte e hkai dan madan hte maren, maumwi ka hpajang da ai masha law law wa nga ma ai majaw:

YAWHAN 3:27

Shaloi Yawhan gaw, “Sumsing lamu de na jaw ai sha n rai yang gaw, masha gaw hpa mung n lu la lu ai.

KASA 18:24

Dai hte yang, Apolo ngu ai, Alesandru mare na, zai byeng-ya rawng ai Yuda masha langai mi, Ehpesu mare de du ai: dai wa gaw, Chyum laika grai chye chyang ai wa rai nga ai.

KASA 19:1

Ya Apolo Korinhtu mare e nga nga yang, Pawlu gaw lahta mung hku ga sa wa nna, Ehpesu mare de du ai: dai yang shi sape nkau mi hpe hkrum ai rai nna,

ROMA 15:16

Karai Kasang e ngai hpe jaw da ai chyeju majaw, nanhte hpe bai shadum jahprang na zawn, ngai nanhte hpe nden ja ai myit hte kau chyen ka dat made ai.

1 KORINHTU 12:28

Karai Kasang chyawm gaw nkau mi hpe dai Hpung hta e, langai ngu na hta kasa ni, lahkawng ngu na hta myihtoi ni, masum ngu na hta sara ni, dai hpang e lamik kumla galaw ai ni, dai hpang e machyi makaw shamai shatsai na chyeju lu ai ni, shingdep shingtau ai ni, salang bawmung ni hte ga amyu myu chye tsun ai ni, san tawn da manu ai.

1 KORINHTU 16:12

Ya, hpunau Apolo a lam, hpunau ni hte rau shi nanhte hpang de sa u ga, ngai aja awa sa shadut jahkat we ai: ya sa du na shi loi mi muk n ra ai, rai timung, mai ang ai gying du yang, shi sa na ra ai.

1 KORINHTU 3:10

Karai Kasang ngai hpe jaw da ai chyeju hte maren, hpaji rawng ai nta shachyaw ai wa zawn, ngai npawt nhpang gaw da se ai; kaga hte gaw dai hta e gaw kahtap mu ai. Kaning rai gaw kahtap na hpe langai hte langai yu yu nga mu ga.

1 KORINHTU 3:22

Pawlu mung, Apolo mung, Kehpa mung, mungkan ga mung, hkrung mahkrung mung, si hkrung si htan mung, ya e nga ai hte htawm hpang e pra na ra ai mung, yawng mayawng hte gaw nanhte a npu e rai nga malit dai;

1 KORINHTU 3:7

Shing rai, hkai da ai wa gaw hpa n rai nga ai, ntsin jaw ai wa mung hpa n rai nga ai; tu shangun ai Karai Kasang chyu sha shabyin ya lu ai.

1 KORINHTU 9:17

Dai rai nna, dai amu hpe nye a myit hte ngai galaw nga n yang gaw, ngai shabrai lu nngai; rai timung, nye a myit hte n galaw nga n yang gaw, kunhting aya hta san da ai sha rai nga nngai.

2 KORINHTU 11:23

Shanhte Hkristu a bungli gun hpai ai ni rai ma yang gaw, ngai mahtang grau nna rai nga nngai, ngu nna mana bu ai wa zawn ngai tsun nngai. Amu bungli grau nna ngai galaw nngai; htawng hkrat ai grau nna ngai hkrum nngai; ladu lai ai shingna ngai hkam ni ai; si hkrung si htan law law lang ngai hkrum nngai.

2 KORINHTU 3:3

tsi hte n re ai sha, hkrung nga ai Karai Kasang a Wenyi hte, bai, lungpa hta mung n re ai sha, hkum shan a kraw lawang e ka da nga ai, anhte a lata hte lajang da ai Hkristu a laika nan nanhte rai nga myit dai gaw, dan dan leng leng rai nga ai.

2 KORINHTU 3:6

ningnan ga shaka sara tai na shi anhte hpe shaging sharam ma ni ai; dai ga shaka gaw, laika hkum hta na n re ai sha, Wenyi hta na rai nga ai: kaning rai nme law, laika hkum gaw sat kau chye ai, Wenyi chyawm gaw jahkrung ya lu ai.

2 KORINHTU 4:1

Dai rai nna, chyeju lu la sagaw ai hte maren, ndai ahkang aya gun hpai lu ga ai majaw, anhte n hki n sang ga ai:

2 KORINHTU 4:5

Kaning rai nme law, anhte gaw tinang a lam hkaw dan ga ai n re ai sha, Madu Hkristu Yesu a lam hpe mung, anhte nan Yesu a jaw e nanhte a mayam ni rai nga ga ai lam hpe mung, hkaw dan nga ga ai.

2 KORINHTU 4:7

Rai timung, dai chyahtum chyalai re ai n-gun atsam gaw anhte kaw na n re ai sha, Karai Kasang kaw na pru nga u ga she, ndai sutgan gaw, ga dibu hta sha anhte rawng da gaw ai.

2 KORINHTU 5:18

Dai lam yawng mayawng chyawm gaw Karai Kasang kaw nna rai nga ai; shi gaw anhte hpe Hkristu hta e shi hkum lala hte htinglu htinglai ya mi ai rai nna, dai htinglu htinglai ya ai ahkang aya gaw anhte hpe jaw da ma ni ai;

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

2 KORINHTU 6:4

shakut sharang ai law law hta, tsin-yam tsindam hta, kyin dut ai hta, shagyeng ai hta,

EHPESU 3:7

Karai Kasang a chyeju hte ngai hpe jaw da ai kumhpaw kumhpa a majaw, shi a atsam shachyen ai hte maren, dai kabu gara shiga a shangun ma ngai tai ni ai.

KOLOSE 1:23

shi a si hkam ai a marang e, shi a hkumhkrang na ashan hta e shi ya e nanhte hpe htinglu htinglai ya manit dai: dai kabu gara shiga a gun hpai ai wa ngai Pawlu nan tai wa ni ai.

KOLOSE 1:25

Moi chyaloi nhkoi prat mi hte prat mi makoi magap da ai sung htum ai lam ngu ai Karai Kasang a mungga hpe jahkum shatsup nga u ga.

1 TIMOHTI 1:12

Ngai hpe kangka re ai wa nawn nna, dai aya hta ngai hpe dang da ai majaw, ngai hpe n-gun shaja ya ai, anhte a Madu Hkristu Yesu hpe nan, ngai shakawn kungdawn nngai.

1 PETRU 4:10

Langai hte langai chyeju kumhpa lu la ai hte maren, Karai Kasang a chyeju amyu myu hpe, kaja ai hpajau wa jau ai zawn, nanhte shada da dai hpe jau hkat nga mu.