1 KORINHTU 3:3 - Jinghpaw Hanson Version Bible

³ kaning rai nme law, nanhte shinggyim ta naw rai nga myit dai. Nanhte hta e manawn masham hte ga law ga la rai nga myit dai majaw, nanhte shinggyim ta naw rai nga myit dai hte, mungkan masha zawn, naw hkawm nga myit dai, n rai myit ni?

Jinghpaw Common Language Bible 2009

³ Dai majaw nanhte gaw shinggyim ta re ai hku naw nga nga myit dai. Nanhte hta manawn masham ai hte ga li ga law rai nga myit dai majaw, dai gaw nanhte ndai mungkan hte seng ai hku asak hkrung nga ai ni re ngu ai hpe sakse madun nga ai n rai ni?

1 KORINHTU 3:3 ပူးပေါင်းရင်းမြစ်များ

HOSEA 6:7

Rai timung, shanhte gaw Adam zawn, ga shaka hpe tawt lai kau manu ai: dai yang e shanhte gaw, myit magaw ai hku, ngai hpe di kau ma ni ai.

ROMA 13:13

Tangpyaw shalai ai hte chyaru nang ai, shawa num gaswi ai hte ngang kayut ai, ga law ga la ai hte manawn masham ai hpe n hkan tam ai sha, shani chyingtung na shingdi ai zawn anhte a hkawm nga ga.

1 KORINHTU 1:10

Hpunau ni e, nanhte nlang hte gaw ga langai sha tsun nga nna, nanhte hta e hka wa bra wa na lam n nga ai sha, myit mang langai sha hte mung sumtu langai sha hta e nanhte hkum tsup lu myit ga, anhte a Madu Yesu Hkristu a amying ningsang a marang e, ngai nanhte hpe shadut jahkat dat made ai.

1 KORINHTU 1:11

Kaning rai nme law, ngai hpu ngai nau ni e, nanhte hta ga law ga la rai nga myit dai gaw, Hkloe a nta na ni, nanhte a lam ngai hpe sa shana ya mi ai.

1 KORINHTU 11:18

Shawng na lam tsun yang, nanhte gaw dai Hpung hta e zuphpawng ai shaloi, nanhte hta e hka wa bra wa na lam rai nga ai, ngai na hkrup nngai rai nna, teng dam nhten ngai kam nngai.

1 KORINHTU 3:4

Langai ngai gaw, “Ngai chyawm gaw, Pawlu hte seng nngai; bai kaga gaw, Ngai mahtang Apolo hte seng nngai,” nga nna tsun shajang myit yang gaw, nanhte mungkan masha hkrai rai nga myit dai, n rai myit ni?

2 KORINHTU 12:20

Kaning rai nme law, nanhte hpang de ngai du yang, ngai ra ai hte maren nanhte n rai nga nna, nanhte ra ai hte maren ngai mung n rai nga na nhten, ngu nna ngai tsang nga nngai: gasat gala, manawn masham, n dawng n yawt ai, bra wa na lam, baw law ai ga, kadum kahte ai ga, grang ai ga hte kabrawng kabrang rai nga na hpe mung, ngai tsang nga nngai:

GALATI 5:15

Shing n rai, nanhte shada da kawa nna sha hkat myit yang gaw, nanhte shada da n shamyit kau myit ga, sadi nga mu.

TITU 3:3

Kaning rai nme law, anhte mung shawng de gaw myit ngawk ai, n madat n mara ai, lam dam nna, ngang kayut ai hte pyaw daw kadaw ai lam amyu myu hkan galaw yu ai ni, n hkru n hkra ai hte manawn masham hta hkan len nga let, matsat shabat re ai ni, manang shada da n dawng n yawt re ai ni, rai nga ga ai.

YAKU 3:16

Kaning rai nme law, manawn masham hte gasat gala rai nga yang gaw, kashuk kashak hte n shawp ai amu amyu myu hkum nga ai.

1 PETRU 4:2

ndai hkum tsawp hta e naw ahkrung nga ai aprat e, masha a myit marin ai hku n hkan ai sha, Karai Kasang a myit hpe hkan nang lu myit ga, nanhte mung dai myit hpe nan, hpyen palawng zawn ahpun da nga mu.