1 KORINHTU 3:23 - Jinghpaw Hanson Version Bible

²³ nanhte mahtang Hkristu a rai nga ai ni, rai nga myit dai; Hkristu chyawm gaw Karai Kasang a re ai wa rai nga ai.

Jinghpaw Common Language Bible 2009

²³ Nanhte hpe Hkristu madu nga nna, Hkristu hpe chyawm gaw Karai Kasang madu nga ai.

1 KORINHTU 3:23 ပူးပေါင်းရင်းမြစ်များ

MAHTE 17:5

Dai ga shi naw tsun nga yang, yu mu, htoi tu ai sumwi gaw shanhte hpe ka-up mu ai hte dai sumwi hta na nsen pru nna, “Ndai wa gaw ngai sharawng awng ai, ngai tsawra ai ngai Sha rai nga ai: shi a ga madat mara mu,” nga ai.

YAWHAN 17:18

Nang ngai hpe mungkan ga de shangun dat ndai zawn, ngai mung shanhte hpe mungkan ga de shangun dat da mawe ai.

YAWHAN 17:21

nang ngai hpe shangun dat ndai gaw, mungkan ga na ni kamsham lu mu ga, dai ni nlang hte gaw langai sha tai nna, Wa e, nang ngai hta nga nga nna, ngai mung nang hta nga nga nngai zawn, dai ni nlang hte gaw, an hta nga nga na matu, ngai hpyi nga nngai.

ROMA 14:8

Hkrung nga yang gaw, dai Madu a lam anhte hkrung nga ga ai; si wa yang mung, dai madu a lam anhte si wa ga ai. Dai re ai majaw, hkrung timung si timung, dai Madu hte anhte seng nga ga ai.

1 KORINHTU 11:3

Rai timung, lasha nlang hte a baw gaw, Hkristu rai nga ai, numsha a baw gaw lasha rai nga ai, Hkristu a baw chyawm gaw, Karai Kasang rai nga ai hpe nanhte chye myit ga, ngai ra nga nngai.

1 KORINHTU 15:23

Rai timung, langai hte langai tinang ang ai hku hte maren rai wa na ra ai: Hkristu gaw shawng si ai asi rai nga ai; dai hpang, Hkristu bai du ai ladaw e shi hte seng ai ni hkrung wa na mara ai;

1 KORINHTU 15:28

Yawng mayawng hte hpe shi a npu e tawn da ngut yang, shi a npu e yawng mayawng hte hpe tawn da ai wa a npu e mung, dai Kasha nan tawn da ai hkrum na ra ai rai nna, Karai Kasang gaw yawng mayawng hta e baw sumhpa tai na ra ai.

1 KORINHTU 7:22

Kaning rai nme law, mayam rai nga yang, dai Madu e shaga la ai hkam ai wa gaw, dai Madu a shanglawt rai nga ai; dai hte maren shanglawt rai nga yang, shaga la ai hkam ai wa gaw, Hkristu a mayam rai nga ai.

1 KORINHTU 8:6

rai timung, anhte a matu mara, Wa ngu ai, Karai Kasang langai sha rai nga ai rai nna, shi kaw nna yawng mayawng pru wa ai hte, shi a matu anhte rai nga ga ai; Yesu Hkristu ngu ai Madu mung langai sha rai nga ai rai nna, shi a marang e yawng mayawng rai nga ai hte, shi a majaw anhte rai nga ga ai.

2 KORINHTU 10:7

Nanhte gaw myi man sha yu matsing myit dai. Ngai gaw Hkristu hta e rai nga nngai, nga nna langai ngai myit da a yang gaw, shi nan Hkristu hta e rai nga ai hte maren, anhte mung rai nga ga ai, tinang hkum dai myit dum nga u ga.

GALATI 3:29

Ya nanhte Hkristu hte seng nga myit yang gaw, nanhte Abraham a aru arat rai nga myit dai hte, dai ga ndat nga ai hte maren, sali wunli hkam la ai ni rai nga myit dai.

GALATI 5:24

Hkristu Yesu hte seng ai ni chyawm gaw, tinang a hkum shan myit mung, myit kayut ai hte marin marit ai hte nawng, wudang hta jen da manu ai.

EHPESU 1:10

dai sung htum ai lam chyawm gaw, shi a sharawng awng ai myit hku hkan nna, Hkristu hta e myit shatawng da sai hte maren, madat da ai aten ladaw du wa yang, sumsing lamu tang na arai hpe mung, ginding aga na arai hpe mung, nga manga hte hpe Hkristu hta e gumhpawn tawn da na ru ai lam, rai nga ai.