1 KORINHTU 3:19 - Jinghpaw Hanson Version Bible

¹⁹ Kaning rai nme law, ndai mungkan ga na hpaji byeng-ya gaw, Karai Kasang a man e angawk angak rai nga ai. Dai rai nna, Hpaji rawng ai ni hpe shanhte a hpaji hte shi shakrip mu ai;

Jinghpaw Common Language Bible 2009

¹⁹ Hpa majaw nga yang, ndai mungkan ga na hpaji byeng-ya gaw, Karai Kasang a man e angawk angak rai nga ai. Dai Chyum Laika hta tsun ai hte maren, “Karai Kasang gaw hpaji byeng-ya rawng ai ni hpe, shanhte nan lang ai hpaji mahkam hta lu si mat shangun mu ai.”

1 KORINHTU 3:19 ပူးပေါင်းရင်းမြစ်များ

2 SAMUELA 15:31

masha langai mi mung Dawi hpe, “Absalom hte gumlau lawm ai hpung hta Ahihtohpela mung lawm ai,” ngu nna shana ya wu yang, Dawi gaw, “Yehowa e, Ahihtohpela daw ya ai hpaji hpe shangawk kau ya u,” ngu nna hpyi wu ai.

2 SAMUELA 16:23

Dai prat e Ahihtohpela daw ya ai hpaji gaw, Karai Kasang kaw san la lu ai ga zawn kang nga lu ai; Dawi a man e rai timung, Absalom a man e rai timung, Ahihtopela daw ya ai hpaji ga gaw dai zawn kang nga lu ai.

2 SAMUELA 17:14

Dai na jang, Absalom hte Israela masha ni nlang hte gaw, Arhki masha Hushai daw ai hpaji mahtang, Ahihtohpela daw ai hpaji hta grau htuk nga ai, nga ma ai. Kaning rai nme law, Absalom hpe jasum na matu, Ahihtopela daw ai hpaji kaja hpe jahten lu hkra, Yehowa hpajang ai rai nga ai.

2 SAMUELA 17:23

Ahihtohpela chyawm gaw, shi daw ya ai hpaji hku n hkan ai mu jang, shi a lawze byau nna, shi nga ai mare, shi a nta de wa nhtawm, dinghku amu hpajang da ngut jang, shi dai dau si mat ai; shi kawa lup hta e, shi hpe makoi mayang di mu ai.

ESHTA 7:10

Shing rai Mordehkai a matu jung da ai wudang hta, Haman hpe noi da mu ai. Shaloi hkawhkam wa a myit kawp wa sai.

YOBA 5:13

Shi gaw, hpaji rawng ai ni hpe, tinang a hpaji hte shakrip mu ai; hkalem sha ai ni a bawng ai hku hpe gale kau ya mu ai.

SHAKAWN KUNGDAWN 141:10

Ngai gaw apra asan sha lai wa lu nna, Tara n lang ai ni tinang a mahkam hta, rung rai mu ga.

PRU MAT 1:10

ya sa marit, shanhte n law wa lu na hte majan pru yang anhte a hpyen maga de shang nna anhte hpe gasat kau da nhtawm, ndai mung na n lung mat wa lu mu ga, shanhte hpe zai hte galaw gaw, ngu wu ai.

PRU MAT 18:11

Hpara mahkra hte hta Yehowa grau kaba nga ai gaw, ya ngai chye se ai; shanhte myit tsaw gumlawt ai hta dai lam hkrum sha ma ai, nga ai.

GA SHAGAWP 14:8

Tinang sa wa ai lam chye lu ai gaw, myit su ai wa a hpaji rai nga ai; Angawk ai ni maw ai lam chyawm gaw, hkalam ai hkrai rai nga ai.

GA SHAGAWP 21:30

Hpaji gade, chye chyang ai myit gade, hpaji daw ai lam gade rai timung, Yehowa hpe dang lu na lam n nga ai.

ESAIA 44:25

Grang dakat ai ni a kumla ni hpe shayuk kau ai hte, shaba wawt ai ni hpe mana bu shangun ai wa; hpaji byeng-ya rawng ai ni hpe kanut shangun ai hte shanhte a hpaji hpe shagawk kau ai wa;

1 KORINHTU 2:6

Rai timung, anhte gaw kup tsup ai ni hpe hpaji byeng-ya tsun dan ga ai: ndai mungkan ga na hpaji byeng-ya n rai; ndai mungkan ga na hten bya nga ma ai du ni a hpaji byeng-ya mung n re ai sha,

1 KORINHTU 4:6

Hpunau ni e, ka da nga ai hte maren nanhte n lai lu na hte, langai wa hta myit kaba nna kaga wa hpe shinggan kau na n rai u ga, an a lam tau yu let nanhte sharin lu myit ga, ndai ga hte hpe ngai hte Apolo a lam, ngai nanhte a matu ga shadawn shatai nna sha-ang we ai.

EHPESU 4:14

shing rai anhte ma chyangai naw n rai nga na hte, masha a n hkru n hkra ai, maw da ai hkalem hkalau ai hpaji hte maren, nbung ngu ai sharin shaga ai lam shagu gadau gadap ai hte nhting nhtang n hkrum ai sha,

YAKU 3:15

Shing re ai hpaji byeng-ya chyawm gaw, ntsa de nna yu hkrat wa ai hpaji byeng-ya n rai; dai gaw, dinghta ga a, ashu ashan a hte ji nat a hpaji byeng-ya hkrai rai nga ai.