1 KORINHTU 3:18 - Jinghpaw Hanson Version Bible

¹⁸ Kadai rai timung tinang hkum hpe hkum hkalem nga myit ga. Marai langai ngai ndai mungkan ga e nanhte hta, Hpaji byeng-ya rawng nga nngai, nga nna grang a yang gaw, dai wa gaw hpaji byeng-ya lu la hkra, angawk angak tai wa u ga.

Jinghpaw Common Language Bible 2009

¹⁸ Kadai rai ti mung tinang hkum hpe hkum hkalem nga myit ga. Nanhte hta na marai langai ngai ndai mungkan a madang hku nna tinang hkum hpe hpaji byeng-ya rawng nga nngai nga nna grang a yang gaw, hpaji byeng-ya rawng ai wa majing tai na matu angawk angak re ai masha tai wa u ga.

1 KORINHTU 3:18 ပူးပေါင်းရင်းမြစ်များ

GA SHAGAWP 26:12

Hpaji rawng dum ai wa nga yang, Shi hpe myit mada ai hta, angawk wa hpe myit mada ai hta, angawk wa hpe myit mada ai gaw, grau mai nga ai.

GA SHAGAWP 3:5

Na a myit masin mahkra hte Yehowa hpe kam hpa nga u; Na a chye chyang ai nyan hta hkum shamyet shanat nga u.

GA SHAGAWP 3:7

Ngai hpaji rawng nngai, hkum myit et; Yehowa hpe hkrit hkungga nna, yubak hpe koi kau u.

GA SHAGAWP 5:7

Dai rai nna, ngai sha ni e, nye a ga madat mara mu; Nye n-gup na pru ai ga hkum gang kau myit.

ESAIA 44:20

Shi gaw wan dap amawp sha nga ai; n shawp ai myit hte lam dam wa sai; dai rai nna shi gaw shi a myit masin hpe n hkye la lu ai hte, Nye a hkra lata hta masu ai hkrai rawng nga ai, n rai ni? nga nna n chye tsun a hka.

ESAIA 5:21

Ngai hpaji rawng nngai, nga nna myit ai ni hte, tinang hkum rai dum la ai ni gaw, dingnye lu ma ai.

YEREMIA 37:9

Yehowa ning nga ai: Gaja wa, Hkalde masha ni anhte kaw na pru mat wa na mara ai, nga nna tinang hkum hpe hkum hkalem kau myit; shanhte pru mat wa na n rai.

YEREMIA 8:8

“Dai rai yang, Anhte hpaji lu ga ai; Yehowa a tara anhte hta rai nga ai, nga nna nanhte kaning rai tsun lu na myit ni? gaja wa chyare ni a masu ai kanyit gaw, masu ai lam shapraw nga ai.

MAHTE 13:22

Ju hpun hta gat ai nli a lam gaw, dai ga hpe na la timung, ndai prat na myit tsang ai hte hkalem kau ai sutgan gaw, dai mungga hpe lim kau nna, asi n si lu ai wa hpe rai nga ai.

MAHTE 18:4

Ndai ma kaji zawn, tinang a myit shanem ai wa kadai rai timung, sumsing lamu a mungdan hta, grau kaba ai wa tai na ra ai.

MARKU 10:15

Nanhte hpe ngai teng teng tsun made ga, Kadai rai timung Karai Kasang a mungdan hpe ma kaji zawn n hkap la ai wa gaw, dai hta e gaja wa n shang lu na ra ai,” ngu nna shanhte hpe tsun mu ai.

LUKA 18:17

Nanhte hpe ngai teng teng tsun made ga, Kadai rai timung, Karai Kasang a mungdan hpe, ma kaji zawn n hkap la ai wa gaw, dai hta e gaja wa n shang lu na ra ai,” ngu mu ai.

LUKA 21:8

Shaloi shi gaw, “Nanhte hkalem kau ai n hkrum myit ga, sadi nga mu: kaning rai nme law, masha law law wa nye a amying hte paw pru nna, ‘Ngai gaw dai wa rai nga nngai, ahkying mung du ra ai,’ nga nna tsun na mara ai: shanhte a hpang hkum hkan nang myit.

ROMA 11:25

Dai rai nna, hpunau ni e, nanhte tinang a hpaji n machyu myit ga, ndai sung htum ai lam hpe nanhte n chye nga na, ngai n ra nngai; dai gaw, maigan amyu ni garai n shang hkum ai du hkra, Israela masha nkau mi myit shanuk kau ai hkrum ma ai, nga ai:

ROMA 12:16

Langai hte langai shada da myit shara mu; arawng lam n tam ai sha, arawng n lu ai ni hte mazum hkau nga mu. Tinang hkum hpe hpaji rawng ai zawn, hkum nawn nga myit.

1 KORINHTU 15:33

Nanhte lam hkum dam myit; N kaja ai kanawn manang ni, mai kaja ai arawn alai hpe jahten ma ai.

1 KORINHTU 3:17

Marai langai ngai Karai Kasang a nawku htingnu hpe sharun shabya nga yang gaw, Karai Kasang dai wa hpe sharun shabya kau na ru ai; kaning rai nme law, Karai Kasang a nawku htingnu gaw chyoi pra nga ai; nanhte mung dai zawn rai nga myit dai.

1 KORINHTU 4:10

Anhte gaw Hkristu a majaw angawk angak rai nga ga ai, nanhte mahtang Hkristu hta e myit su nga myit dai; anhte gaw n-gun n ja ga ai, nanhte mahtang n-gun ja myit dai; nanhte hpung rawng myit dai, anhte mahtang arawng hpoi saga ai.

1 KORINHTU 6:9

N ding n man ai ni gaw Karai Kasang a mungdan a sali wunli n hkam la lu na re ai, nanhte n chye nga myit ni? Lam hkum dam myit: hpye ai amu galaw ai ni mung, gawngngu sumla nawku ai ni mung, num shaw ai ni mung, ngang ai ni mung, la shada tam ai ni mung,

GALATI 6:3

Hpa garai n re ai wa gaw, ngai mung langai ngai rai nga nngai, nga nna rai dum a yang gaw, tinang dai tinang hkum hpe hkalem kau wu ai.

GALATI 6:7

Lam hkum dam myit; Karai Kasang hpe n sawn n sang di lu na n rai: masha gaw gat hkai ai hte maren, dan la na ra ai.

EHPESU 5:6

Kadai rai timung, kaman lila ga hte nanhte hpe myit hkum shadam myit ga; kaning rai nme law, dai lam nhkan e Karai Kasang a pawt sindawng ai gaw, n madat mara ai ni a ntsa e du ra ai.

2 TIMOHTI 3:13

N hkru n hkra ai hte sawt ai masha ni chyawm gaw, hkalem sha nna, hkalem sha ai nhtang hkrum let, n hkru ai lam hta je je kaba wa na mara ai.

TITU 3:3

Kaning rai nme law, anhte mung shawng de gaw myit ngawk ai, n madat n mara ai, lam dam nna, ngang kayut ai hte pyaw daw kadaw ai lam amyu myu hkan galaw yu ai ni, n hkru n hkra ai hte manawn masham hta hkan len nga let, matsat shabat re ai ni, manang shada da n dawng n yawt re ai ni, rai nga ga ai.

YAKU 1:22

Nanhte gaw tinang hkum hpe n hkalem kau myit ga, dai mungga hpe a na yu ai ni sha n rai, dai hpe hkan galaw ai ni nan, a tai nga mu.

YAKU 1:26

Ngai gaw nawku htung shadik ai wa rai nga nngai, nga nna marai langai ngai myit nawn dam timung, tinang a shinglet hpe n chye hkang ai hte, tinang a myit hpe hkalem kau yang, dai wa a nawku htung, kaman lila sha rai nga lu ai.

1 YAWHAN 1:8

Anhte yubak n rawng ga ai, nga nna tsun ga yang gaw, anhte hkum hpe anhte hkalem kau ga ai rai nna, tengman ai myit anhte hta n rawng saga ai.