1 KORINHTU 3:17 - Jinghpaw Hanson Version Bible

¹⁷ Marai langai ngai Karai Kasang a nawku htingnu hpe sharun shabya nga yang gaw, Karai Kasang dai wa hpe sharun shabya kau na ru ai; kaning rai nme law, Karai Kasang a nawku htingnu gaw chyoi pra nga ai; nanhte mung dai zawn rai nga myit dai.

Jinghpaw Common Language Bible 2009

¹⁷ Marai langai ngai Karai Kasang a nawku htingnu hpe sharun shabya nga a yang gaw, Karai Kasang dai wa hpe sharun shabya kau na ru ai. Hpa majaw nga yang, Karai Kasang a nawku htingnu gaw chyoi pra nga ai rai nna, nanhte mung dai zawn rai nga myit dai.

1 KORINHTU 3:17 ပူးပေါင်းရင်းမြစ်များ

NINGPAWT NINGHPANG 28:17

Bai shi gaw hkrit la ai hte, “Shara ndai gaw ja ja hkrit mai ai shara rai nga a hka; shara ndai kaga n rai, Karai Kasang a nta hte sumsing lamu a chyinghka lam rai nga a hka gaw!” nga ai.

1 HKAWHKAM LABAU 29:3

Dai hta kaga, Karai Kasang a nta hta nye a myit manoi nga ai hte, ngai hkum nan lu ai aja gumhpraw sut rai naw nga ai majaw, nye a Karai Kasang a chyoi pra ai nta matu, ngai mahkawng da ai hta n-ga,

SHAKAWN KUNGDAWN 74:3

Tut tut marawng marang rai nga ai de sa yu u, Gumlau ni a chyoi pra ai shara hpe hpya kau manu ai.

SHAKAWN KUNGDAWN 79:1

Karai Kasang e, maigan amyu ni, Na a sali wunli hta shang nga nna, Na a chyoi pra ai htingnu hpe wu kau mu ai: Yerusalem mare hpe marawng marang di kau mu ai.

SHAKAWN KUNGDAWN 93:5

Na a sakse ga nachying grin nga ai; Yehowa e, lamu ga aprat htum hkra, Na a nta gaw chyoi pra nga na, ging nga ai.

SHAKAWN KUNGDAWN 99:9

Anhte a Karai Kasang Yehowa hpe shagrau mu, Shi a chyoi pra ai bum hta e nawku mu: Anhte a Karai Kasang Yehowa gaw chyoi pra nga ai law.

PRU MAT 3:5

Shaloi Karai Kasang gaw, “Nang de hkum sit nit; na a kyepdin raw kau u; dai nang kabye ai ga gaw chyoi pra ai shara rai nga ai,” nga nna mung;

ESAIA 64:11

Ji wa ni nang hpe shakawn kungdawn ai shara, anhte a chyoi pra ai hte tsawm hkik ai nawku htingnu gaw, hkru mat sai; anhte a ngwipyaw ai shara ni yawng, atsai awai rai mat sai.

EZEKELA 43:12

Nawku Nta a tara gaw da ndai rai nga ai: bum pungding htingra hte de a grup yin e yawng, chyoi pra htum ai shara tai na ra ai. Yu u, dai gaw dai Nta a tara rai nga ai.

EZEKELA 5:11

Dai re ai majaw, Madu Yehowa ning nga ai: Nang gaw na a n san n seng ai, matsat shabat amu mahkra hte nye a Chyoi pra ai shara hpe awu asin di kau ai majaw, ngai hkrung nga ai hte maren, ngai nang hpe shayawm na de ai: nye a myi lahpawt dum na n rai; ngai mung matsan dum na n rai.

EZEKELA 7:22

Ngai gaw nye a myi man kayin kau nna, shanhte gaw nye a chyoi pra shim ai shara hpe, awu asin di kau na mara ai: damya ni mung dai hta shang lu nna, awu asin di kau na mara ai.

JAW JAU 15:31

Ning rai, Israela kashu kasha ni, shanhte a ka-ang na nye a sum hpe awu asin rai nna, tinang a n san n seng ai hta si ai n hkrum mu ga, shanhte hpe tinang a n san n seng ai lam hta na nanhte jahka la na rai myit dai, ngu wu ai.

JAW JAU 20:3

Nye a chyoi pra ai nta hpe awu asin rai nna, nye a chyoi pra ai mying ningsang jahpoi na, tinang kasha hpe Molok hpara hta nawng jau ai majaw, dai wa hpe ngai ate nna, shi a amyu hta na sumri dan kau ya na we ai.

ZEHPANI 3:4

Myihtoi ni gaw ga kaman tsun nna, hkalem hkalau ai ni, rai nga ma ai: hkinjawng ni gaw, dai chyoi pra ai shata hpe, awu asin di kau nna, jep ai tara hpe shanut kau ma ai.

BU HKAWM 19:20

N san n seng ai wa shi nan tinang hkum hpe shawan shasan na n galaw yang gaw, Yehowa a chyoi pra ai nta hpe shawu jasin wu ai majaw, shawa hpung hta na sumri dan kau ya ai hkrum lu na rai wu ai: shawan shasan ai ntsin a lapri bun ai n hkam wu ai majaw, shi hta n san n seng naw rai nga ai.

1 KORINHTU 3:16

Nanhte gaw Karai kasang a nawku htingnu rai nga nna, Karai Kasang a Wenyi gaw nanhte hta e rawng nga malit dai hpe, nanhte n chye nga myit ni?

1 KORINHTU 3:18

Kadai rai timung tinang hkum hpe hkum hkalem nga myit ga. Marai langai ngai ndai mungkan ga e nanhte hta, Hpaji byeng-ya rawng nga nngai, nga nna grang a yang gaw, dai wa gaw hpaji byeng-ya lu la hkra, angawk angak tai wa u ga.