1 KORINHTU 3:14 - Jinghpaw Hanson Version Bible

¹⁴ Marai langai ngai a gaw kahtap ai bungli nan nawng rai nga lu yang gaw, dai wa gaw shabrai lu la na ru ai.

Jinghpaw Common Language Bible 2009

¹⁴ Gaw gap ai hta lang ai arung arai gaw dai wan hta jen yu ai lam hpe hkam lu ai rai yang gaw, gaw gap ai wa gaw shabrai lu la na ru ai.

1 KORINHTU 3:14 ပူးပေါင်းရင်းမြစ်များ

Daniela 12:3

Nyan rawng ai ni gaw, sumsing lamu a nhtoi zawn, masha law law hpe dinghpring ai maga de jashawn ai ni gaw, shagan ni zawn, htani htana prat dingsa e htoi tu kabrim na mara ai.

1 KORINHTU 3:8

Dai hta kaga hkai da ai wa hte ntsin jaw ai wa gaw langai sha rai nga ma ai; rai timung, tinang a shakut sharang ai hte maren, langai hte langai gaw tinang a shabrai lu la na mara ai.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

1 KORINHTU 9:17

Dai rai nna, dai amu hpe nye a myit hte ngai galaw nga n yang gaw, ngai shabrai lu nngai; rai timung, nye a myit hte n galaw nga n yang gaw, kunhting aya hta san da ai sha rai nga nngai.

GALATI 6:4

Langai hte langai gaw tinang a bungli hpe dinglik yu u ga; shaloi shi gaw masha kaga hta n rai, tinang hta sha gumrawng shara rai na ra ai;

1 HTESALONI 2:19

Kaning rai nme law, anhte a Madu Yesu a man e, shi a bai du ai hta, anhte a myit mada shara, kabu gara shara hte gumrawng na janmau gaw, hpa mi rai nga a ta? Nanhte nan dai rai nga myit dai, n rai myit ni?

2 TIMOHTI 4:7

Ngai gaw kaja ai gasat gala gasat ngut se ai: gat shingjawng ai lam htum hkra gat shadu se ai; dai makam masham hpe ngai a manoi nga ni ai:

1 PETRU 5:1

Dai re ai majaw, Hkristu a nni nkri hkrum ai lam hta sakse tai nga ai hte paw pru magang ra ai hpung shingkang hta hkambum lu ai nanhte a kanawn salang, ngai gaw, nanhte hta lawm ai Hpung salang ni hpe shadum jahprang dat mawe ga;

1 PETRU 5:4

Shing rai yang gaw, dai Hpung rem agyi wa dan pru ai shaloi e, nanhte gaw n wai n mat ai a rawng sadang a janmau hpe, lu la na mu ai.