1 KORINHTU 2:9 - Jinghpaw Hanson Version Bible

⁹ Shing rai, ka da nga ai hte maren, “Myi e n mu, na hte n na yu nna, Masha myit hta n hkawn pru ai lam, Karai Kasang gaw shi hpe tsawra ai ni a matu mara lajang da ai hpa rai timung,” anhte tsun dan ga ai.

Jinghpaw Common Language Bible 2009

⁹ Rai ti mung Chyum Laika hta, “Kadai n mu n na yu ai lam, byin na re ai ngu nna kadai n myit hkawn pru ai lam hpe Karai Kasang gaw shi hpe tsaw ra ai ni a matu mara lajang da nga ai,” nga nna ka da nga ai.

1 KORINHTU 2:9 ပူးပေါင်းရင်းမြစ်များ

SHAKAWN KUNGDAWN 31:19

Masha kasha ni a man e, nang hta shingbyi ai ni a matu nang galaw dan nna, Nang hpe hkrit kamyin ai ni a matu nang kyem da ai chyeju gaw, gade wa kaba nga a hka!

ESAIA 64:4

Kaning rai nme law, nang hpe myit mada ai wa a matu, nang zawn chyeju madun ai Karai Kasang shaje, kadai wa mung, moi chyaloi nhkoi kaw nna n na, n chye ai hte, myi hte mung, mu yu ai n rai.

ESAIA 65:17

Kaning rai nme law, yu mu, sumsing lamu ningnan ginding aga ningnan ngai hpan da nga nngai: shawng na lam ni hpe dum na mung n rai, myit sumru yu na mung n rai.

MAHTE 20:23

Bai shi gaw, “Nye a gawm hpe nanhte gaja wa lu na rai nga myit dai; rai timung, nye a hkra maga pai maga de dung nga lu na, ngai ahkang n jaw lu nngai: dai gaw, nye a Wa lajang da ya ai ni a matu mara sha rai nga ai, ngu nna shanhte hpe tsun wu ai.

MAHTE 25:34

Shaloi e dai Hkawhkam wa gaw shi a hkra maga de nga ai ni hpe, “Nye a Wa kaw na shaman ya lu la ai ni e, sa marit; ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu:

YAWHAN 3:16

Kaning rai nme law, Karai Kasang a Kasha hpe kamsham ai ni nlang hte gaw, hten bya n hkrum ai sha, htani htana asak lu la mu ga nga, Karai Kasang gaw shi a Kasha shingtai hpe jaw kau ai kaw du hkra, mungkan ga hpe tsawra wu ai.

ROMA 8:28

Dai rai nna, shakyet tawn da ai hte maren, shaga la ai hkrum ai ni ngu ai, Karai Kasang hpe tsawra ai ni a matu mara, yawng mayawng mai kaja hkra jawm byin wa sai, anhte chye ga ai.

HEBRE 11:16

Ya chyawm gaw, dai hta grau ai, sumsing lamu na buga ngu ai hpe, shanhte marit nga ma ai: dai re ai majaw Karai Kasang gaw, shanhte a Karai Kasang ngu na hpe, kaya wu ai n rai; kaning rai nme law, shanhte a matu mara shanu nga na mare, shi lajang da nu ai.

YAKU 1:12

Agung alau hkrum yang shakut sharang ai wa gaw, a nga lu ai: kaning rai nme law, dinglik yu ai hkrum ngut jang, Karai Kasang shi e tsawra ai ni hpe ndat da ai asak janmau gaw, shi lu la na ru ai.

YAKU 2:5

Ngai tsawra ai hpunau ni e, madat mara la mu: kamsham ai sutgan hta lu su nna, Karai Kasang hpe tsawra ai ni a matu mara, ndat da ai mungdan a sali wunli hpe hkam la lu mu ga, Karai Kasang gaw mungkan ga na matsan mayan ni hpe lata la manu ai, n rai ni?

1 PETRU 1:12

Kaning rai nme law, ndai shanhte daw ai amu hte gaw, tinang a matu n re ai sha, nanhte a matu rai nga ai hte, sumsing lamu de na shangun dat ai Chyoi pra ai Wenyi a ahkang hte, kabu gara ai shiga, nanhte hpe hkaw dan ai ni, ya nanhte hpe gawn dan lu na amu rai nga ai gaw, shanhte hpe mung madun dan manu ai: dai amu hte hta lamu kasa ni mung, azi yu mayu nga ma ai.

1 YAWHAN 4:19

Shi gaw shawng nnan e anhte hpe tsawra mi ai majaw, anhte mung, tsawra nga ga ai.